[韓影一條龍]~上：《梨泰院殺人事件》、《寶貝與我》、《寵物情人》…

一條龍煲劇唔爭在煲埋啲戲啦…(我仲深深地沉淪緊﹗哈哈哈)

小的又是從最新的《寵物情人》開始睇番去啲舊啲既片，um…舊片啲戲路好似仲多變喎…

《梨泰院殺人事件》 (推銀度：0﹗)

((好耐無出現的term…哈))

看劇情介紹說是真人真事改編，在當時(97年)很轟動的吧(我諗起香港啲雨夜屠夫呀人肉叉燒包呀咁)。um，這部調子很重的，大學生被殺了，兩個疑犯你推我我推你，兩個就係唔承認自己係兇手。審完一次又一次之後好似有啲眉目係其中一個時…被判了的一個又走去上訴，卒之二人都無罪脫到身。

成個過程就係檢察官叔叔辛苦地走來走去拉證據(而啲警察又做過乜呢？)，但荒謬的是搜證只是做了一陣，快餐店竟然就清洗了兇案現場繼續營業，好似無事發生過咁，又因兩個疑犯都同美國有關係，檢察官又要就住就住，成個審訊過程都勞心勞力卻不得其法。睇見兩個疑犯Pearson(張根碩)和AJ(申聖煥)一副事不關己的表情就想打爆佢地個頭，而佢地個出發點竟然係為了好玩…喎﹗…咁一路睇梗係一路想知邊個係兇手，荒謬是被害者家人只想有個人入罪而唔在乎邊個係兇手，而那個有17年經驗FBI(？)指出Pearson手背紋身可能同幫會有關的證供不被正視，二人友人轉口供一切一切讓檢察官離真相更遠…好悲情。…碩哥最後那個奸笑和快餐店索性封咗個洗手間真係將個大學生枉死的悲情提升到最高level呢…(仲有啲配樂和effect…睇完真係心有戚戚然的…)

(另…97年就算未全盤電腦化…審訊時都唔係吓吓拎住成疊字典咁厚的a4紙揭嚟揭去吧？大佬辭海咁厚點揭呀？仲有個法庭無冷氣又要著西裝？咪玩啦﹗)

原來演檢察官那位鄭鎮榮叔叔有做《王的男人》(不過我已唔記得啲細節…係咪要得閒拎吓出嚟重溫？)，而佢同碩哥仲有另一套《快樂的人生》(睇緊﹗哈哈哈)…um，想講呢套入面呢碩哥雖然係要講英文(只有尾段先講了兩句韓文)，但佢一副毫不在乎的表情邪樣還是很到位…雖然個紮辮子的頭望落有啲馮德倫feel…

(從小的癲到將微博呀啲info相都轉做呢套戲的poster睇得出小的有幾著迷呢套片呢…)

21/3/12後按：
開心大發現﹗《成均館緋聞》個男三號女林大人竟然就係呢套戲入面個被殺大學生﹗巧京京﹗

20/4/12後後按：
開心大發現停不了﹗檢察官叔叔竟然是《愛情雨》入面中年仁河…跟某人演父子了﹗好囧﹗睇了幾集竟然都無發現…

******************************************************************************************

《寶貝與我》(推銀度：0﹗)

(嘩﹗天使笑容﹗)呢套真係堅好笑，睇到我笑出聲俾屋企人問我做乜…哈哈…

故仔好大路的欲拒(一個完全唔似會有bb的人某日被塞一個bb仲被逼要照顧佢咁)還迎(過程中一定係烏龍百出而超好笑，慢慢從討厭產生感情)，最後建立咗感情後又發現原來個bb唔關自己事…被逼分開了…oh﹗但marketing golden rule如是說：小朋友和動物是必殺的﹗只要唔好太天馬行空通常都work架啦…又說個bb仔又真係超得意，個男主角又超令仔(﹗)…咁啲劇情又超好笑…真係輕輕鬆鬆個半鐘架﹗

search一search原來有好多款poster…呢個法令紋之顯露poster影得兩父子一樣令仔﹗哈…(咦，個bb之後仲有無拍戲呢？)

(狂貼…下面兩張騎單車攪到我一路以為呢套係江湖片…)

記得之前古黑子和成虫大哥有套《寶貝計劃》(我沒看)…都係呢啲點子吧？話實碩哥演呢位高中生真係幾好笑，因為個bb唔肯飲奶粉而要搵母乳，跟住佢去搵番邊個係bb阿媽時竟然被8(﹗)個女友摑佢(我笑到傻咗…)…嘩﹗又打交又煙又酒又多女友…唔怪得老師成日鬧佢又成日要見家長了…不過慢慢佢立定心腸要養個仔時，搵極工都無人肯請佢，最後的少少錢買了包古古力奶用手指尾喂俾bb飲時好有愛啊﹗(但佢以為上的士點知係警車時我又笑到傻了…)((唔買煙買多罐奶粉又係好有愛啊﹗))而個韓國攪笑藝人啲旁白又好攪笑吓的…當然…阿bb鬼咁精靈眼仔look look咁又係好殺…

超齡高中生呀﹗﹗(繼上山落水都唔甩的眼線之後，今次係返工返學打交瞓覺都gel行的頭髮…)哈哈哈…除了兩父子，啲配角都好睇，有因為個仔成日被學校見家長而離家出走的父母(爸爸叫俊秀做咗阿爸唔好喊時好有愛啊﹗)，老師開頭打韓俊秀(張根碩)打到棒球棍都斷時勁兇狠，但在俊秀父母走咗去時兩次都係佢去差館搵俊秀，又係好有愛啊﹗(但點解佢成日俾人以為係俊秀阿媽時唔講清楚自己係老師呢？)反而係個女主角(？)金星有啲呆…有少少煩…

對住個仔飲悶酒…哈哈…(佢想掉個仔去垃圾站被人發現而扮執煎PAN，同埋在車站LOCKER被職員叫停唔可以放BB都超好笑…)((而佢去警局拎番個BB時同向女職員話阿媽生完BB死咗無母乳求地址時扮晒喊個樣又超爆笑喎﹗))(((寫劇集花癡文都無貼咁多相…話時話…)))

結局好在係happy ending啫…噢耶﹗(片入面同俊秀一齊想pat bb去孤兒院個叔叔係咪《梨泰院》入面AJ個律師？)

1/5/13後按：終於都俾我買到隻碟日睇夜睇了﹗哈

**********************************************************

《寵物情人》 (推銀度：100/5﹗)

呢個曲髮係就番寵物既角色架？我想話碩哥前陣子去日本連環宣傳，是但一個髮型都好睇過片入面那個囉…而兩張poster都很有甜片feel…

um，呢套片人靚景靚配樂靚就係故仔唔靚，說寵物情人甚麼的不如說姐姐養男寵(很變態的感覺…)…就是說因為要靚於是鏡頭運用都不在講故仔方面，本來就是主人和寵物，但當主人交了男友時寵物又無啦啦妒忌起上來要爭一餐(寵物和男友打wii那段是好笑的…話時話)…點呀？可唔可以加番少少情節交代吓呢…

或者小的一開始對主人寵物呢個setting不太信服(硬覺得很變態呢…)((又說小的沒看過日劇版…))，故仔又講到一截截咁，看著碩哥不停賣萌金荷娜不停短裙賣令腿時就…um…很吃不消…活像睇緊本識郁的寫真集…囧﹗(所以說戲路好像被局限了…很懷念《貝多芬》的建宇啊﹗雖然小的中毒才不過一個月啦吓…)

見網上風評都麻麻地，說碩哥太高大不及松本潤，好奇之下看了一集…um…但呢套劇集合了兩位小的不太click的演員…還是看不下去…哈哈哈…

另…最尾一場歌舞做乜呀？巧難受耶…
**************************************************************
花癡報告完畢…以上。

下集大結局：[韓影一條龍]~下：《愉快的人生》、《七音符》、《男友從軍記》…