世上沒有東西比無得瞓覺更可怕﹗繼凌晨飛泡菜國之後，今次係貪平玩搭轉機，累到想死…
本著橫掂都未去過上海的心情，半夢半醒的出發了…
最近工作都忙到發癲，我是臨出發時先再覆一次預約的東西，才發現原來到達係TERMINAL 2…我大囧了﹗哈哈哈哈
上機的閘口簡直如世界的盡頭一樣遠，又要搭列車又要行到死死吓…因為太眼瞓…我坐錯了位和填錯晒啲申報表…
看網上報告說東航有自家轉機櫃，去到時有人帶旅客去的…但人呢？不過指示都很清楚的，行吓行吓就到，最初都驚得兩個鐘間場時間排得耐既話典算，又或者掉轉DELAY的話我咪好悶…呀，又OK喎，排了半個鐘唔使就攪掂，跟住過一過海關就可以去登機口等上機…
呀，這個水機很攪笑地唔俾人用紙杯裝熱水…咁用乜裝好呢？不來白不來，周圍走了一轉…
登機口旁的小商店，很攪笑有大堆各式口味的百力滋，有一吓我認真地諗過不如入番一兩盒…但…我無袋人仔喎﹗囧﹗左邊的大白兔糖都很爆…
就說我驚會唔見行李嘛，於是喼都很輕巧…當我望到地車站個出口又要上又要落樓梯時暗叫了聲好…囧﹗
這都不是重點，重點是…浴缸呀﹗風呂呀﹗雖然水係好重要，但我成年只有住酒店的幾天可以玩浸浴咋﹗
卒之求其喺神谷バー攪掂就算。回味上次食過的漢堡扒吧，貪心要多條炸蝦…但很詭異地有堆奇怪意粉，和一大PAT我唔食的菜…我囧了﹗
好啦…都係快啲返酒店瞓覺算了…囧
上海超市有好多味大白兔糖，係手信恩物黎架。
回覆刪除RE：brownie
刪除我第一吓諗要使人仔而我身上無…無得買…之後又諗機場應該可以即時唱人仔嚟買野…但轉頭又諗人仔對港紙高咁多…算啦…就乜都無買了…
你去到日本都係六點幾七點，甘應該好早就係香港飛啦喎！我次次坐轉機去到都成十點幾！
回覆刪除RE：鈴
刪除係呀，早到喊，無得網上CHECK IN(正確來說是香港一程可以，上海去東京無)，於是驚有乜事太遲所以早兩個鐘到機場，之後預時間出去…就成晚無瞓了﹗
國內航空公司也不差呀，頗為準時，之前搭過國航轉機到首爾，除了回程由北京返香港因天氣原因延遲外，其餘三程都準時，但飛機餐就很難食，香港那程稍好外，其餘的三餐都只吃了一兩啖就算。轉機平是平，但要犧牲整天時間在交通上，真的恐怖。
回覆刪除RE：五月
刪除我第一次坐國內航空同埋搭轉機的航班，原因就正正是貪平~去東京或首爾呢啲直飛都係幾個鐘意地方其實有點費事失時的，如果長途好似飛歐洲咁平平地其實都諗得過，聽聞飛倫敦有航班要喺上海留一日，仲有機場內酒店安排添…好像很不錯…