【小熊人擂台賽】14：我和我的音樂

從小我就有一個疑惑…一粒二粒黑色豆豉如何變成一首歌，仲可以唱既呢？﹗


可惜親愛母校的音樂堂不能解開我這個謎囉…(怨念人又來了…)

常覺得音樂是種很得意的東東，透過旋律高低起伏將作曲人的心情，或者佢想帶出的感情訴說出來。相比起文字，音樂可能來得更內儉，要聽的人花更多心思去感受…。說實在呢，本來我覺得從學校的音樂課中差不多可以解開我開首那個問題的了…可惜學校當年太著重考試…扼殺了小的少少僅有既興趣囉…

啦啦啦，就係咁啦﹗我覺得音樂係種興趣，應該係自發不能強逼的。不論是甚麼形式表演出來既音樂，都應該係某種情感的表達嘛…尤記得當年為了應付考試而夾硬練的牧童笛樂曲…噢…難怪咁低分了…行過琴行時見到一堆小朋友木無表情的喺上堂前對著琴書在陳列既琴前彈彈彈，隔離企著媽媽在指指點點…心中不禁狐疑…呀，小朋友…你彈得快樂嗎？

讓我快樂的就是聽歌了。小的不通音律，對樂曲既種類都沒研究，不要叫我分析某首流行曲是甚麼曲風，旋律寫得怎樣，編曲元素多唔多…對我來說只是很簡單的好聽和唔聽，歌詞喜不喜歡，同歌者唱得難唔難聽…咁囉。

到高小前聽乜野歌都係娘主導既，因為佢口味相當廣泛吓，一時聽英文(老)歌，一時聽廣東歌，一時又聽吓台灣歌；跟住做家務時唔係聽收音機就開住電視機，那年頭TBB還有很多播MTV既節目，小的就係咁聽聽埋埋好多歌，我諗聽歌這個興趣係娘傳俾我架囉，所以不要狐疑我點解識咁多老餅野﹗我可是有年輕的外表架﹗哈哈哈…

到大一點開始要搵自己IDENTITY，還沒有太多零用錢買牌子名物嘛，選偶像就係自我形象投射囉，要型你唔係聽啲老餅嘛？﹗那年頭沒錢吓吓買CD嘛，於是集合同學力量交換CD互DUB，或者錄收音機，諗起都覺得癲…為咗錄無DJ TAG歌既版本…我試過邊和同學講電話邊聽電台啲凌晨播歌節目，等到佢播我首TARGET時開心得驚呼狂叫…囧

作為一個無事忙搵野忙既學生哥，迷偶像抄歌詞儲雜誌是例行架啦，用最快既速度背熟偶像新歌，然後相約去K場表演一番更為重要，記住邊啲位AD-LIB一粒都不要放過…而家諗番起真係相當難頂…呀…當年怎麼我不努力讀書呢…遠目…

想話既就係當年真係不太理樂曲怎麼樣，歌詞先係王道的，最愛是將歌入面某些喜歡既句子出嚟寫紀念冊，簡直係我口唱我心…當ICQ出現既時候…嘩﹗成版INFO俾我打歌詞﹗正喎﹗

終於，開首那個謎一路放著文著文著…。到今年年初小的終於的起心肝去解謎。轉眼差不多學了一年，開首那個謎開始有點了解，看來解謎之日不遠了﹗到時小的就不只可以做作詞人，仲可以作埋曲了~~~呵。