2013/10/20

HOCC《MOMENTO LIVE 2013》

從那張石破天驚地性感的POSTER開始,買飛…再抱著半信咩疑的心情,無乜期望但又想睇吓何小姐攪乜,但又怕佢會又長又CHUM的說佢既理念人生道理咁,入場了…


我很無聊地喜歡影這些奇怪的剪刀手合照…哈哈哈哈﹗

06、07年的《LIVE IN UNITY》是唱K和睇碟睇回來的,入場睇是09年的事了,其實我不喜歡那次的造型,也有點太多道理…其實我要求好簡單就係聽吓歌睇吓野咁架咋﹗就好似10年個《HOMECOMING》咁(定係我這個粉不忠實了?)((都不是丫…《賈寶玉》我都有去睇…不過唔鐘意個THEME咁解之嘛…))
一開始《美空雲雀》的INTRO,仲以為佢咁爆一嚟就整首高音到不能的…啊…原來係MIX了其他歌…

而那個面罩…我諗起之前那套日本戲…個男主角一條底褲甩上身…他…的面罩…囧…哈哈哈﹗

而那些樓梯我想起05年草蜢《我們》甚麼甚麼演唱會唱《怎麼天生不是女人》(定《世界再次變得很美》?)的那條呢﹗

我想話09年演唱會我最不喜歡就是啲衫﹗今次第一套睇了好耐都唔知係乜,著番燈先睇到應該係件肉色上衣和緊身褲…仲以為著泳衣呀﹗

跟住拎結他著了幾首ROCK爆的…(我沒有MARK歌呢…)…UM…中間個長型台可以FING嚟FING去…好有趣。而重點是…佢著了一件ELEGANT(得來有點《我和春天有個約會》FEEL)的高釵藍色晚裝…但佢個頭係有點80年代的PUNK(?)頭…中長度的長度…我想話好耐無見過佢咁多頭髮﹗囧

跟住又係肉色衫﹗我又再次以為係勁性感的上衣(而被讀了一跳﹗)

呀,09年那次啲間場係勁多片勁多片和勁多片,今次就玩跳舞…
《不眠皇后》和《韻律泳》時在布幕中跳來跳去地唱,跟住有啲影像照在布幕上,很有趣…但我坐喺高山上…其實不太看得清呢…

黑絲﹗套老西系出名門,是有型的,加上那對幼踭高跟都是沒有問題的,不過用嚟彈木結他就有點攪笑…呀,今次何小姐不停彈結他…攪不好以為是結他演奏會。

結他嘛,《千千萬萬個我》、《天使藍》那些梗係有啦,上次演唱會的亮點(我覺得)是《韻律泳》+《水花四淺》,今次是《未來》呀﹗

舞台劇部份,見到個PUNK頭加古裝郁我忍不住想起妍希BB的小龍女郁…

SHOCK﹗我才說驚見有人喺台上唱唱吓歌吹牧童笛,今次何小姐都玩笛﹗囧…而…有人可以告訴我佢見白色小龍女衣裝究竟有幾多件俾佢除…除到最後先唱《癡情司》呢?

勁歌熱舞的一PART,例牌的《光明會》(但佢今次無大叫「光明會萬歲」喎﹗)、《你是八十年代》、《艷光四射》那些,有點06年FEEL的,更有的是…金色﹗又是一開始有件野COME住,跟住就除低變成件一邊有袖一邊無的舞衣(我就是想說很有06年那次的那件FEEL﹗)…不過爆點是…這次的是件可愛的金色短裙…唔知會以為係AKB…哈哈哈﹗(我會被打呀﹗)

阿歪﹗阿歪﹗阿歪﹗好爆﹗一齊跳喎﹗這個真的很爆﹗究竟佢係咪晚晚都會出現呢?

結他再現﹗其實我唔明《木紋》ENDING時咁蕩氣迥腸,點解佢係拎住個木結他在彈…但這首個結尾係好適合做結尾的…只是…那個假ENDING之後的真ENCORE…竟然得一首歌…我們大囧了…

呀﹗我想話這套黑色冷衫加透視長裙…有啲90年代…襯番呢水播《巨輪》嗎?

呀呀,我想話啲音響好好﹗何小姐唱得也很不賴,整體都比09年的好,可能就只有…只有《似是故人來》的幾粒音做過場沒有唱喎﹗雖然我對呢張REMAKE的唱片是有點微妙的感覺…呃,上次我最開心係有個梅姐SPECIAL嘛﹗

而因為上次我睇的那場係梅姐生忌於是有個致敬SPECIAL,於是就無了《滿地可》…今次終於有番啦﹗呢首同《可可》我都超喜歡架﹗UM,雖然不太喜歡佢成日滿口道理,但佢啲歌真係幾有正能量,聽得滿心歡喜的…

好啦,我會鼓起勇氣聽何小姐的新碟架啦…

2 則留言:

  1. 我也想起了變X超人!!!哈哈哈。
    阿Y今晚也有出現!!
    HOCC小姐D衫有D..嗯...嗯...嗯。

    回覆刪除
    回覆
    1. RE:仁

      Y是應該三晚都有出現吧?﹗
      啲衫雖然唔算特別令但都比09年的好,整體嚟講我好滿意架﹗我係想聽歌架嘛﹗

      刪除

要講幾句嗎?﹗XD