[日劇]otaku係咁樣既…~《秋葉原@deep》

其實本人對「御宅族」係無乜認識的，印象中好像有入場睇《電車男》…但…看不爽男主角(點解我咁不爽佢既呢？)，悶得呼呼入睡…估唔到此片居然有《狂林戰曲》同級神奇催眠功效(按：小的是看午夜場既其實…)

點解在講和本博無乜關係既御宅族呢？無既，無聊遊日劇網時無意中發現此劇，人說其風格酷似《池袋ウエストゲ-トパ-ク》，嘩，宮藤風喎﹗睇；之後再發現原來今期中招都有份演啊…嘻呵呵呵呵…

即係呢，其實御宅族唔一定係電車男囉…

先聲明，我對otaku的認識真係好淺薄的，所以煲此劇先有發現新大陸般奇幻感覺。

睇劇入面的maid cafe、cosplay、萌系、2ch記事版、同人誌，實在otaku並一定自閉(照字面看個宅字估的吧？﹗記得《池袋》Makoto有個宅男friend係自高中後就一直躲在房裡一步不出的…)，照維基大神的定義，otaku為「熱衷於次文化，並對該文化有極深入的了解的人，但現在一般多主要指熱衷及博精於動畫、漫畫及電腦遊戲（ACG）的人」，「御宅一詞有擴及適用在熱衷於主流文化的興趣、甚至是在職業領域中具有較深造詣的人的趨勢」。即是說，佢地可能係摺一點(大多從電腦對外溝通)，同時又未必個個宅人都爛身爛勢不修偏幅架喎(又是《電車男》的因由吧？)， 好些因熱愛某範疇的東西甚至去到expert的境界…這又睇得出港傳媒如何斷章取義啦。

諗番起，同人誌、cosplay呢啲野以前商大時成日見到的，不過唔知係乜啦；周不時見到啲人扮卡通人物的走出呢，撞鬼咁嚇了大跳…諗番起當年小的反應都幾好笑的(我話我呀﹗)

最大得著，我終於明乜野係萌…(鈍…)
***************************************************
《アキハバラ@DEEP》 vs 《池袋ウエストゲ-トパ-ク》

這個才是小的看點吧﹗

其實《池袋》一劇差不多兩年前看過一次後就沒再看，每回究竟柢甚麼案不太記得清楚了…是時候翻煲一下了嗎？呃…

兩劇最似，是御宅族/駐足公園的無業青年有意無意組在一起，眾志城城以守護聖地~秋葉原/池袋西口公園為己任，抵抗外輕視他們的勢力。不過《池袋》黑色喜劇面，探討青少年面對的社會問題為實，攪怪之餘其實幾沉重的，每個角色都有幾乎不能治癒的陰暗面，池袋守護身Makoto查不同的case不是佢一心做偵探，而係次次咁啱得咁橋死親人都關人事…，其實幾黑暗吓的。《秋葉原@deep》就6人組因為拯救人家心靈女神Yui而湊合，立志做trouble shooter的，有時佢地真係有人拜託佢地解難，但多數都係佢地無事搵事做，又或秋葉原遇上災難咁佢地就出動，笑位多，而且，真係好好笑，好救命…哈哈…

望住主角們常上chatbox吹水，原來我都好有宅人潛質喎…

6個主角每人各有強弱項，不由得諗起啲「xx戰隊」，通常都係咁架嘛，紅色衫的一定係leader領導大家一齊變身和叫機械人出來，藍色和綠色兩個男仔能未必低於紅色，不過無同佢爭就是了，黃色的女仔通常比較強又會照顧大家，粉紅色的就需要人照顧又通常係最屎的一個…我想話《秋葉原@deep》6人的分配就好係呢款…

ページ PAGE--每集都會邊口吃大叫「作……作戰…戰…作戰計畫」的Leader，強項不明，大概是有人緣吧？﹗看來佢係最依賴Yui的一個…，問佢實際有乜計劃呢？佢就話純粹係經典口頭禪﹗我笑了…諗起《家好月圓》不停剎有介事的製做金句…

風間俊介第一次看，總覺得個名好熟…原來我和「Hey! Say! 7」的山田涼介掉亂了…

ボックス BOX--有嚴重潔癖和女性障礙的天才designer，一有3次元女性行近就會彈開，但2次元就無事喎(又學野了，2次元係咁解的…)。潔癖勁嚴重關長戴手套，兼且要兩小時轉一次，次次都要戴兩層，雖說係因為一個慘爆的往事引發出來的怪癖…但真係幾好笑…。尤其是第7集ダルマ無啦啦變生化彊屍，噴了一大pat紫色的東東落BOX度，佢不停回帶狂叫「呢啲係乜野」…我笑到停唔到口呀…

有理由懷疑生田斗真的忘我演出令佢被選上《花樣少男少女》呢…

タイコ TAIKO--音樂才能極高，但見到閃閃發亮的東東會極速冷凍…仲要反晒白眼…又係好好笑…。第4回佢和自殺少女隊有個小小的愛情故事，原來佢深情又得架喎…

星野源呢位人兄第一次看，都係無乜講…

アキラ AKIRA--既是maid cafe的maid又係格鬥手，極度風馬牛不相及…。初頭係專負責打交，慢慢變咗家姐咁照顧各人，有時我覺得佢先係leader…orz

小阪由佳也是第一次看啊…

イズム ISM--16歲天才黑客。其實我想問黑客係咪真係對住個芒不停打command就heck到人地啲機既呢？orz…

松嵨初音…也也是第一次看…此劇除了兩個J家人，其餘的都唔知係乜水…orz

ダルマ DARUMA--佢係法律專家，不過最大強項係製造cosplay服飾，而佢自己每集都cosplay一番的，只係次次BOX都估唔中，但無所謂啦，佢行出來爆笑一番已夠…

演這個的日村勇紀叔叔有份演年頭的《暴れん坊ママ》架喎原來…

但最值得留意是演奸人中込的北村大神，呢個角色係敵視otaku的otaku，佢一日到黑都在食珍寶珠，又有枝巨型的打下屬pat pat，又不時發出KURURU曹長怪笑聲(花絮說是佢自己加上去的…北村大神真係扮乜似乜的說﹗)…實在，呢套野淨係睇大神點扮gundam(真係要扮機械人的﹗仲會發炮﹗)都值回票價了﹗

池袋ウエストゲ-トパ-ク | アキハバラ@DEEP | 御宅族@WIKI
***************************************************
話說，某日無意中發現生田有份做《花樣男子2》…(UM，我還是沒看第一輯的說…)

(讓我再貼一下吧…)

發現織部順平這個角色很似某劇中見過的，我諗咗好耐…終於俾我諗到啦﹗《 惡魔在身邊 》的阿讓(袁川讓)呀﹗嘩哈哈…

(我好無聊…)