《清明上河圖》之瘋狂影相圖

人地舉機影《上河圖》，我就舉機影人舉機，哈哈…


我對現場人們的疑問遠多於主角《上河圖》，唔好意思…我out track了…

• 影相…算。開閃光燈係咁影…都算。最唔明係拍片…都都算，但拍片拍到好似蟹咁打橫行，跟住人家企喺度慢慢睇時就發出"je""je"聲，aka=你阻住我…嘩﹗而家邊個阻住邊個呢…
• 個動畫做得真係好精細，睇完個電子版再睇番本來個畫卷，深深拜服製作人員的仔細和用心，大佬，個畫卷本身已經多野，要將之轉為動畫已經大工程，好些位仲耍加啲想像補足。然後又加埋夜晚…嘩﹗難怪人人看完都嘆為觀止﹗
• 《包青天》、《射鵰》、《神鵰》呢街上好多人，有好多男女老幼，但《上河圖》入面隨了煙花之地(友人說佢聽導賞員說那是煙花之地…)跳舞的人外，so far我只見到一個拖著小朋友的媽媽(是媽媽吧？)…怎麼街上無乜婦女(好了…三步不出嘛…)…咁係電視劇騙了我…
• 日轉夜時啲食店、酒舖啲燈ba一聲就著了…好攪笑，好似著燈咁…乜燈唔係要點既咩？﹗
• 又說，好多細節我地都係估估吓，跟住導賞員真係王道呀…友人說那個疑似城樓唔係城樓，係更樓耶﹗
• 我鐘意喺橋隔離個大宅門口(日間時)背脊向天pa喺度R PAT PAT的哥哥…好好笑…
• 另夜晚喺河上飄著既蓮花燈好美~
• 但咱們港人的《瘋狂影相圖》都不弱呀﹗都好壯觀的說﹗而家我們好似有「被逼影相症後群」(好了…其實我都有影…哈哈…唔係邊有相寫文呀﹗)，係又影唔係又影…不過我唔明…拍片嚟做乜？等無嚟既人可以喺屋企慢慢欣賞嗎？
• 一小時session完咗後大會係咁出廣播叫人散水，不過很多人死都唔肯走…做乜呢…就係以《上河圖》做背景，你同我影張我同你影張…到此一遊啊…
• 其實係咪真係有人返屋企會睇？又或者呢幅圖係咪真係引起大家對宋朝人和事既興趣？
• (有一刻無聊的我在諗…會唔會有人加包青天落去呢…um…或者…宋仁宗會唔會在微服出巡…XDDDDDDD)
• 全程我除了顧住睇圖，仲要避"蟹"，又要避閃光燈，一小時觀賞時間果然不夠啊﹗
• 人潮裡跌蕩…未抽空細看…(真係要唱歌啦今次…)
• 典解到而家仲有人覺得圖中既《清明》係清朝和明朝架﹗清明兩朝啲人唔同郁架喎﹗唔熟歷史…um…睇《帝女花》和《鹿鼎記》都知啦掛…
• 據有去過上海世博睇過既友人說，中國館個《上河圖》既河流仔細好多，偶爾仲會見到有野喺水入面飄的說…香港這個就…um…是可以更好的。
• last but not least, ASIA WORLD EXPO真係好遠…。
• 友人話搭AIRPORT EXPRESS入去…坐在車上…我不停諗起黎老闆的《Happy 2000》…囧

後話：現場人太逼，想企多陣仔細看都唔得，可以出動畫版嗎？又可以整個app慢慢睇嗎？

前陣子看《我的家在紫禁城》展覽是買的書仲未清，《上河圖》且看下回分解…