28/8/15後按：我睇得完喎呢套竟然﹗
(怎麼我不停睇NHK出品？《軍師官兵衛》已叫我追到不能自拔架啦﹗)
唔知係咪《薔》在黃金時間播所以無玩得咁盡呢？呢套《柏》本來以為全劇最唔正常係青年(堂本剛)((佢個角色…真係叫青年…囧))，佢因為得了腦腫瘤不久於人世，於是在自殺網上遇到有心臟病女兒的媽媽沙良(中山美穗)，說可以讓出自己的心臟俾佢個女沙莉咁話，但因為唔可以就咁指定轉讓者，於是二人就假結婚，過程中沙良前夫佐伯武彦(吉田榮作)同細佬望月和久(小泉孝太朗)都反對啦，因為聽落太匪夷所思，呢個「青年」來歷不明又古古怪怪咁；但沙良執意要同佢合作咁話…
即係呢，平時睇日劇如果唔望字幕，好多時因為又快又密加埋極多口語的對白所以聽唔切，呢套劇用嚟練聆聽真係一流…所有人都說完整句子架﹗而且文皺皺的，剛叔啲對白完全不生活化到我覺得佢在背哲學書(跟《雷霆第一關》的王喜有得揮：「唔好理佢選擇係啱定錯…佢要嘅只係尊重，只要尊重就已經好足夠﹗」係朋友囉﹗)，青年也許是因為將死之人吧，所以同其他人很跳出…得閒又去同拾荒者講吓人生道理…很奇妙…
因為非黃金時段，無咗收視的包袱所以可以講多啲道理吧？um，睇睇吓，以為最唔正常的青年反而正常咗，佢講咁多道理講到好似社工咁，和久同老婆鬧交搵佢，沙莉同媽媽鬧交佢又開解兩母女…。最奇怪的反而係「好媽媽」沙良，原來佢都黑黑地的(祖國用語)，得別係第二集尾講到前夫外遇到，佢幽幽地說唔係老公有外遇，而係佢令老公有，flash back中沙良到酒店揭發老公同另外一個女人開房，轉身走入電梯後那個笑容好陰森，而佢對個女操控的程度高到覺得老公阻礙佢做媽媽所以寧願放棄佢…都好恐怖…
死啦，一路睇一路覺得阿誠就係青年，留加就係沙良囉﹗(《人間失格》揮之不去…)
雖然啲對白都幾長幾chum，不過都未至於悶既，最好笑係啲彈幕…我終於明244係點解了﹗(51就易明啦…244要英文+音讀+訓讀呀﹗)，跟住沙良跟青年遞結婚申請表，青年說這是紀念日時有人打了《Anniversary》(KK的歌~)既歌詞出來，跟住青年說好多人認識了一百年都不互相了解時有人說這是《百年之戀》(《E Album》244的solo cut﹗)…我大笑了…最好笑的是說這是重婚…這樣51怎麼了…
但這都未係最好笑，最好笑既係小泉孝太郎演的細佬無論約家姐定係青年傾野，佢都係食緊野…就算唔食野都食煙…個咀好忙…我有理由相信佢咁瘦係減定肥以應付連場食野戲…囧
有幕沙良終於說服到醫生俾青年捐心臟俾女兒，醫生叫青年得閒來做檢討時…有人打了「廣末涼子」四個字…我笑到差點傻眼了…《Summer snow》最後夏生死了…個心…就去了由紀度的說…(唉，雖說這個彈幕好好笑，但《Summer snow》個結局喊死我架﹗)。跟住呢，當沙良打發遼叫佢唔好同沙莉行得咁埋，令佢有假既希望時…呃，《Summer snow》都有呢段，夏生突然對由紀冷淡架…
雖然劇名說是柏拉圖式，但我估青年和沙良應該會相處久了所以日久生情，跟住又因為心臟問題而不知如何是好…又還好這部劇只有八集(而家出到第五回了？)…拖得唔長…簡而精相當好…
好啦，現在我最好奇的是…青年會唔會好似誠(呀…剛叔在《人間失格》的角色)咁要死？跟住沙良就好似留加(光王在《人間失格》的角色)咁在誠死後shock到失憶呆掉了？同埋…究竟青年叫咩名…囧
呀，沙良經營的便利店其中一個店員個樣爆似李光洙，話佢係韓國人我都信…囧﹗
以上。
3/7/14後按：看到第四集，講到沙良對醫生做過的事…佢又想用同一招用在青年身上…好可怕啊﹗表面善良但其實在傷害身邊的人…最黑化的原來係沙良啊﹗(咁樣就好似影山留加了﹗)…誠﹗誠﹗呀…係青年…青年…你點算好呀﹗
28/8/15後按：神預測﹗青年果然要死…而青年跟沙良之間不算太虐，雖然是有點偏離常人對情愛的理解…不過拍拉圖或也不是常人可以得到的愛情mode呀…係咁架啦…哈哈
我由第一集看到第五集，都諗唔明點解彈幕啲人叫佢244。看完你的提示，終於明解！哈哈。
回覆刪除re：shiren
刪除我都諗咗好耐，4可以讀yo又可以讀shi，2我估係two啦…