[日劇]推理之2~《Ataru》(完成了﹗~)

睇番維基原來《Ataru》係上年4月播，而《Monsters》係10月的說，我掉轉了先後次序啦…哈哈哈﹗其實第一集我覺得有啲悶…但因為舞子呢個野食電話繩﹗想點呀﹗因為呢碟野我覺得有趣番…哈哈哈﹗


又說原來中居正廣演一個不明來歷，又有自閉症，但又奇怪地成日掌握到破案線索的謎之人物，自閉症﹗好多劇評都提起湯告老師的《Rainman》﹗呢套戲我有睇呀﹗因為光一王子n年前的《沒有天使的街角》正以呢套片為藍本﹗而輝(藤井郁彌)啲自閉症特徵：電視片集(輝係要睇減肥帶架﹗)、草莓味牙膏、理髮店門口的轉轉轉、衣著的選擇和唔肯搭車立等…睇住中居正廣的Ataru…呀﹗真係好想拎番呢套劇出嚟回味吓呀﹗

呀，Ataru(中居正廣)係要早餐飲咖哩湯，舞子(粟山千明)又次次都買有烏冬的，Ataru唔肯食佢就一野食晒啲烏冬佢，之後Ataru就承認那碗是咖哩湯了…我笑咗﹗而上圖既花式跳水查案野(唔記得個名lu)，好正…好鬼鐘意日劇啲劇中劇…有message架﹗水裡面睇乜都清楚啲…哈﹗


而我不知道有北村一輝大神做喎﹗而且不是大茄，是查案鐵三角的其中之一…萬年formula是一定有一個老資格的刑警帶住個熱血新人，然後搭一個non刑警而又往往係神一樣破案之王的東東(《Monsters》係香取一人做番破案王同老資格二者啦…)…睇住北村同粟山千明你串我我串你都幾好笑的說…

化驗組的四眼哥哥和另一個成日話要追舞子的哥哥仔…都很gag的…感覺呢套野都幾多惡攪(我太耐無追日劇甩晒lu，睇人家的博說惡攪《Spec》我都搭唔到咀…哈哈哈)((呢個哥哥仔不停生仔，生到最後竟然係三胞胎﹗太爆了﹗))

我鐘意睇舞子次次想做出金田一式既犯人就係你時…次次都俾人阻止…哈哈哈﹗

舞子係組內的美人刑警，又係廣告大使又有出寫真集…堅攪gag的…好笑﹗

嘩﹗令到我一度巧京京的日版黃泰京(好了…人家叫玉森裕太…)，佢一個轉身變了醫大生，其實佢唔硬扮某人呢係正常既…呀，佢係演舞子細佬的說。頭兩集都係行行企企食飯兩味，幫手照顧吓Ataru咁。但劇情成日講佢媽媽十五年前疑似自殺之謎，係咪之後都會講吓咁呢？﹗

呀，真係講開又講，又係J家買一送一慣用招數喎，買中居送玉森﹗

回說劇情，第一集我無乜望劇情介紹之下就咁就睇，因為呀Ataru哥係謎之人物嘛，佢就係講埋啲型號number呀，有的沒的，得閒又係咁食茄汁咁，睇了好耐先等到澤(北村一輝)和舞子發現佢up埋啲野同單case有關，其實我已經瞓了差不多一半了…好在第二集已經步速快咗好多(咁舞子知道佢啲無聊野同case有關啦嘛…)…。而重點是…個推理本身係合理和真係一步一步抽絲剝繭的，就是說比《Monsters》啲你講晒啦既推理合情理好多…

期待之後點樣解關Ataru身世之謎呀~(新年流流睇埋啲死人野…大吉利是…)

《Ataru》@維基
*******************************************
22/02/13後按：

花了九日完成了本篇，case來說確係俾《Monsters》嚴謹和環環相扣好多，而Ataru的身世…其實無乜野隱秘和陰謀的說…呃﹗估佢唔到的是，最後一集棄案查番去舞子媽媽度，而個真相竟然係咁…

好鬼鐘意搜查一課每個組員都好攪笑，啲互動好有gag，笑位不絕(雖然睇完成部我都唔記得佢地每個人叫乜名…)…最記得是澤主任成日照鏡同扮Ataru，然後話自己係冒失澤…我笑了…不過佢對下屬舞子和其他組員確係不賴，跟著個咁既主任不錯丫，點解舞子仲要唔撈呢…囧﹗

然後看了SP之一，嘩﹗cut舊片既…五分鐘飛完…而家爭第二個SP甚麼來自紐約的挑戰就完成了﹗噢耶﹗