2014/03/19

[港劇]《叛逃》(1-5)極速後感

睇番舊文這套劇應該係《真相》之後拍的吧?2011年講到2014年終於都有得睇了…

喺呢個過程中,十七哥已經同陳豪嫂、祖藍嫂和司棋姐合作了廿幾三十次,明明《叛逃》度係新鮮的組合,而家反而變咗炒冷飯了…

(哈哈,我好無誠意地翻兜了一模一樣的文章題目﹗XDDD)
  • 我諗唯一的新意…是十七哥一開始係臥底…而唔係尾…
  • (劇透之顯露:劇情說十七哥個角色會被殺喎﹗囧﹗點解呀﹗﹗﹗﹗﹗﹗﹗﹗﹗)
  • 而佢做緊臥底時黑口黑面的,做完就攪攪笑笑講吓爛gag咁,幾係佢之前啲小品如《衝呀》那些啲角色既feel既…
  • 咦,今次做差人…咪無得戴眼鏡了?
  • 而因為睇了好多次司棋姐做阿媽,佢不停咁對住鬧阿哥既唔唱k,苦口婆心的樣子…跟《巨輪》蕭公子鬧十七哥時啲反應是一樣的啦…好似個個角色都係《真情》mode了…
  • 陳豪嫂和祖藍嫂既角色係情報分析員,講得最多既對白應該係「根據資料顯示」…好煩…而啲電腦程式…好先進…讓我想起先進之霸《法證先鋒三》…哈
  • 熟口熟面既野繼續,關禮傑哥哥演個黑口黑面的幹探,好似《追魂交易》個角色呀﹗um,不過呢套劇既出鏡率點都高過《珠光寶氣》或《怒火街頭》喎…
  • 然後唔唱k啲黑口黑面幹探,對阿媽孝順做野又神勇咁,好熟口熟面呀﹗囧…
  • 呀,劇情最後十七哥個角色會死…好唔開心…最後咪係唔唱k個人表演囉…囧
  • 伊麵嫂未出場…呀…我想話呢套野播出街的時候陳豪嫂結完婚又生完仔…睇番劇中人啲電話真係驚覺時光飛逝﹗
  • 無乜點講劇情?﹗um,因為我相信都係好紀律部隊feel的中間會談情說愛…一開始的查案過程和新人受訓…真係好紀律部隊劇feel呢﹗(我講緊《烈火雄心》﹗呀﹗佢又重播了﹗我會想睇架﹗)
  • 諗起上嚟,唔唱k喺第二輯係有份做歐錦棠的師弟…哈哈哈﹗而一開始的龍舟節讓我想起《烈火三》…牛哥拉住同局的兄弟去比賽嘛…唔知劇情講嚟去唱k的警察隊係咪會對牛哥的消防隊呢?(《烈火三》其實係09年出街的…囧)
  • 王心慰監製既劇人腳都好鐘意重覆出現,出得現既main cast都座二望三,就算唔係遠古的《烈火雄心》((唔唱k唔算主角啦,陳豪嫂和伊麵嫂分別係二和三的女主﹗﹗﹗﹗)),近的《真相》陳豪嫂那個case的南亞哥哥仔同喬寶寶一齊做恐怖份子…仲怒講英文…跟住…警方一邊的人都要怒講英文…
  • …um…難道安排唔唱k先生是被脅持等十七哥去救佢係有原因既…????
  • 嘩,我想話而家對粗口的尺度咁低既咩?仆x可以出街之餘仲講咗兩次﹗
  • 頭兩集做完臥底好快就回歸就番差人(我誚緊十七哥),唱k一句「點解我諗唔到你消失半年係做臥底」…我忍唔住笑了…你肯定少睇tbb劇集啦咁﹗
  • 而其實第一集因為啲電腦系統太先進同埋啲恐怖份子行為太流fei我是有點卻步的,傻架…成班人喺商場度瘋狂開火…除了顯出作為sdu的唔唱k有幾英勇之餘…我只覺得好傻仔囉…跟住甚麼白色粉末…好舊橋…可不可以先進少少呢…
  • 第二集完成任務,第三集會被train(但又係去郊野公園爬繩網?n年前古黑子的《廉政行動組》已經係咁架啦喎﹗(脫不掉覺得很outdate的感覺…)
  • 希望看下去會好啲啦…自從《真相》後我好似無乜邊套十七哥的劇可以由頭煲到尾呢﹗

題一個外話,最近有套西片叫《分歧者: 異類叛逃》…又係「叛逃」﹗囧﹗

繼續追,以上。

TBB專頁/維基
******************************************************
31/3/14後按:

  • 那個驚天地泣鬼神的飛簷走璧關禮傑跳樓training實在太嚇人了﹗如果靠呢班人對以流fei形式對付恐怖份子我會巧京京…
  • 見到大莊(十七哥)開口埋口幫人跟住頂撞黑頭(關禮傑),實在太似《烈火雄心》入面天佑成日頂撞danny summer(而如果我無記錯,《烈》入面阿佑係有打去電台爆danny summer大鑊,n年前的《人在邊緣》都有用過呢條橋呀﹗),但大莊個角色都唔係新人架啦,阿細莊又話督察(定高級的?)…但講野都仲係咁細路,會直斥老細其非…實在係太正直和誠實了﹗
  • 同埋啲training咁小學雞既?同我細個去渡假營無分別喎﹗
  • um,於是我只是正經地看了第一個星期,我有啲掛住《真相》了…囧

6 則留言:

  1. 坦白講17哥唔帶眼鏡真係好唔掂:-(

    回覆刪除
    回覆
    1. re:Ken

      係…奸咗好多…哈哈哈哈

      刪除
  2. 我睇住展鵬同唱K著住件緊身白T & 小短褲受訓時... 好old school!!!

    回覆刪除
    回覆
    1. RE:Miu

      我唔太熟警隊的ranking啦,但我估轉組得嚟個rank應該唔會降級吧?﹗佢地入camp做野野同睇《學警雄心》train新人差不多…好恐怖…囧﹗

      刪除
  3. 倉底貨不是神作就是神伏,這套粄逃絕對是神伏中的神作
    當佢係賀歲笑片咁睇,觀感就會FIT晒
    兩兄弟到ATF受訓顯示出兩人性格跟鍾立文李柏翹一樣,不過今次輪到立文做柏翹的角色
    另外我想說,這兩兄弟進ATF前已經混得頗為高級
    進CAMP後竟然比柏翹立文甚至南山三虎更小學雞......

    回覆刪除
    回覆
    1. re:WINSON

      呢套明顯係神伏了…
      其實無記拍紀律部隊野套用一貫的formula都唔會太差,咪頭尾差吓案中間談情說愛咁囉,一玩懶高科技的就出事…而其實,劇中atf打的所謂恐怖份子,除了叫做恐怖份子之外,同平時反黑呀sdu無乜分別的
      見到唱k我都不停諗住《學警》,跟住兩兄弟同關禮傑的對抗我就勁諗起《烈火雄心》,《烈》入面王喜等人都唔妥danny summer,但佢地和解的原因係練習時danny summer不顧自己安危勇救學員,同而家關禮傑跳樓就令大家對佢信服…真係差好遠囉啲說服力…

      刪除

要講幾句嗎?﹗XD