扒地惡魔：新鮮人好老細迷思

神推鬼撞(上網查過竟然出了撞/恐/擁，究竟邊個先啱呢？﹗)，確係鬼推，原本要到上堂的本人竟然在巴士上睡著了，醒來時已到了商場門口，下車時看見戲院《穿扒地的惡魔》廣告板，…在魔鬼的誘惑下決定走堂睇戲去了。

想看此戲完全是慕梅麗史翠普的大名，不過本人只看過她兩部大作-多年前《Titantic》時狂迷Leonardo時期以一百個大洋購入《一切從心開始》睇靚仔，戲中叛逆少年光芒完全被做他媽媽和姨媽的兩位阿姐搶盡，梅大姐就是做媽媽和妹妹一角。之後是《此時此刻》，不過本人印象最深是中間茱莉安摩亞演的大肚婆，她最後躺在床上等待死亡來臨時(希望我無記錯其他戲的劇情…)看得我心嗱埋一舊，最後一段(亦即是梅大姐一段)反而無甚印象。今次，全心入戲院看梅大姐演繹這個殺人唔眨眼的時裝界女魔頭，薑真係越老越辣，上次的靚仔今次的新紮靚女一樣唔夠揮，全程梅大姐個人表演，演盡女強人硬朗無情軟弱柔情， 強﹗

戲中另一個賣點應該是片中的靚衫吧，但本人對時裝的認識和開始時的Andrea不相上下(不過我分到D & G﹗嘻嘻)，靚是靚，不過日日咁樣踩住對四吋返工對腳仲得掂既？靚衫確是賞心悅目，看得我都心癢癢度度秋冬新衣大計…

惡魔對羔羊，可能自己都是畢業幾年的迷途小羔羊，不知不覺代入Andrea一方，如果我遇到這樣一個變態(代入了﹗)會唔會做落去呢？我想跟著個Miranda這樣的老細是辛苦的幸運，俾我一定仆到去做(哈哈，講呀嘛，可能捱唔夠一個星期就走人)。新鮮人搵工最著重是「有無嘢學」，她挑剔、柯過、 變態，但她有料，看她邊從容的襯衫邊講唔同label唔同事份出的湖水藍item就知有料，真係分分鐘都在塞錢入Andrea袋；名牌大學尖子到職場還不是由低學起的新人，想立足就要學野，而且是謙虛嗰種，感覺有點像舊時學徒制：一開始要做牛做馬，合格升級越做越高。後來Andrea覺得自己唔適合在時裝界發展轉做記者，就發現原來被她虐待過後有助日後走自己想走的路時，無論幾憎呢隻惡魔都好還是會全心全意多謝她，呢個moment，很動容。

之前和媽媽閒聊談到她的新老細，媽媽當時的結論是女老細比男老細麻煩；其實本人不盡同意，不過在媽媽被她這個急進改革派新阿姐攪到一頭煙時就不和她口舌之爭了。麻煩，男女老細都會有，若然這個老細有戲中Miranda一般能幹本事，做到成績來，她確有本事挑剔別人。

回想自己過去和兩個女老細共事過：第一個是個豪爽女子，處事不拘小節，極有古代豪俠的味道，不過本人遞信後她才上場，實有相逢恨晚的感覺。第二個老細共事年多，她是個典型雙子座：無定向風而且緊張大師型，一時歡迎我們提意見一時又駁斥我們反對她想法，所以當時我較欣賞她那甚有大將之風的另一個老細，在他腌尖聲悶的高要求下提升了本來極爛的英文(現在是少爛，依然爛)，她嘛，她很多想法我是不敢苟同，對她serve客的態度亦十分「頂唔順」， 但他們的小公司能在弱肉強食的世界存活下一定有其原因。事過境遷，偶然發現本人用上女老細一套(如寧願慢，唔好錯﹗還有那個「我司」 term，同事極驚訝為何我會識這term)，我想我潛意識已被她思想潛移默化，學了她的嘢而不自知。如果有機會，好像Andrea行過舊公司樓下見到 Miranda，一定會和女老細講聲多謝。

劇情
--------------------------------------------------------------------------------
無聊加映：

1. 搵戲情時無啦啦睇到，原來阿派路個名又叫Andrea…
2. 行經超市時見到呢款新型手推車，型到爆，玩具反嘔城都無咁型喎，啲細路一定好開心﹗可恨我遲咗廿幾年出世，無得試…

3. 咦，唔post相都唔知，原來而家upload相個page排列由最先至最後，admin萬歲﹗咁我唔使次次insert相都要攪一輪去最後一頁啦﹗