- 我懷疑這是因為當年大學畢業後失業失久了…從此很怕閒著在家無聊的感覺(中學年代的暑假就唔同講法囉…)。就算是一天假，事前我都會諗吓有乜可以做…去邊度食飯，睇場乜野戲，如果係平日既話有無銀行野去攪…總之填到一天滿滿就最好了。
- 就算係幾分鐘等lift的空檔小的都忍不住拎手機出嚟上陣網…有時我覺得自己病態網民係自己養成的…但企喺度擔天望地，總不成和對面那個三唔識七既人你眼望我眼架？等車流流車的時間拎部機出嚟睇吓新聞…時間好像用得比較有意義喎﹗
- 以前我會係咪都袋本書喺走難袋度。用意都係搭車時可以睇書，善用時間呀﹗不過以我點幾兩點都唔肯去瞓係都要打機…通常朝早上車都係補眠囉﹗
- 為了不讓自己太得閒，就走去學吓呢樣學吓那樣。其實怕自己無進步都係另一個強迫症，都算係雙失後的覺悟吧？﹗俾錢去學校學既又好，自己上網自學既又好，總之from time to time學到啲新野，就會覺得感覺好充實個心會安定啲…
- 就算躲在家裡都有好多野做…洗衫(我呢啲懶鬼懶起上嚟真係一日開兩次洗衣機洗晒啲衫佢)、執房、清櫃…做家務…囧﹗
- 一人自閉在家塞時間的良伴是煲劇。但這個興趣已減退了很多，一來已很少遇到讓我有衝動煲的劇(近年的日劇我真係提不起興趣去睇…呢水主打煲番舊港劇…)，二 來…總覺得呆呆的坐在mon前煲花費很多時間(我通常係邊食飯邊送劇…又或邊睇邊打機…)。舊年很癲的試過一晚ff KO 了《烈火雄心1》，但之後係不能自拔的狂瞓…囧﹗得不償失囉…
- 其實當年開小博都係塞時間的其中一樣item。前司年代滿有牢騷的(小的曾經是很有熱誠的熱血青年呢…)，好像有很多東西都不吐不快，適逢興起寫博這玩意就跟風開一個來胡說八道一番。慢慢當工作慢慢上番軌道，公事忙私事忙瞓覺都唔得閒時…博務就荒廢了…哈~
- 小的很多時都會在公司食自家飯盒的。剩下來的時間又係好好規劃的時候，不知何解總覺得這寶貴的幾十分鐘用來睡覺很浪費…但打機又何嚐唔浪費呢…
- 中學時塞時間小玩意有：整手作公仔衫、寫大字(係﹗真係用毛筆墨硯寫…)、抄小說、打書(係﹗真係對住本書打落word度，對練習打字有莫大益處)，成本很低，但很費到好多時間﹗
我諗強迫人聽我推介的歌都係我既一個強迫症？﹗哈哈。咁今次不貼歌啦~yeah!~
沒有留言:
張貼留言
要講幾句嗎？﹗XD