(轉)10 大追劇必睇男神 (上)

同事轉來題目的一篇文…現在只出了上篇5個CHOICE，我竟然5套睇了/過3套﹗太神奇了…

1.秘密花園——周源/朱元(玄彬飾)
Types:帥氣冤家型

看了兩個幾月終於去到第17集了…呀﹗我俾呢篇文劇透呀﹗做乜爆俾我知朱元會捨身救吉羅琳呀﹗嗚呀﹗呃，其實呢，呢套劇好似好得大眾讚頌，不過我唔係好過電，好多時仲邊打機邊睇睇完MISS咗劇情都唔知…哈哈…是我錯﹗呃，咁玄生做毒舌男係幾funny(乜佢為了顯出角色霸氣而減了16磅？﹗)，而毒舌男和傻on女的組合同下面的《紳士的品格》好似囉，跟住又成日有鬥氣變情侶…定係韓劇都係鐘意呢隻組合呢？(又嚟常見劇情？)而…又有個為了拆散男女一而無所不用其極的阿媽？﹗(死囉…我開始不滿了…哈哈哈)…

BTW，見到好多集都喺樂天星光大道度拍…唔見某人既…10年佢未做代言人乎？﹗(哈哈哈…我還是很忠實的某人粉啦…)…而其實，我對奧斯卡條LINE有興趣啲…

BBTW，我又剛發現在《秘園》演武術學校導演的那位哥哥仔係《信義》個張御醫喎﹗而原來佢畢業於美國波士頓大學，唔怪得佢同李安JACKSON(﹗)導演講電話時啲英文咁流利啦…

2.我可能不會 愛你——李大仁（陳柏霖飾）
Types: 赴湯蹈火型

這套沒看過，《藍色大門》也沒看過(《盛夏光年》反而有看過喎…)…搭嗲不行。呃，就是說呢，國劇韓劇我都可以煲一餐，但就係台劇唔過電…點解呢？


3.仁顯皇后的男人——金鵬道（池賢宇飾）
Types: 文武雙全型

有同同大推﹗而佢興奮地推介時我聽咗劇名為《人妖皇后的男人》…呃…《人妖打排球》啲朋友…囧﹗後來才知女一就係《秘園》女一個FRIEND…真係士別三日…

4.步步驚心——四爺(吳奇隆飾)
Types：鐵漢柔情型

這套其實我沒再看了(12月我轉咗去睇日劇了…XD)，不過看網路和博友的劇評大家都說應該選四、八定十四爺呢咁，就咁睇劇情柿龍哥演雍正乾隆(嚴格來說…是雍親王吧…)((14/9/12後按：點解後面我識打雍親王但前面又打了乾隆？好詭異﹗))好像真係演得不錯…不過穿越劇我真係睇夠了…(呀﹗據說上面《仁顯》都係穿越架喎﹗)UM，這套《步步》REMIND我我仲未睇《雍正皇朝》…WHICH我講了十幾萬年的說…

而…其實我是一定不會支持八爺囉…我咁支持鄭視帝…哈哈哈﹗

5. 紳士的品格——金道振(張東健飾)
Types: 成熟紳士型

睇睇吓我在想朱元和羅琳的設定跟道振和伊秀真係幾似，而中年F4另外三個好像就是奧斯卡一變三咁，然後又有個謎之男(金…甚麼熙？看我真係無認真睇架囉﹗《紳士》有道振個仔COLIN啦)出來穿插攪GAG咁…講講吓阿泰山個妹梅雅琳啲性格(同把聲﹗)都幾似雅螢添喎﹗不過評價都係《秘園》高啲吧…哈…但我喜歡《紳士》呀，個小劇場太爆了﹗

*************************************************************

等下一篇出埋又可以呃多篇文﹗XDDDD見內文LINK有玉木宏張相，唔知會唔會下個LIST度會有千秋王子？

我的品味是怪的，其實我睇得最迷的…是昌輝王子、崔英大人、和森動(雖然我接受唔到佢拎格林美…XD)啊(最近…哈…你知我轉得幾密架啦個CYCLE…哈哈哈﹗)

女林大人的《善良的男人》今晚播了…好期待女林大人點樣演復仇男…哈哈

再續，以上。

下篇：(轉)10 大追劇必睇男神 (下)