商業英語2~水蛇春

除了之前說過的msn商業英語(諗諗吓寫得出的大多數都係Y世代喎真係…((好像發現了新大陸…)))，看得我莫名其妙的還有水蛇春英語，當電郵在我司是極度重要，一天要接十幾廿萬封電郵，而我實在沒閒情像做讀解卷一般慢慢咀嚼文意時，可唔可以唔好整啲詞不達意又不知中心思想何在的野來呢？

(簡稱：廢up)

又說因為我司重視電郵(貪其白紙黑字有根有據也﹗)，於是我們無不五時三刻就要望住有沒有新電郵(就像看股市行情…囧)，盡量做到即時回覆就最好，沒能即時回也要睇吓有無紅色感嘆號或旗仔，deadline示意也。都無的話，幾無時間都唔該睇吓內文有無關我事的東東(cc的壞處…乜都send過嚟…要 screen關唔關我事都好廢神的說﹗)，有的話又要幾優先處理…嘩，齋打出嚟都覺得煩了。對，如是者，每朝早坐下來第一件事就係清電郵，覆呀覆，打呀 打；放工前也是清電郵，因為六點過後很多人都放工了，可以清理一吓屍橫滿地的「email」遍野。

(所以我說我下世會做樹，是因為電子化的我司這頭發完電郵，下一頭…係要將重要的print番出嚟存檔的…那門子電子呀？)

我常覺得alevel的UE無乜教我文法句型，但就教了很重要的快讀技巧(我最愛做Practical skills份卷的…但考出來卻是五份卷最低分…囧)，整篇野唔好講咁多先睇題目，然後就題目的關鍵字掃內文搵個重點出嚟。email理論上係memo的電子版，「理論上」唔係太長，也不會有太多說不著邊際的廢話，讓我使用快讀技巧的機會「理論上」係不多…

但，世上就係有人愛將滿腔壯志都寫在電郵裡，subject係長到成個第一段copy上去的…三行﹗係scroll到三行﹗這是那門子題目呀，sender大大不如成篇文貼到subject欄去吧﹗我的天…

第二怕是段落長到成篇essay咁長的文…天呀…你要考我閱讀理解能力嗎？媽呀，我諗佢地都未必想打咁大段，但又驚打得太簡單讓人家攪不明，或者好些重點給漏掉了，於是左加一句右加一句，卒之成就一篇不見精簡但見奄悶的辭淵文。最攪笑我是見過啲sender大大好有心機分晒point，仲用埋 bulletin添，但就每個"point"座底十行…我…真係唔想睇…不如sender大大好人好到底，內文之前先整個executive summary，好讓我有些心理準備吧。

第三怕是好心的sender大大怕我們懶鬼捉不到重點，就將重點用唔同顏色highlight一番，有時會放大…成篇野變咗色彩繽紛夢幻樂園…想點…

開始覺得除了寫得一手好英語重要，寫得出簡單又能帶出重點的英語更強勁。email始終是日常通訊用具，吓吓水蛇春，真係好浪廢時間心機精神的說。(當然我都明白，有時係非不為也是不能也…唉)

(不好，我又在發牢騷了…哈哈…)

下一篇：商業英語3~天下文章一大抄