[集體發文] 電玩‧玩不停

怨念：INSERT LINK個BOX LOAD死咗…本人好順手就RIGHT CLICK RELOAD…天呀﹗竟然成篇野RELOAD呀﹗天呀﹗成篇野我打完晒啦﹗天呀…我要由頭打過(第X次無SAVE之下REFRESH咗…)…天呀…幾時SYSTEM UPGRADE會加埋自動SAVE呀…天呀…我不依呀…電腦果然不是我的朋友呀…(11/1/12後按：OH，是之前鮮奶的怨念啦…)

OK，這個題目就由我的敵人電腦開始講啦…唉呀…真係…@#%@^@%$%@^$%$^#

電腦

舊文說過電腦唔係我的朋友，第一部衰機唔識上網，第二部衰機無啦啦死掉，第三部(即係左圖這部)就扮死，害我以為佢真係死掉…走去買咗新機乙部…丫…點知部衰機三號無啦啦識READ番碟…咁我就可以FORMAT佢…丫…佢又無事無幹咗大半年喎…咁部三姨就多咗出嚟不知如何是好了…丫…你話衰得佢…

(但真心講，05年到而家玩咗四年，其實…很襟用…雖然我買FUJITSU係…完全…貪佢日本野同埋型…哈哈哈…一定係個天罰我個人太表面…所以送部邪惡電腦俾我…嗚呀…)(11/1/12後按：話後未完佢就因意外歸西啦﹗)

相機

第一部DC係02年買的富士…本來我係想買索尼的晒把索，去到店家個哥哥介紹另一部咁我又買了…話實…係相當OK的…。玩咗兩年倒本人「卒之」買了部索尼…堪稱「索尼之打擊一」…部機除咗個外型靚(係T幾呢？唔記得了…)…影出嚟既質素可謂衰到無朋友，特別係暗暗地既環境一用閃光燈就現紅光…唉，不堪回首呀﹗用了一年多就TRADE了用到現在的柏尼索力FX8，雖說松下出品外型和分唇都唔係最一流，但夠平實…佢claim得既野都一定做得到，起碼夜景唔會個個人紅光滿面嚇死人…影足四年各項分唇運作良好﹗我愛松下啊﹗所以呢，嚟緊要換相機我都繼續幫襯柏記﹗

索尼唔係我的朋友…umum…

遊戲機

入NDS之前係玩過一水PSP，只是不過電…慢慢就扔下了…由小弟接收了(證明這機是男生ORIENTED的嗎？﹗)

後來入了NDS…玩到停唔到手…由應援團、太鼓之達人到ZOO KEEPER，個個GAME都可以俾我玩到天昏地暗(證明這機是女生ORIENTED的嗎？﹗)…不過家陣很少用來玩了，主打係用嚟查字典(很學術吧﹗呵)

 MP3

我是很忠心的MD粉…去到03年我才買第一部MP3機(最後一部MD機也是松下出品﹗我愛松下呢…)，沒記錯應該是256MB的三星(我這個偽日人也會用高麗貨﹗哈)，大約一年倒就心思思轉部20GB的索尼…貪佢可以當外置硬碟啦﹗點知部衰野聽咗大半年就無啦啦掛掉…真係激死我﹗是之為「索尼之打擊二」﹗﹗﹗﹗﹗從此之後我決意不再買索尼的出品(我是自打咀巴的，我用緊索尼愛納稅手機…喂…和愛納稅一起…唔同既…哈哈)…。之後轉過蛇果、柏尼索力、另一個高麗牌，而家情歸左圖這個玩具…衰得佢仲可以當埋做NETBOOK和遊戲機…日日俾我狂打…肯定命不久矣…蛇果用心之毒可見一斑呢…(謎之聲：明明係你忍唔到手吧…)

手機

要說最愛玩的電玩非手機莫屬…有一水本人差不多是幾個月就換機…呀…衰野不要提了(XDDDD)…想說的是用了手機咁多年(十周年了今年…)，我最懷念還是左圖的柏尼索力，LOWTECH但外型一絕﹗柏記，你可唔可以回歸返香港市場呀？﹗我而家為分唇棄外型逼住和索尼愛納稅一起…好苦啊…

(雖然我勁鬧索尼出品得個樣…但手機佢又OK喎…係咪因為索記和愛記合併了呢？﹗哈)
*****************************************************

 (11/1/12後按：兩年幾三年後的今天再看…竟然無一樣野而家仲用緊…囧﹗)

博友的電玩．玩不停：

紫熊：[集體發文] 電玩‧玩不停
Happy: 《集體發文》電玩．玩不停
東海: 集體貼文第五擊：電玩，玩不完
金田一: [集體發文] 電玩・玩不停 - 電腦・數碼相機・遊戲機
Yan: 集體發文第五擊 - 《電玩‧玩不停》

舊文：
迷你音響組合…
玩具…玩物喪志呀
選購DAP
曾經，我是這樣聽歌的… 
一個人在途上之不能沒有你…
卡式帶