自修室

打從會考之後小的都不能安坐家中好好溫書，最大的原因當然是家中的電腦(縱然它是入u後才駁通上網…)，總之就是坐不定，動不動就想看看這看看那。於是alevel的study leave小的都是和戰友們三五成群去附近公共圖書館的自修室溫書…這就是正式的「癡癡呆呆坐埋一枱」了。一大早到自修室霸位，溫到中午就拉大隊食飯(當年竟然敢pat低晒啲書本家當走咗去，完全唔怕唔見架喎﹗)，食飽就歸位再戰。實在…很值得回味；沒有當年的戰友，小的也未必能頂得住…也未必有大學讀呢…(人生有個真正朋友的確好極 ﹗飲勝﹗)


每到考試季節都諗起那段既辛苦又開心(苦中作樂就是本人強項﹗)既日子。商大三年自知集中力係更低，也來了自修室三年，那時就爽了…喺自家大學圖書館(那可是號稱「全亞洲單層最大」圖書館喎…幾強大…囧)霸位，唔使同出面千千萬萬莘莘學子搶…。但而家…慘了…小的想搵個位坐吓摺埋自己溫溫書看看notes…是…一個位也搶不到…嗚…

(登時發揮港人本色：我可是納稅人喎﹗雖然我納得唔多，兼且可以full amount退稅那種…)

其實娘從很久以前就呢喃唸說「俾間房你又唔用」…係呀，再一次回帶：寒舍間隔實用，房間光線充足，除了唔知點解鑽極都鑽唔完的樓上人家和成日打仔的樓下人家外，實為上佳溫習環境，但好衰唔衰喺屋企誘惑太多，避得過電視，避唔過張床…就算可以…都避唔過電腦的終極誘惑，終於在家一整天，真係對住本書的時間少之有少，完全inefficient又ineffective…陰公。

現下自修室唔夠人搶，唯有開闢新天地…就是*$或pcc之流的咖啡店，買一杯野飲，塞住mp3摺埋自己坐喺一二邊，座底坐上兩三個鐘…好work的。小的就係咁衰…那張日能證書，可是用自己的血汗錢堆出來的呢…

還有一些本人的溫書怪行…

1. 聽歌

呢個係打從中學開始就係咁…同時經常被媽媽唸「你咁讀書入唔入腦架？」入架娘親。很奇怪的是太靜小的會容易分心(個人八掛，聽到任何怪異雜聲會忍不住偷睇…)，反而要有歌聲嘈住才能專心對住啲書。咁睇番…一路小的成績都叫ok，咁證明…聽歌溫書係work work地丫…umum…

2. 抄notes

小的有個習慣係無論老師上堂用書定派一張張的筆記，聽書時會狂jot notes，返家後就自行抄一次。一來係因為小的文科人，要讀的資料成千上萬，總得將百家集為一家才方便溫書嘛，另外就係抄過一次會特別記得。最後的原因 係…小的太鐘意去文具店/無良買筆了…十幾廿萬枝筆…唔抄吓書邊用得完呀﹗(好明顯這才是真正原因﹗)

even到而家日文的notes我都鐘意抄抄抄…但就要用上好多時間了…

3. 間/劃書

這個習慣和小的喜歡在書的第一頁寫買下的日子係同出一徹的，都係想將本書個人化﹗後話就是賣二手書不能囉(不過我係儲物狂，其實我唔鐘意放書的…反而會好好收在房裡…而家我中四五啲書都仲喺度架﹗provided that我已畢業x年)。另外就係本人係奉行印象記憶法讀書的，如果將要背的內容化成圖象咁就易記好多(特別係history﹗)，但唔係頁頁書都有公仔 方便我記架嘛…(maths邊鬼有圖﹗)，咁就等我自己加啲落去啦…呢個方法好work架﹗

當然另一個重要原因係…上面都講過…我真係買得太多筆啦…囧﹗

4. 不能與電腦同在(簡單來說…喺屋企是十分危險的…)

上面說過…不重覆了…

5. 零食/飲品

這個很多人也是如此吧？人的集中力普遍來說每次不足一個鐘嘛，對住啲密密麻麻的字分分鐘一陣間就想瞓了。那沒就需要一些能提神醒腦的東東。中學時本人可是十分熱愛吃山渣餅(﹗﹗﹗)，去優x良品買十蚊一大包的食足三日…而家…住打係要飲咖啡囉…提神呀﹗