食豬不食狗/保釣和反日

揭副刊(係…我係為咗睇唉瘋5啲plan…XD…小的年尾到期要諗續約的事嘛…其實我已極少睇蛇果報了)時睇到兩篇超級有共鳴的文，真係講中我心聲喎﹗

先說這個：為何狗是寵物豬是食物？

利益申報：我沒有養小動物，因為…我連種棵花都會死的…咁廢事殘害生命啦…但我不討厭小動物，也明解(也許明吧？)何解有啲人會愛寵物如命…呃，咁人各有志啫…

是咁的，曾志豪話佢參透唔到為何狗是寵物豬是食物，其實我自小都有呢個疑惑，如果解說是因為狗狗是人的朋友，是有智慧/靈性的動物，咁猴子唔係更啱嗎？又說其實豬唔係真係咁蠢架喎，其實我一路都唔明點解食狗唔啱，食豬牛羊就得，殺野生瀕危動物唔啱，殺專係養嚟食的就啱，呀…不是說眾生皆平等嗎？噢…(其實…我有時都會諗…人類憑乜操控其他生物的生死…啊…)

我再重申呀…我不討厭貓貓和狗狗的…

看來我應該去睇吓曾志豪文中講的那本《為甚麼狗是寵物豬是食物─人類與動物之間的道德難題》，是「雙重標準」惹的禍…噢…

我又再再重申，我不不不不是反對養寵物，只是，每每強國有啲食狗食貓的新聞(我不是贊成啦)就有些人跑出來話佢地唔啱，說小動物咁可愛怎忍殺之再吃掉，咁…好地地一隻豬碌吓碌吓咁，或者好地地一隻雞行吓行吓咁無啦啦殺掉來吃…不殘忍嗎？每每見到有人一腳踩死小強和一隻手指摔死螞蟻時我就諗…你真係慘…就因你唔可愛，被殺掉也不可惜，但可愛是誰定？可能會有人鐘意小強喎﹗

UM，我決定要研究吓呢本書，好有興趣添…XD…又有個藉口去行誠品﹗哈哈哈(你咁快就唔開通宵？雖然，我真係FEEL到無啦啦有覺唔瞓去行書店為乜濟…呃…ANYWAY，我會繼續去巡視業務，增加我的藏書之餘再儲分成為誠品人囉~~~~雖然我都唔知做咗有乜優惠…<--盲目的粉…)
*****************************************************8

毫無邏輯的保釣運動

利申：先放開小的香港/中國人身份和對日本的喜愛，這是純粹就睇完這篇文而發表吓後感而已。

是咁的，呢篇文又講出我其中一個不解的疑惑：釣魚島自古以來就係中國領土部份…咁…個古係幾古？宋元唐明清？定春秋戰國呢？SORRY，作為一個歷史人，每每聽到呢句我都有疑惑的，而個古又從邊個角度出發？盤古初開定係上主創世呢？

小的沒有深入了解美日安保條約，二戰只讀到開戰一刻呢，SETTLEMENT只輕輕觸及歐洲那邊的，最多講埋聯合國，亞洲這邊的真係少之有少…(卒之我係最近睇書先知南北泡之形成…真係書中自有黃金屋呢﹗)…我係咪要去了解吓呢？了解吓先可以分析吓呢個有爭議的地方誰屬吧？﹗UM…

強國那邊說自古以來令小的諗完又諗，另一邊壽司國硬將個島國有化又係好詭異…吓？你不是CLAIM呢個地方自己有主權既咩？乜未國有化架？咁…點解那位人兄可以買到呢個島既？點解你又承認佢有個島主權？咁既話，強國人或其他國的人…只要島主(？﹗)肯賣係咪就可以買呢？

UM，我只係講一吓我的疑惑…唔係TAKE SIDE某一方…小的讀歷史上咗腦，寫一條ESSAY都要三個正三個反先可以下CONCLUSION啦，現下我所知的都太皮毛了…讓我去多看些資料先…如…壽司國的土地法啦…XDDDDDD

(嘩﹗講道德又講時事…我忽然唔娛樂版了…)