趕客之家族…路x通《精叻家族》

(我又亂選topic了﹗哈哈…)

都說本人很留意巴士上路x通的節目，繼上次人氣之選《 妙極MEGADANCE 》之後，最新推介是《精叻家族》，幫大家打通脹怪獸架﹗實在是今期娛樂之選，比古生套新片介紹更精彩啊。由於我找不到片源，且讓我略略講一吓個storyboard吧﹗

人物：

阿女：超級smoky eye(黑色那種)炸物類少女，說話面部表情極浮誇(特別係對眼)，肢體語言都極大

阿媽：電視常客黎秀英姨姨來的吧？(很像，如果我無認錯既話)也是說話面部表情極浮誇(特別係對眼)，肢體語言都極大，對住啲食物反應極大，望住條魚好似執到金咁…

阿爸：除了讚個女選男友有眼光外係無乜戲的…

男友：貌似人氣詞人高晧正的哥哥，主要作用係造反應刺激阿女有更多異常激烈反應，EQ和包容度異常高，能忍受女友異常大的動作和反應

故事：

Ep.1：城x花園的粵餐廳

首先是阿爸阿媽等車立，前面有個西裝友說該「粵」餐廳的4人餐有鮑魚、老虎斑…等等，原價980之餘憑匯x信用卡就可以半價享用，之後就入車立了。

阿爸想入車之餘阿媽阻止了他(係扯衫地阻止…)，保持住碌大雙眼的神情(保持了10秒以上)打電話通知阿女有間咁既餐廳有個咁抵既餐，之後阿女回應佢地就係去那家餐廳度食。阿媽收線後同阿爸講「哎呀，我地消息竟然咁唔吸阿女男友靈通喎…」…雙眼依然都係碌大，個口擘開，其圓係可以用pie=3.14來計圓周的。

鏡頭一轉為餐廳場景，阿女和男友在選菜單(不用說，就是該餐廳)。男子問阿女想食乜，阿女見花多眼亂不知如何是好，就說不如等爸爸媽媽來等佢地點，男友說了句「乜你做人個女咁粗心大意架」，阿女即時以極大反應(其雙眼也是保持瞪大達10秒以上的)反駁「你夠粗身大細」，指證男友的腹肌由6合1(配雙手手指撞擊後合為1的「魔術」)…之後男友說不如睇番個菜單，呢個餐真係好抵架…bla bla bla(show菜式相片了…)

Ep.2 翠x邨

爸爸媽媽和阿女男友一起看餐牌要點菜，阿女說自己今天卡路里超標了要吃得清淡點(但佢去酒家食飯喎…)，男友就說不如點某4人餐，有bla bla bla…附阿媽近鏡碌大對眼的流口水樣…(阿爸仲同阿媽講今日阿女想食得清淡點，濃口味的餐遲點再來過吃吧…好體貼啊…)。菜來了，望住條魚，阿媽的眼神(再是碌到有咁大得咁大…)是何其的興奮何其的滿足…。當阿媽沉醉在美食當中，阿爸隨隨讚美了阿女有眼光，選了個咁好的男友云云…

首先，最有娛樂性是阿女被男人話「粗心大意」反駁「粗身大細」(被trigger了…)，和阿媽知道阿女男友比她早知到著數情報那個不忿表情，港女到呢…我睇親都笑的說。兩位女演員都扭盡六壬擠出最誇張的表情，看得出她們都在忘我演出，實在可敬，媽媽望住條魚那個流口水的表情活像成世人第1次見魚咁，演技呀﹗這時候，我覺得無記的胡小姐實在是太小巫見大巫了。

其實呢，兩個Ep是交錯間住播的，有時看了「粵」條片之後就到「翠x邨」條片，初時我以為Ep.2佢地一家坐低那家就係「粵」，點知睇睇吓先知係另一家…orz…

不過睇完笑完，雖然我是深深地記得節目內容，餐廳資料和食物水平很高…但完全無意慾去幫襯，這個廣告雜誌…算係成功定失敗呢究竟？

另，路x通站內係有舊節目片播的，幾時有這個睇呀﹗

另外的：
十大車廂惡頂族人
你好趕咩？﹗
噪音．燥音