打仔…

是「打仔」，不是「打工仔」啊…

話實家住我樓下的c9經常開壇打仔，每次都挑夜晚九點幾時段打上一兩個字，好多次本人歸家步出電梯就聽到樓下的小朋友淒厲的慘哭聲…聞者傷心聽者流淚阿﹗個細路點唔聽話都好，晚晚打…容乜易打出人命啊。吾娘和隔壁的c9佢地為娘者都於心 不忍，聽說曾經有人報警求助，慘哭聲好像停過一陣…不過最近又再現了…

聽說，有c9已積極計劃下一步行動…

諗番起當年我爹和娘都有打，不過唔會郁啲就打，主打係犯上嚴重罪行(如講大話…打交…等)，爹多數係真打，而我娘通常係做樣，配上本人天下無敵的演技--明明都未fit落去已經喊到五官la埋一舊再扮氣搐，娘通常就改罰跪祖先/洗碗/無電視睇/無飯食/企鐵閘/罰企…(這…就叫慈母多敗兒嗎？﹗哈哈哈…)

又咁講，爹和娘通常打幾吓，無話打到屁股開花既，啦啦啦，家父家母無虐兒架﹗(不過罰無電視睇對本人來說仲慘過被打到屁股開花…)聽過人家說小時父母會隨手拎起乜就打，又唔理部位亂咁fit，啊…我爹和娘都算溫柔啦…話實爹和娘那輩都係棒下教出來的嘛…還好沒有照版煮碗…囧…

作 為「籐條炆豬肉」伴隨長大的一群，其實適當的體罰係有助教小朋友既(注意係適當喎﹗)，回想當年爹和娘拎起籐條起勢fit落嚟，痛到眼水口水鼻水狂標…仲 敢唔乖嘛…真係打得少咩，這…算是教導小兒唔好亂咁行差踏錯嘛？﹗又，想減刑？﹗坦白從寬抗拒從嚴(有點像民初片啲嚴刑逼供…囧…)，這算是灌輸誠實的好處吧？﹗

屋企有被丙危險，小學時都有被打危險。記得初小時的老師每逢默書低過某個分數都會打手板的說，至於用乜尺(木？鐵？嘩…兩樣都痛入心…)就唔記得啦。咁本人呢啲練精學懶讀書只求合格數的人，梗係唔會懶到被人打啦。唯一一次被打手板是補習(認真的補習老師﹗)對功課時，本人不停串錯「self」(我十分記得的說，那水教緊themselves、yourself、myself)，改極都錯miss嬲起上來說一個串錯 的self打5吓…又唔知點解本人咁「堅忍」一副「一人做事一人當」的面孔…囧。當然，從此我係勁記得這件事，和唔會串錯個「self」字啦…

打手板對本人來說已是最甘的體罰，偶然一兩次的就是罰企、罰抄咁，無計啦，小的鐘意上堂講野嘛…哈哈哈。又說還好小的學校不算變態，咁小的又不是超級「壞」學生，受咗罰下次唔敢囉…又說當年本人真係一舊薯仔，好好教的說…(我在讚自己？)

有時我覺得對小朋友要有點紀律，當佢地犯咗大錯確係要罰得重啲教訓吓，要不小朋友唔知驚的說。不過，太甘的話…就太得人驚…個細路…人嚟架喎？﹗大佬…

(又說，家陣啲小朋友咁珍貴，唔捨得打的父母居多吧？)