讀書報告2016#6~自暴自棄手冊

圖抓自網上。(雖然我買咗實物…但我懶影相…)哈哈

去了書展，成功同腦細影相同合照…死啦…一路我好miu咀做既野…我做晒…唔型…囧。但我好enjoy…high到爆…哈哈。

去既目的係買《The 山 of music》同《今生要做日本人》…但turn out我睇得最過癮的是這本。特別是講airbnb的一篇。

去旅行，我最在乎的是酒店。真的…(將要帶我去玩的朋友不要扔低我呀~~~)

(其實我不太喜歡白卷出品的printing風格，厚黃油紙上底下底空格，咁內容看得開心就算啦…這本《自暴自棄手冊》比平時的size再小上30%，然後價錢沒變，內裡的文字也沒多到((一樣上底下底一格spacing))…我…可以覺得…搵笨嗎？despite我係忠粉…啫…)

((其實篇文係睇了書內內文有感而發…本書我未睇晒…哈哈))

是咁的，關於旅行，我是一個慒丙，好懶去搜尋最抵最平的方案，總之我自我感覺良好了。都是中學讀Econ的錯，自助餐你覺得抵唔係money value，而係marginal use value的影響，你賦予一件東西你覺得值既價錢，咁…抵就抵，唔抵就唔抵。所以，好多時，我唔會特別講我*自以為*好抵的機票有幾抵，因為身邊總有人會搵到更抵的方法。

然後我很怕人家問我有邊度好玩邊度好食。因為我是個十級揀飲擇食的人，拉麵我喜歡既，但普遍拉麵店太多荀呀蔥呀薑呀甚麼的，揀又唔係叫店家唔落又好似攪亂人家個system，所以幾有名的拉麵店我都係skip。壽司啦，我梗係ok啦，但我好怕店家就魚的鮮度落的薑蓉或wasabi，雖然唔係食到標晒眼水，但我超級，係超級，唔鐘意那種攻鼻的感覺，最好一丁都唔好有，但又好似冒犯了店家處理食材的權威，於是…我是次次都無去築地朝聖。um，剩下既，就係一路行一路試著尋寶，我通常挑既係丼…因為揀番啲唔食既野比較方便，或者食乜都有啲既定食，細細份食剩咗都無咁礙眼。

而我個人又好衰地怕排隊，於是…就算事前mark咗咩店想試…去到見到人多就掉頭走…。於是，朋友問有乜店推介…呃，除非我打過卡或者有影低店名，唔係我堅唔知點去番…某程度上…呢個都係一期一會？﹗哈哈。

好啦，講番酒店。因為屋企無浴缸，所以我希望去旅行的時候可以有個浴缸浸一浸浴。然後酒店最好喺大站附近，要行不緊要(反正一路行一路可以睇吓野或者去便利店買雪糕﹗)，最緊要個車站有升降機…要不走的時候拖個喼行樓梯真係比死更難受…

最最最緊要係有電視﹗聽到好多朋友側目的堅持…哈。咁基本上住酒店都一定有既，住町家hostel就無啦…嗚嗚嗚。咁我去既唔係日本就台灣，睇電視就好重要，特別係日本…可以追劇集現播嘛。係…我夜晚既節目係好認真地選美味的便當配甜品然後返酒店邊食邊睇。特別係星期日八點(親，你懂的。)

去東京這個堅持特別重要(我有告訴你我試過連睇6個鐘電視嗎？)，去首都以外的，就要因應地方電視台啲時間睇吓點啦。好在，去沖繩都睇到星期日八點(沖繩早一個鐘播架﹗)既劇集…好在我不停轉台唔覺意lap到預告啫﹗

睇電視對很多要由朝玩到晚的人應該大惑不解吧？你尤得我啦~~~~

至於看點，其實我是越來越hea，自己去的話有時plan都唔plan，只會睇吓書mark低想看的地方在google map上，然後到附近時就開嚟睇吓有無邊啲喺附近，要不就亂咁行。驚喜，有時有有時無的說。但我就係唔想逼自己一日走一千轉，不停去呢度打卡嗰度食野。無景點無美食…哈哈哈，不要問我邊度有咩推介啦，我會叫你行城同睇館架…一係去劇集出現過的場景…um…然後問我的朋友就會悄悄offline。

不過去到喜歡了10年的劇集既場景(呢度和呢度)個滿足感係…好難同唔明既人解釋啦。

手信，其實我覺得買名物好唔型，做乜人買我又要買，仲要去手信店度逼，最憎。不過我選的在地(自覺)可能太奇異，都係食物好似大路啲(我承認的…)((同埋懶都係原因…))，咁…都會買番野食…大路啲架啦，雖然我真係覺得好唔型。

然後我買得最多係乜？係書。這讓很多人傻了眼。哈哈哈，藥妝都有一點既，不過通常都係幫人買，咁覺得自己會用得著咪買多一兩盒傍身。然後就係書…你明嘛，日本既書真係內容上天下地乜都可以寫一餐，很多時…睇完電視被一個topic inspired咗…我第二日就去掃…真的太爽了。很多時，喺機場都會諗好唔好黑貓回來…

第二最多的…係御守…哈哈。

所以說酒店一定要喺有升降機的車站附近，而我通常係選大站，唔使轉車直接搭機場車入機場那種。因為書真係好重，拎到手殘，返到去唔想郁左攤右推，如果住airbnb的話好像不好意思攪亂人地屋企，或者俾人見到我攪到佢間房亂成一團…我…通常係朝早出門前稍為執一執…唔好嚇親執房的姨姨…

以上係我個人遊的行為，同友人同行我係好順得人架…哈哈哈。
*******************************************************
關於代購，不如讓我說幾句吧。

基本上，唔係要搭車山長水遠去，唔係易爛，唔係好重/大件，唔係喪貴(我預咗你唔會俾定錢我架啦)，同埋我同叫我代購的那個人係容易約出來的(我是要冒著約一千年都見唔到面或者出嚟唔記得拎…卒之成為我既物件既風險)，我都無乜所謂既…

最好有相對到牌子(特別係啲藥妝)，價錢你俾定個range我，然後不要一路加單。

試過有位fb度完全唔記得add過的大叔叫我買玻璃杯…雖然地點是成街都有…但…我真係唔記得你是誰到一個點…然後是易碎物囉…最後我以時運高睇唔到之名扮睇唔到就算。

也試過有舊同叫我買電器。呢個其實我好怕，因為無型號(=要我揀function喎﹗我點知邊樣啱你用呀)我堅唔知點選購，then一大盒野塞落個喼度overload誰可憐我…這回，我跟對方說叔叔不行了好在佢都明…

另外有個極致(不是我)，是同a叫同b幫佢買個都名名地牌(利園有分店的…都名丫…？)的手袋，佢cap了張唔知yahoo定邊度二手網的相說是這個…然後折合港紙千幾蚊，咁…扮吓野都應該問人使唔使俾定錢你掛…well…牌子既野唔識既人就覺得款款都差唔多…真係好難買囉…

所以呢，慢慢，為了杜絕呢啲代購份子(事前拜託都還好，最多係出咗發見到你打卡就whatsapp/fb msg你加單)，我開始唔太喺fb貼相…
*******************************************************
話說自從兩年前開番本BNO，特區護照就被放在屋企封塵，咁…BNO靚啲嘛…(係…我係好膚淺的因為這個原因俾了千幾蚊去renew)

然後問題就出現，國籍…不好意思寫英國…但唔係英國又係咩呢…但我無永久居留權架喎…咁who am I呀~~~~~~

因為護照內無寫中文名，去台灣總係要對身份證，第一次被查之後我就次次都拎出嚟。去日本倒沒有被要求對身份證，直到前幾個月終於被查…

又因為是英國發的，某次日本的地勤人員好像很混亂…問了三次怎麼你拎住本英國發的護照但就你來自香港又住在香港…講了幾次I come from HK後我腦裡想著係咪要將黎老闆《我來自北京》改成"I I I I was born in Hong Kong, 不知命運是誰定…呀~~~哈哈哈哈"，我開始要為佢上一課香山歷史課，解釋因為香港曾經係英國殖民地云云…佢終於明同信我真係一個香港人…為我印登機證了。多謝(我的心在滴血呀…你明嘛…你明嘛…)

但係呢，當喺機場見到啲拎住藍色護照大呼小叫的人疾呼去邊度買野邊度食野時…我只有低著頭望住我的BNO，心裡暗暗說一句：有你真好。