東京HEA遊(1)~滿城盡是福山哥﹗

雖然我去到時福山大叔哥來了香港，我跟他緣慳一面了(咦…但你好似只迷過佢既《美女與野獸》和二佬咋喎﹗)，雖然真尊不在，卻周街都係…簡直要唱番咀：除非你是我，才可與我常在…囧﹗

咁福山大叔哥(真係忍唔住好想叫佢大叔呀﹗XDDDD)有新電影上，劇集的主題曲出OST，跟住演唱會又出DVD，自不然周街都係佢，唔宣傳唔通下年先咩﹗

這個甚麼啤酒的甚麼特別限定禮盒裝，很霸的，於是福山大叔(我要大叔了﹗哈哈)都很霸的坐著介紹，除了柱位廣告和TVC，仲有無限張列車內的BANNER AD，真係去到邊都有佢呀﹗而我發現，佢演伽俚略時就會戴眼鏡，做返福山大叔時就唔戴…

就說佢出碟和演唱會DVD嘛，很霸地好多唱片舖都有大個BOOTH播佢啲碟，呢個都算，最霸係有架貨車做宣傳，我喺銀座度迷失時見到架車兩次﹗幾霸呀﹗銀座﹗係銀座呀﹗

東芝的電器廣告，除了這個電視的仲有個NOTEBOOK的，無影了…嘩﹗這個白衫白褲的造型…何其英偉﹗最霸的是…隻船是浮在水上的…亨功水上飄呢？這令我忍不住研究了一陣…

四眼既就係湯川先生了，套《真夏方程式》同FAMILY MART有PROMOTION於是一入去就不停見到福山大叔的俏臉，好幾隻茶(好似是有甚麼儲分甚麼的)仲減到100YEN支咋﹗巧抵﹗

套戲我未睇，本書喺呢幾天搭車搭船過程中睇了大半，感覺很不錯﹗我…係特登等到過去先買既…喺SOGO11樓書店…成12、13算…巧肉痛呢﹗ (我入CD舖無買福山叔…卻買了隔離兩位叔叔的碟…哈)

影唔到湯川先生正面添，佢同萬年助手仲有個合演的TVC﹗

本來想去搵吓而家仲有無咸蛋超人專門店時，發現東京站底下有條甚麼一番街，入面有一PART係CHARACTER街，好危險，我避得開HELLO MIMI呀鬆弛熊時，卻躲不過幾家電視台的精品攻擊…你看到CUTE版湯川先生和龍馬嗎？﹗哈哈﹗《八重之櫻》個LOOK係咪CUTE到想喊呢﹗我拎住呢個FILE俾遙妹簽名佢會有乜反應呢…XDDDDD

好啦，追蹤完福山大叔，再續。