新春馬交一日遊

<--明明上年去自然共和國買的東東都未用晒…我又忍唔住入去進貢了一番耶﹗好詭異﹗

作為一個咁鐘意學野的人呢，一到碼頭就不停望望望…啲牌居然係四語廣播喎﹗雖然我無學過葡文，但somehow佢同西班牙粉都似似地，而雖然放低咗咁耐，我都仲隱約記得…我巧叻…(<--無啦啦自己讚自己…)

落船就趕住去食「早餐」啦，阿娘大推呢家店…係因為…有wifi…果然是病態網民…(而且有其母必有奇女…)囧。而呢個葡汁薯仔牛脷煲是相當好味的…。食食吓…咦，播閔大人主演的泡版《不能結婚的男人》喎﹗阿部寬砌模型船，閔大人就砌景仁宮…囧﹗

小的一向無橫財運梗係唔會入賭場(自己攞嚟輸)啦，於是阿娘話不如去行新八百伴…(這是比sogo乏味一萬倍的地方…)。行行吓去咗玩具那層(可見我幾無野行…由地下直上玩具的5樓)，紅色裙這個Barbie巧令喎﹗無論個側梳的髮型和條裙都巧令令耶﹗盛惠419.9…死…我心思思…

隔離那個…真係睇唔出係《吸血新世紀》囉﹗

跟住一個轉身(唔係去射三分波)去了等吃晚上的自助餐，去到個場時…被這個crepe吸引了…個亞洲food court我第一吓係見到有crepe、大福、puff等日食，再望先見到有老m和翠華…明知之後要食自助餐…我又忍唔住食了crepe…真衰…於是(原本都唔勁的)戰鬥力大減…

地點是這個了。這個價值438的自助餐，一坐低大家都被生蠔吸引了(還有長腳蟹的，不過我唔鐘意食啲要落手既野)…。食完先諗起，原來我skip晒啲中式熱食和西式熱盤(本來諗住要一點牛扒或羊扒…但因為之前食了個crepe飽咁半…於是都係算了)…努力了一大輪凍盤、海鮮和魚生咁…

 勁like呢個迷你佛跳牆﹗好足料和好好味﹗

我直接skip了去甜品…樣子美麗但食落勁雷…特別係中間那個cupcake(同場仲有金元寶和金幣，好似無咁得人驚個樣)…真係好可怕啲味…囧﹗其實…這個自助餐好在唔使我俾錢啫…唔係四百幾蚊…um…我寧願食番Marriott囉…

返番去一開始講的自然共和國進貢事件…其實因為上年去泡菜國時買的skincare都未用晒，於是就忍住求其搵啲野買就算啦，蘆薈mask才10蚊塊…抵喎﹗跟住洗面乳就用晒就求其整支嚟試…這都不是重點，上面那兜蘆薈gel才勁，阿姐姐仔話可以搽面和身補濕，又可以當sleeping mask，然後再頭髮乾時又可以搽啲喺髮尾﹗咁勁一盒都係44蚊咋﹗我咁貪新鮮梗係整一盒試吓啦…我見喺個檔度有個印有某人樣的膠手抽袋…裝了四盒喺入面…唔知係咪買四盒就有個袋送呢？不過唔買咁多啦…搽到2046呀陰公﹗

阿姐姐話買滿200蚊有贈品送…贈品就係印有某人花容月貌面膜乙塊，卒之我的進貢終於得到回報了…。馬交這家店有啲孤寒呢…對照泡菜國送sample的出手…其實當時我都唔係買得好多野，係買了兩pack十包裝的面膜，各自百零蚊，加埋都係二百幾三百蚊港紙到…你睇店家送了幾多sample俾我﹗(右圖…於是我用到而家都未用得晒﹗)…雖然我明既，明洞成街都係competitor，梗係要出手重啲留客既…嗚

如是者，這個即日來回就完了…今次無點去看景點了…。