讀書報告 #11《ガリレオ~真夏の方程式》+電影版

我卒之趕唔切在入場前睇完本小說，仲有23版呀﹗睇得幾快﹗哈哈哈﹗

UM，這是書+電影版的結合後感…

先講本書吧，話說我睇了成半年都未睇得完半本《華麗一族》，呢本《真夏方程式》三日就睇了大半，果然是有差(或是我覺得山崎豐子啲書太長有壓力呢？)…ANY肥，ガリレオ系列小說我只買了上一部電影版《容疑犯X現身》(不好，我開始又寫日文又寫中文了)，可能推理有度好就係我好奇想快啲知邊個係兇手，所以有動力去揭，反而《華麗》…借錢都借了幾十頁，銀平的婚事又講了幾十頁，想點呀…

記得當年我睇赤川次郎又係睇得好快的，或者真係題材和我喜好的問題吧。

好，因為唔想被電影版穿橋，返轉頭睇番本書就唔過癮的了，於是在飛機上死睇爛睇，跟住個人又攰我不停睇吓瞓吓…哈哈。成日返轉頭揭書時不明所

以要揭回上兩頁搵番做乜事，因快得慢了…

好好，講番個故事，相比零記憶的《容疑犯》，這部《真夏方程式》我是幾鐘意的，由本來恭平跟湯川在火車相遇，去到川畑家，甚麼海底資源開發大會，死者塚原跟當年仙波事件，層層推進，件案其實唔複雜，係查案的過程好多細節，一時係三十年前一時係十幾年前，要落啲力記住邊個打邊個，淨係刑警都有玻璃之蒲本部西口和佢老細，塚原同佢部下多々良管理官，加埋本來的草薙和內海，啲人多到呢，跟住仲有佢地各自的家爺仔LA…囧﹗

不過以故事而言呢啲案中案又唔算好有新意，本書前五份三都係內海跟草薙在抽絲剝繭，將塚原/仙波/三宅的關係抽出來，又帶出佢地三人跟川畑家的關係，一開始那個甚麼開發計劃反而變得次要了，純粹是帶出湯川點解會到案發現場…呀﹗係啦，特別一點就係…卒之唔係內海主動搵湯川或帶佢去現場，係湯川本身就捲入去了…噢。

就說大部份時間都在抽人事關係，於是去到中後段先開始有眉目，內海和草薙二人走勻成個東京去搵當事人或證人，好勁。最爆既係，佢二人唔係呢件案的搜查本部組員，係喺多々良管理官拜托之下私下搜查的，咁個搜查本部喺度做緊乜呢？呀，我忘記了永遠主角都係查案的那個，其他人都係廢架﹗哈哈哈﹗

********************************************************

電影版呢，見到吉高由里子出現，噢﹗都係無柴咲幸喎﹗忽然覺得有點寂寞了，雖然我個人比較喜歡吉高，但覺得…就好似福山大叔自己訪問度講，內海跟湯川的合作好似比跟岸谷好…

電影版CUT走了很多搜查組的人，地元的警察都消失了(只有不停在做CO1的實驗了？)，草薙拍住岸谷替湯川搵呢樣搵那樣，草薙比電視劇版多了出場時間，不過最辛苦都係岸谷啦，著住SUIT大熱天時走來走去的，夏天節能啲男士都除低見西裝，佢仲要FULL SUIT…熱死人咩﹗不過佢個眼妝都仲未甩，好耐熱，可唔可以介紹係邊隻牌子PRODUCT呢？(完全誤焦點…XD)

就說電影版CUT走了很多人和精簡了很多支節，本來川畑母女跟仙波的關係，三宅伸子的案件本書去到中後段先講的，電影版一嚟就爆晒了，少了很多神秘感啊，個案中案都易明了很多，係咪有啲可惜呢，呢個TWIST位睇書時WOW到我架…

演恭平的小朋友雖然唔算可愛，不過有夠天真，佢係咁問湯川野，湯川由唔望佢講野到整火箭俾佢睇海底，食火鍋唔俾佢燒紙，最後車站道別，個DIDI都交足戲，而湯川的人情味呢部戲都算滿瀉了，不過都流暢唔突兀既。湯川跟恭平的互動，特別係一開場時係好多人的笑場…去到結尾仲有個感動添。話實恭平真係好慘，雖然大人盡力想保護佢(連湯川都主動出手了﹗)，但佢都係REALIZE到自己係落手殺人那個，好慘呀﹗佢大個點算呀﹗既然伯父都知成實(杏)帶住個秘密生活好慘，點解佢又忍心要多一個細路體驗呢種感受呢…

之前睇《白金數據》見到杏小姐，呢部又有佢份…嘩﹗佢黑黑實實到呢(真夠地元FEEL)…呃，佢個樣唔算難認不過唔係養眼一批，加埋個黑黑實實郁真係…演佢媽媽的風吹純姨姨令得多喎﹗(又誤焦點了)…兩母女同仙波叔叔一段，讓我諗起《白夜行》山田孝之替遙妹代罪，但遙妹只能孤獨地活下去，雖然爸媽頂罪，但成實獨自人一活下去都好慘啫…

雖然我覺得比起本書電影版將很多情節都劃公仔劃出腸，不過都不減佢既可觀性，起碼比電視版的無聊推理高明得多，好喜歡湯川向恭平解釋點解火鍋將紙有湯喺入面就唔會燒著，跟住恭平拎墊杯紙去燒，湯川阻住佢，而伯父AWARE到湯川知道邊個係兇手，而湯川又擔心恭平知道自己被利用去殺人一場了，簡單幾個眼神講咗好多野，好巧妙，比起那個頹爆的心口針或打棒球推理有紋有路得多囉…

真不枉我放假最後一天跑去看了…噢耶﹗