愛國

一直到某年在教科書內見到洋紫荊logo，說到1997年7月1日起回歸，我才知道這個一直都是新年才經澳門到外公老家的地方，會重新成為香港宗主國。

小時候對這個國家的回憶，是東西價廉物美，運動堂會穿的白飯魚(雖然小朋友不愛惜物品…丟掉多過著穿的)，冬天的大地牌校縷(雖然著上身我覺得似機械人其實相當抗拒)，上課會用的中華牌鉛筆(雖然要刨我覺得好煩)。那年頭，我們不抗拒甚至幾鍾情某幾個牌子的國貨。

最負面的記憶，應該係某年去太公家拜年，唔知邊個咁好手尾在一堆雞雞的米田共上求其攤塊報紙就走咗去…然後我的新鞋一腳踩下去後就…um…

小時很enjoy返鄉下遊山玩水的，甚至很期待長大一點去看看上課讀過的甚麼大明湖、西湖係咪如文章中一樣風光明媚。

人生第一次搭飛機…估你唔到其實都係返祖國…。那次係去北京，咁從小我就很迷中史的嘛，能親眼行吓經常看清裝劇(很政治不正確的說一句：眾多朝代我最愛看清史…而啲郁我覺得清裝最令…哈)出現的紫禁城(其實明朝已在…我知既…)，出發之前心仔卜卜卜的跳那個緊張到不行的感覺我還很記得。去到，雖然確實有啲殘，但真的很美…

從我小時的記憶，其實不太抗拒…係暑假唔想熱唔想返啫…

咁係幾時變成現在的樣子呢？

我都唔記得了。殖民時代好定回歸後好我實在唔知。我好記得上課講到香港若干年後會回歸，內心一囧，點解朵花咁醜(<--童言無忌)…係…是從一個醜字開始。說我喜歡女皇頭咩？我係睇慣多啲，咁從小對慣咗，一下子要轉…好像內心失去依靠，回憶被剝奪了咁。但時間不等人，地球不會因為我看不順眼而不轉…時日如飛的說咁多年…

英國人來的前因後果讀多了就明白，回歸也順理成章。新主人(舊老細？)好像(好似係)一天比一定強大，我地只要努力好像就會抓到好機會…呀呵？

然後就是不要再說了.jpg的痛苦回憶，跟足大人說的努力讀書，考入大學然後大好前程未見有，失業一輪之後是沒完沒了的風暴爆破和風暴爆破。好像旅遊可以救港…但好吃好行好買的小店消失完一家又一家。究竟是好是壞呢…

唉…不要再說了.jpg。

你問我愛唔愛呢個國？其實我唔識答。咁多年來其實我唔明呢個國家的logic…

或者我仲抱住「有麝自然香」是out出天際，衝出來將所有公仔劃出腸才是王道。(我諗羅家英：愛你要講出嚟…唔講我又點知你愛…)

咁我就要慶賀畢業是沒跟大隊回國就業，唔係我應該好快就會被兜。

看《阿淺》講到明治維新，傳統的東東都換成舢來品，思路突然連上了中學上History時讀到的東西，那時我常想，如果生於1900年代初既日本或中國…我受唔受得住一浪接一浪既洋化運動？事後孔明當然覺得大正年代很浪漫，德先生年代的中國也很迷人。想想吓越想越遠…現下呢個世代究竟係變好定差…

我不會奢求世界停止轉動　我知道逃避一點都沒有用只是這段時間裡　尤其在夜裡　還是會想起難忘的事情我想我的思念是一種病　久久不能痊癒

Mp3傳來張震嶽的《思念是一種病》 …又是一個憑歌寄意耶。

sorry，見到水原希子條片心有所感。