【小熊人擂台賽】13：信用咭

我自首，我係個個星期要寫《小熊人》先去某夫人個網度睇題目…所以這個信用卡題目…前陣子我寫咗呀…某夫人不要打我…


關於信用卡，一直很難忘預科last day老師一番語重心長的說話，其中一樣就是說不要碌爆卡…

如舊文所言，聽既時候真係覺得老師都傻既，咁易碌爆咩…。但原來，卡是很易拎既，credit limit是很易升既，簽卡和auto pay是很容易攪掂既，還min paid感覺很化算既，over draft也不是甚麼難是來既…原來，碌爆卡真是很容易既。

前陣子開咗張新卡，credit limit居然係我月薪好幾倍，嚇到我腳都軟了…快快手去上card centre 降limit…呢個世界真係崩壞啦…囧﹗

而家買基金投資前咪要做個評估既，個人覺得開信用卡都要囉…。因為簽卡消費太容易，錢儲埋一次先找，袋中既cash突然好似多了(是好似…)，無形中promote緊卡主再使多啲，危險﹗好危險﹗

呢個世界有啲人很有定力既(e.g.家母)，每月會限主一個簽卡既limit，簽夠就收手；簽完會儲著存根，收到statement時就核對一番，從來係收 單就寄cheque，從來不會為迎新禮品而簽幾多千蚊，遇見不明來歷既收費一定打上去card centre據理力爭一番…；呢啲客銀行一定很討厭，卡係有簽卻從來不會簽得多又準時找卡數，想賺多兩個錢利息都唔得。呀，家母從來不會同一時間分期兩樣 野既，佢始終都係鐘意一筆過買，費時要分十幾廿期煩喎。

上一輩小富又儉真係有道理，要學要學(很多我既想法舊文都寫過了，此處不重覆了)。娘說不明白為何有些人可以min paid度日爭到十幾廿萬叫父母攪掂佢就算，呃…太陽之下無新事，一樣米養百樣人嘛…只能說他們是面鏡子，警醒自己理財要小心囉…

其實我越來越討厭信用卡，銀行/包有幾多使幾多，無債一身輕，幾好。

另外的一篇：信用卡