[國劇]國劇初體驗~《美人心計》

看到這幅圖，想大家也明典解小的無啦啦會看這套吧﹗哈哈哈哈…(無呀，咁呢水收費台做緊嘛，某日見bobo和胡囧做宣傳咪知有套咁既劇囉…)

好了，其實小的本來係想睇《宮》…但一見《美人心計》個封面…哈哈哈…都係睇咗呢套先啦…

貼多一張先~bobo和紫薇格格雖然被吾娘評為嚴重姐弟的感覺，不過睇落又幾襯。原來劇組最初打算讓bobo(為免看倌唔知我指邊個…解釋一吓，bobo=馬三保=陳鍵lone呢~哈)演劉盈，但覺得他的外型跟林心如頗合襯，於是就升呢成為男一號了~

OK，唔花癡住。故仔詳情可見此。簡單來說就是竇皇后的一生，點樣從各式危難當中用佢既智慧去化險為夷，宮廷鬥爭(主打都係后妃呀咁)少不免，各式女角chitchur咁轉，目不暇給的說(也說是說好些不認識的演員…我睇極都認唔到佢係邊個)，故事情節好豐富，又咁，阿竇皇后次次都被推到角落，然後佢又次次都用帶點不尋常的方法去拆招，跟住又次次俾佢過關，過程是驚險的，不過又有點重覆…(我真是麻煩)。睇到而家，感覺是ok的。

看了幾集，第一個感覺是很像《宮心計》，又是女角媽媽捲入宮廷旋渦而被殺，留下孤女和另一個女孩成為好友，兩個女孩又咁啱入宮喎，跟住女角又係忠，另一個女孩就心術不正的，跟住個皇帝又硬係鍾情個忠既女角，而個奸既就要千方百計去搶…嘩，同時仲有個勁奸的太后在攪事(呂后vs謝雪心﹗)，而佢又扶了一個比較弱勢的皇帝上場，同時佢個ex-情敵(薄太后vs韓瑪莉)個仔(劉恆vs陳豪，sorry，小的其實無睇《宮心計》，唔記得啲角色名，也懶查維基了)其實是很有能力的，不過為了避開太后耳目而要扮傻掩人耳目……看我數了幾多共通點出嚟﹗

原來一早已經有媒體點出呢個問題，而劇組方面也有回應過，um…以史為實…但個前段真係好似喎﹗不過可以講既係，《美人心計》喺人物性格塑造度係細緻啲，小的特別喜歡雪鳶和竇皇后本來互相猜忌，變成互相扶持，啲transit位是不突兀的(謎之聲：雖然我無集集睇《宮心計》，但真心覺得阿麗妃係奸得好浮誇…)well，雖然阿劉恆和竇皇后的情感都好細膩，但一聽到恆哥仔講埋啲瓊瑤式對白「我要將我的全部都交給你…呀~~~~」…小的就不禁打了冷震…XD

人靚景靚故仔支節豐富，無得衰既，講唔出佢差，不過我追看意欲，想信會因為劉恆死去而降低囉~(個人都係鐘意清裝劇多啲…)

貼多張「豆苗」合照，劉恆係無三保咁粉樣呢~

另外兩個男角…周亞夫和劉盈…(bobo係即刻靚仔度突出咗好多…)

記得06年睇黃曉明版本的《神鵰》時對楊冪演的郭襄頗有印象，很可愛的呀~楊妹妹呢套劇先係演女殺手(女殺手…天生一副好身手…點解漢朝可以半空吊副倌木喺半山度架？﹗好神怪啊﹗)，之後就做竇皇后的左右手，個齊輯輯留海的造型好易認(真係好難認清邊個打邊個)，聽聞雪鳶最後要死的…嗚…呀，開首咪話本來想睇《宮》既，呢套穿越劇就係楊妹妹擔正的，仲有郭羨妮的(就係佢話同劇中武指拍拖我先知有套咁既劇)，好有興趣啊~

同劇另一港星胡囧囧，唔知係咪全劇女演員都係粗眼線+簷篷眼睫毛，突然覺得胡小姐難得地清秀了(真心想同無記化妝姐姐講，唔好吓吓咁重手啦？好俗氣呀)，暫時都未睇到佢有好多戲份…再觀察。另外演慎兒的王麗坤小姐，跟bobo有套時裝的《盛女的演金時代》而家播緊呀﹗我想睇呀…

um，我要努力同偉大的祖國接軌先~~~

以上。