人生有個真正朋友的確好極~

這是我睇完草蜢本《三角演義》既後感，人生有個真正朋友的確好極架﹗飲勝﹗

話說書中有很多三人舊相，其中一幅是蘇志威六年班寫俾蔡一智既紀念冊﹗嘩~~~原來真係有人儲住啲史前文物到而家架喎…相中係好正經地寫「願君千日好，願君讀書高」…印象中…我好似無乜正經地寫呢啲野的說…
 
無聊地翻一吓小學畢業時本紀念冊，很多同學都係一本老正地寫啲「萬里長城長又長，我兩友誼俾它長」呀咁，但諷刺既係寫得呢句既多數都已經無聯絡了…

圖中呢位同學，印象中…當年個樣已經十足十ibanker…一唔係就係做經紀咁款，當年我坐佢隔離時我幫佢寫手冊，佢就將小息買完野食剩番既零用錢俾我做酬勞，每日都有蚊蚊聲收入，唔錯架當年…~

計吓計吓，小學識落既同學仲有聯絡既都無幾個了，好多都係因為大家街坊或父母係相識所以先keep住知道對方近況。真係仲有keep住聯絡既小學同學…應該 數埋都無5個lu…。其中一位係我識得最耐既朋友仔…從幼稚園、小學、中學都同一間學校，好奇妙…讀書時係ok friend而已，但預科時無啦啦close了很多…跟住成了keep住久不久會reunion一番既鐵腳…好奇怪…um

除了幼稚園鐵腳，其他識得最耐而仲有見面既都講緊中一了…好奇怪，大家坐埋食飯時會講番好多自己都唔知既野，原來不經不覺大家共同經歷過好多野，平時唔覺…但原來對方係咁了解自己…好多不敢/唔想同家人講既野…反而會同佢地講喎…好奇怪…

日文有個term叫「親友」，即係好close既朋友，呢個真係好正，close到近如親人咁既friend可遇不可求啊~很感激和珍惜呢堆從小認識既朋友…啊…不過下次見面時不要再數我地識咗幾耐啦…好得人驚架﹗

睇住本書講三個佬既往事時邊看邊會心微笑了…啊…人生有個真正朋友真係好極架~
************************************************
人夾人緣，夾到既人也是可遇不可求，夾得嚟相處到似親人互相關心，更難求，close到會說已經當咗我係妹，更更更難求…講真架，聽到時差點就想喊出嚟…唉呀，我薄皮呀…在心中~
************************************************
作為一個儲物狂，小學和中學時的紀念冊我都是全部好好存著的。

小學時的就娘啲，不外乎寫友誼永固呀、A man and a pen呀咁；中學那本就精彩啦…記得當年好精心挑本靚靚既紀念冊，當年已經中東洋風甚深既本人無聊地選了本全日文既…卒之不停俾同學投訴唔知寫啲乜好…卒之罰抄咁逐個item寫番中文喺上面…當年，當年唔識日文既我…我係亂咁作啲星座生日呀咁落去，紀念冊不外乎係寫呢啲架啦~

大家都幾乎係買同一type 活頁式一張張既紀念冊，入手後就逐張派俾同學寫，有啲人係有殺錯無放過全班派…，有啲人就真係friend既先派，某程度都係你喺班上人氣既指標…小 的…ok啦，都keep住有一log要趕在study period之前回番俾人咁囉，到放榜先俾番人就過氣的了。

小的可是很認真就番派既那個人寫吓對佢既感覺，認真到影咗好多單頭貼，又好認真地買了很多貼紙嚟decorate…遇著friend底既同學直頭寫到要加紙…唔 friend…衰到同校5年都幾乎未試過講一句野既…opps…真係囧﹗都唔知寫乜好…太hea又不好意思嘛…一日推一日…等我諗吓先啦…卒之有幾張係真 係唔知點寫而推吓推吓推到而家都無回番俾人…囧…唔知對方會唔會覺得我唔俾面呢…或者咁囉，有緣喺面書見到…我scan番俾佢丫…

不過情懷有變啦，中五時熱切投入寫，到中七時就…連紀念冊都無寫…求奇很hea地在grad book上俾同學簽個名交換email就算了…差很遠呢…哈哈。