平民美食之旅

每次開飯都會影影影，但每次都無心機post post post，今次一次過，將這一水食過的post晒上呢﹗

去片--> 

位置便利關係，每周勉強完後都會去吃一吃，每次都要經過一輪痛苦交戰--到底食雞蛋仔定夾餅好呢…由於太喜歡雞蛋仔中間軟綿綿的質感，基本上十次有八次雞蛋仔戰勝夾餅。自從牛雜不知何時消失後，雞蛋仔就成頭號目標，魚蛋偶爾才篤一篤。

今日食的一底，唔知係咪烘耐了，硬咗少少。

地點喺邊度閣下嘗試搵啦。只能說，這次法式的好比年前的希臘式好多了，熱盤、凍盤和甜品都頗有水準，尤其那「pat」法式燉蛋﹗午間自助餐而言食物選擇是唔太多又唔太少，即係話，出去兩轉已夠拎夠飽肚的食物，是要遷就繁忙的businessman嘛…。唯獨是…那個很夠mushroom味的湯，不知 是否要襯番酒店健康主題於是走cream了…味是夠了…但效果極為「水漾」，少許令人不安。

(23/2/12後按：會有人知是那兒嗎？仲有另外兩篇的…這個和這個)

尖咀的「doraya」，嚐了某大推介的蔥吞拿魚腩飯定食，盛惠七十幾，加送貼身服務：本人要求走蔥店員主動走晒麵豉湯的青﹗…雖然，本人不大喝這個湯的。

另外貪得意叫了個唔知乜乜明太子(唔記得咗係烤定煎？？)明太子，多數見佢用呢做炒飯，好奇之下就點來試吓齋食的感覺…一食之下…嘩…又苦又甘又辣又…味很濃，一時間也不知如何形容其味道(到而家也不知道…)。結論是，它還是不要單獨成菜(伴啤酒除外…)，還是作菜的配料好了(用來配魚生飯效果倒不錯﹗)。

一向後知後覺的本人全不知此店的開張，純粹係見佢新開又試吓(本人到現在還未去試Mos的說…)。現在做緊promotion，叫一個正價的食/飲品就可以十蚊叫個漢堡，試了個照燒牛肉漢堡和有機咖啡乙杯，咖啡沒甚特別(有機的…該怎喝出分吃呢？﹗)，那個漢堡頗不俗，燒汁牛肉汁的份量啱啱好，吃時還未被兩塊包吸盡(本人最怕吸汁吸到軟lai lai的包…)。包頗軟熟但稍嫌凍了點，也許是因為初頭點了外賣但後來卻堂食，擾攘了一輪，又也許店內冷氣太大，令熱騰騰的漢堡轉眼變凍了。

這是家母至愛的飯店，全因餸菜多平靚正又大碟。四個人，三餸一湯一飯足以飽到捧住個肚。

有個疑問…為何筲箕灣店埋單時有生果送…西灣河店無架呢？﹗

題外話，左下的鱆魚雞粒炒飯是近期才加入的說，質素完全拍得住鮑魚汁鱆魚雞粒炒飯神級地位的南山村品香樓，那本人就唔使山長水遠爬去大坑朝聖的說…







***************************************************

其實我唔記得漢堡包文係咪得咁多之： 

慢9拍試食記~Mos Burger

希望越大之…Fatburger
人試我又試~burgeroom
再訪Burgeroom之夜麻麻食早餐
又來漢堡@Big Ernie's Diner
暴走Monster Burger
快餐雜記 (burger king和時新﹗)