琴日大作戰~2：日能教材篇

看倌們看得出這兩本是同一本書，分別是新版和舊版嗎？

對，它們確是同一本，是新版和舊版…小的沒留意那個…拎起橙色的新版揭揭內容幾好喎﹗就買了…可惡啊﹗返屋企揭舊版內容沒兩樣…囧﹗double了﹗

工欲善其事必先利其器嘛，常說甚麼新版舊版，就是因為10年起能力試改制了，於是相關的書本(借故)改動了內容，於是舊書有點雞肋，新書講到天下無敵但又跟舊的沒甚麼兩樣…

來作一個點算吧﹗

貴貴貴

這個catergory的書主要從himawari書店搜購，價格約150~400不等，書店無記錯的話好像是12算的，普通沒cd附送既文法、語彙、讀解書大概1,200yen~3,000yen不等，睇yen就覺千零啫ok丫…一算番港紙就…哈哈哈…所以要揭清楚同埋望望有沒有台版/祖國版，其實係咪真係特登要買日版呢…是可以相確的。

上面的那本「完全マスター」就係揼心口之選，囧。和舊版內容根本沒兩樣吧。而且這種分門別類記語彙的書實在有太多…嗚…百幾蚊架…(不過小的還是努力從頭到尾做了一遍，增強語彙能力嘛要…)

左中兩本暫時都未見有國版和祖版，揼心指水是較低的。左邊那本有讀解、文型、語彙和聽解幾本書，讀解沒買，聽解買了未做，打算6月才開始。至於文型和語彙，跟中間那本型式頗相像的，文型就係將幾個類近的抽埋一齊，有些例句，記完就做幾題exercise，最後有幾個mock exam，比台版書多了些舊制past paper很少見的文型(但問題來了…舊制唔考新制會唔會考呢？咁應唔應該記呢？)。至於語彙，型式也是大同小異，左邊那個整本都是練習，要寫(係寫…唔係揀)平假名，每個練習有很多標音特別或近寫法的字，可以當係背完書後來一個總括。中間那本和上面橙色那本形式類近，都係分門別類的將常見生字列出(附例句)，之後有個小練習，後面係mock exam。不過特別之處係佢將字句印成紅色，附紅色膠片乙張，你可以將膠片蓋上用以背書…壞處是紙很厚，書很重也不好寫。

右邊那本注意係有祖國版的﹗(而內容跟大新書局出的也沒兩樣…沒有太大特色)

暫時未開始做模疑試題，所以沒研究那些一本幾份paper的書。回帶，一附有cd就貴上座底500yen…都幾la脷的說。

中中中

平平之選大多是商x書店之類入購的台灣教材，約7x~1xx不等，價錢是令人感到舒爽一點的。而用紙也輕一點，帶出街無日本版的書咁重，感覺又再良好一點。

個人頗喜歡這一本的，每一頁就是文型、語彙和外來語(或其他)題目三題，看完有答案後就揭後一頁睇答案，十分適合搭車時睇。雖則說坊間有很多成本都係的語彙書，但好多時睇既時候背了，轉個頭就唔記得…都唔知係咪已經記入腦，做題目可以肯定一吓嘛~(註：這本是有日版或祖版的…任君選擇~)

這一來的排列跟「貴貴貴」項中左中右的左和右是相當類近的(真懶唔肯去寫書名)，也就是說如果閣下唔一定要全本書是日文，看中文解釋也不介意的話，這個平均一本7x蚊的就可以了。讀解篇沒看過，不知效果如何，但語彙/漢字，都係一堆字跟住有幾題exercise咁，感覺沒日版書的解釋深入，有點太簡單，其實如果重槌出擊了前列的日版書，呢個系列其實是可以skip的。

感覺台版書level好像比日版書淺易(vice versa，日版書又常有一些深到從來未見過的語彙或文型，令人很有挫折感…囧﹗)

底下那個予想問題集嘛，問題就如上一段所講…感覺是有一點太顯淺的(只是小的去做又唔係啱晒喎﹗)好些舊制的未掉，就用來練習讀解和聽解…咁囉。

平平平

小的未試過有淘寶淘書，只有從簡體書店如書香世代或尚書房入手，書大概是2x~9x，很少過百的，拎上手輕飄飄(用紙多是擺幾年應該會發霉的油印紙)，咁等價交換啫，平咁多，咁梗係無日版咁精美既…如果閣下唔介意，極度建議先看看簡體書店才再去日版書店入貨，因為很多日版書都有祖版的…價錢…哈哈哈…總之…哈哈哈啦﹗

隨手在淘寶網上就搵到很多祖國版的書，好勁﹗不過小的只從書店買過…最近用緊這本「新日本語能力考試N1 語法練習篇」(其他的都大同小異的了)，將能力試題目分開，每個題目動軏幾百題的練習(395﹗係395呀﹗)，做都做到頭暈…囧…題目疑似係舊制能力試題目…而且睇得兩三本就發現啲題目好重覆吓，不排除係同一個pool大家用唔同方法present出嚟，所以揭多幾揭，搵一本layout最合自己心水架啦﹗同埋都幾多時會有缺頁…要小心…暫時買了呢本既語法和語彙，感覺都幾良好…一口氣幾百題咁做，recall番好多記憶…有啲字真係成世都標錯平假名的…激死我了﹗

店子仲有好多模疑試題書，打算下一步去入幾本做練習，不過有點驚既係試過以前放cd入電腦即中毒hang咗…呢吓係有少少驚…

past paper係本人的至愛呢﹗不過呢本好衰…明明09年舊制叫一級，但又魚目混珠叫N1…。anyway，小的還是覺得應該擺一本看門口，雖然說新制考的範圍比舊制廣了，也不如以前咁嚟嚟去去考那些(文法和語彙呀特別…啲mc真係恰埋眼都識做)，當係check point睇吓自己standard去到邊都好既…。幾十蚊有齊十幾廿年的試題，仲要有埋cd可以做聽解，唔得你死啦…(不過我試過聽碟聽到hang機之嘛…)，買得過呀﹗

*************************************************

以上，小的繼續匿番埋深山繼續煲書。

前一篇：琴日大作戰~1：日能復仇記