原來，相機在我snapshot的世界慢慢變得咁唔重要了…
睇番舊文，部相機原來係09年時買的，唔覺唔覺差唔多4年，喺呢悠悠長的4年歲月，小的已不知換了多少次手提，叻卜都換過兩部，就係部相機無換過，亦無乜心思思換過(雖然有一刻小的係幾心思思女朋友的，但拎上手比LX3更重啊﹗)，唔係我長情…係懶得用啫，某程度上，手提已取代了相機的位置…
前司和舊叻卜都無記憶卡插卡位，於是要用card reader，但公司又無呢樣野要我自備，而換機不久買的16gb卡之前用開的card reader竟然又read唔到，我又無usb去駁機又廢事裝software喺公司部機度啦，在公司過相不方便，返屋企又要偷小弟的card reader…煩呀﹗用手提一插usb就detect到直接開folder下相就得了…方便多，雖然後來換了有插卡位的叻卜，但開蓋插卡後我又會唔記得拎番出嚟，試過一兩次拎了無卡的相機出門…要瘀皮…囧﹗卒之又係拎番手提影…
就說，啲無聊snapshot用手提chut一聲影咗再啦啦聲駁usb過落電腦，快﹗而用手提影又可以做埋edit和upload上im的動作，一舉幾得，相機又係不能相提並論啦。於是貼在博文的相十居其九都係手提影的，用手提睇片仲可以順手screen cap埋，方便過用電腦又要喺picasa度剪剪裁裁(上年攪《愛情雨》啲cap圖cap到想哭﹗)
雖然說用相機可以較光圈改曝光去攪構圖…但其實我好少影呢啲咁artistic的相…哈哈…(其實我影無聊野多過影風景相囉…)我專影的食物相…其實我已經好耐無用過相機影，好多時都係貪快舉手提就影，同埋，雖然瘋瘋得500萬像，但出嚟效果都ok既…so far又無乜影到黑咪mung睇唔清咁…係無防震…吓吓我都要影多張做後備…
呀﹗我想話最討厭是我仲未搵到較細啲每張相size的功能，而家影親一張相就2mb，加之於轉機之初我過了舊機的相落去，又詭異地唔可以喺手提度delete，好啦，係我衰唔去研究點樣喺itunes度delete，其實呢…我到而家都唔係好明itunes的運作，update app呀盡量可以都喺番部手提度加加減減，經itunes呢我成日好驚以為備份了原來未備，跟住更新了一個舊版出嚟，掉轉頭要走去download番啲唔見咗的app咪好低能？
sorry，我個人真係好low tech(所以我成日話我愛安卓囉﹗)，itunes真係唔係我朋友…。any肥，就因為我怒影而相片又佔位，同時我又當正部機係mp3機，存了差唔多一半位的歌落去…於是扣減system(於是我死都唔update ios6以後的version…哈)、app、相等東東後，長期得番2至3gb位…就爆就爆的…真係好憎瘋瘋無得用記憶卡囉﹗32gb爆既話就去買張64…一天都光晒啦﹗我衰，因為個可以手寫的大辭林…(於是…我雖然成日話想轉番安卓機，但還是繼續與瘋瘋同在…我覺得而家部機死咗我大有可能出5囉…囧)
講番出遠門，小的腦交戰緊拎相機定拎叻卜…酒店會有lan線internet，同時我又出了張上網sim卡喎，其實已解決了病態網民最concern的上網問題，電腦係上網上得舒服啲，方便搵定第二日啲野啫，同埋可以叉手提和尿袋的電(雖然呢兩樣野拎個可駁usb的插蘇就可以了)，相機又要拎多個火牛嘛…唉呀，部相機就嚟封塵了…
唔知係咪就係太多人將手提當相機用，於是索記和三叔都出啲可以上wifi或插sim卡的相機，但唔係度度都有wifi喎，用手提轉出嚟唔係唔得不過煩啲和消電啫。跟住三叔那部可插sim卡的相機，呃…我出多張卡定將手提那張插落相機度呢？又好似唔太實際…咦…DC點同智能手機鬥好似又係個有趣的孖劇停課題喎﹗
呃…拎唔拎？拎邊部好呢？WOOOOO…無心睡眠…WOOOOO…腦交戰…
今日。脫教。天氣晴
今日。脫教。天氣晴2~脫教後感
今日。脫教。天氣晴3~(又)上番釣
其實，呢篇文係俾這一篇inspired的說…
沒有留言:
張貼留言
要講幾句嗎？﹗XD