吃喝要努力1~The Sky Bar

首先，要不是朋友有半價(是半價啊﹗新張關係所以減得咁勁…)coupon相贈，以我咁唔鐘意傲翔坊應該都無幾可去的說。

第二，當我們到reception說我們訂了枱時，店家領了我們去隔離的一家店度坐(那是Sky Bar的母公司？)，即係呢，一坐底見到有麵包一大杯，好似幾吸引吓的說…


我又回帶，我很不喜歡這個商場三尖八角的設計，十萬個唔自在(古語有云橫樑壓頂唔好呀﹗)，還好上到13樓的Sky Lounge即時開揚番，兼且幾有情調，模吓酒杯底食吓野吹吓水係唔錯。

但若然撞正樓下12樓(中圖)的歌手開show)，那就要擘大喉嚨講野了。他們的歌聲不是差(其實很不錯的…)，只是聲浪太大太吵耳了…長期喺呢啲地方度坐我覺得要帶耳罩的說…

當然，食才是重點。

1. & 2.：海鮮是是日重點。生蠔款式本來很多的(看上左圖，店家會拎住大個牌到你的位子處介紹今日有乜好食的…)，但我們去時所剩無幾了。3款蠔不算很creamy，不過幾新鮮，爽爽地又夠新鮮咁。個海鮮盤就不甚了了啦…

3.：在場有不飲得人仕關係而叫的荔枝sake，甜甜的十分易入口，只係入口後有少少酒精after taste(真係喺喉嚨度攻番上嚟…)…不錯的說…

4.：德國雜腸…都係咁啦…呢家的好食好多…

5.：本來係蜆但變了魷魚的意粉。魷魚很好嚼頭﹗上枱時熱騰騰的，很讚﹗

6.：唔記得乜名的牛排。也是很不錯的說…(安格斯？)

7.：黃花汁(？)煮青口，青口係ok咁啦，最好味係個汁，點薯條超讚的﹗(啲青口甩晒殼，感覺有點似食炒蜆…)

8., 10., & 11.：雖然店家經理極力推介一款甜品叫「喜怒哀樂」，不過「甜酸苦辣」味的甜品還是有點怪怪的…於是各自點一個心水…這3款是朋友點的，樣子很精美，味道也很不錯的說…

9.：本人點的brie cheese，中間加咗黑松露醬，放在餅上食超香超好食的。不過就超級大舊囉…我平時喺城市超級買的都是這個size，食足成個星期架﹗

5個人狂食完每人180蚊落樓，有半價真好啊﹗個人比較喜歡此店的熱吃和甜點，而家收番正價既話當然無食得咁狂啦。不過點個飲品吹吹水坐吓都幾開心…重點是…樓下可唔可以不要唱歌唱得咁大聲？

The Sky Bar@openrice

地雷特工評分時間：(很久沒出現了﹗哈…)

地雷度：2分(5分滿分)~主打係樓下啲唱歌表演太嘈…
翻炒度：3分(5分滿分)~正價來說都唔算太貴既…不過不會太密囉…
推介度：4分(5分滿分)~好難得在這三尖八角的商場有地方會坐得舒服的說…