趁慧嫻姐姐出道三十周年懷一吓舊吧。第一首梗係貼番有我超級無敵偶像郭先生出演既MV
《傻女》囉~
回想起好幾年前
衛細孖將呢首怨女歌改成yoyoyo版…而家諗起都驚…XD
《我寂寞》~其實我想話我最鐘意既係同碟的《從今直到永恆》…不過你管無。就說聽歌係我娘和姨姨們一大嗜好，所以我由細屋企就有大量
卡式帶dub dub埋埋好多歌，當中有大量係寶記金曲，所以哥哥(嚴格來說佢係新藝寶…仲要係八十年代後期了…哈)、學友、倫伯好多歌我都耳熟能詳，咁慧嫻姐姐當然少不了啦，但我個人最鐘意的係95年佢讀書回來出的《我不寂寞》大碟，唔知點解當年友儕一碟廣傳(學生無乜零用錢嘛﹗)，唔知呢，可能因為風格不像八十年代日式得意妹了，覺得新鮮吧？
《奇妙旅程》~也是讀完書後姐姐復出又退出然後又復出的一首，其實我鐘意是鄭伊麵同名的
一首(來自我爆鐘意的《
如果天空要下雨》大碟，真係好少可一隻碟可以一cut不漏地喪煲架﹗)。但鄭的一cut唔係主打，姐姐的這首應該係的…我記得年初頒獎禮仲好似有金曲獎拎添…同名關係愛屋及烏聽埋一份啦。
《活得瀟灑》~繼續貼相對地新啲歌既，哈哈，96年無記《
笑傲江湖》的
主題曲，其實好有氣勢吓架喎，又好趁套劇…其實96年呢個版本我又好鐘意…咁就係好鐘意啦﹗
《反叛》~貼番啲n年前既歌啦，呢首應該係我對慧嫻姐姐第一首有印象的，當中一句「爸媽都關心的說 應專心家裡練琴」令我覺得這是一項令人厭惡的活動…但我而家
做番…哈哈哈…(快歌來說都應該係《跳舞街》、《
貪貪貪》比較hit吧？)
《與淚抱擁》~我娘當年成日煲《逝去的諾言》(細個時我成日將這首和《似水流年》掉亂的)，小調野我麻麻地，細個時比較有印象的慢歌就係呢首囉…
《癡情意外》~因為是
玉置浩二的歌﹗﹗聽得呢首我又想聽埋《玻璃窗的愛》…
《花店》~比起《Love me once again》的雪地跪求feel，我比較喜歡《花店》，都係失戀，不過無咁呼天搶地，是自傷自憐既(得番自己喺酒店度呆掉喎﹗)，最後就說「幾平凡的人都應該有伴侶」正面一番…雖然「怎麼偏偏我現時失掉你」…希望在明天，正面點好丫…雖然都係慘既…
《夜機》~呢首係一聽intro就知一定知係邊首的，太強了﹗勁﹗慧嫻姐姐出走讀書時係plug呢首先定《千千闕歌》先既呢？咁《千》和梅姐的《夕陽之歌》打得面紅耳熱…唔知呢，可能我俾套電影影響咗我個人係鐘意《夕》多啲既，講離別情我就鐘意《夜機》多啲，唔知點解…
《Joe Le Taxi》~最後貼的…是當年姨姨們熱播的…我係唔明Joe做乜le架的士呢？﹗但我又會跟住唱架喎…好奇怪﹗
*******************************************
完成﹗好野﹗~
沒有留言:
張貼留言
要講幾句嗎？﹗XD