[日劇]唔掂…《巨星夫婿2》

題目呢兩個字係比《巨星夫婿2003》和本人今日的考試…唉…唔掂呀…

第一輯的成功，首先係長瀨智也演活了櫻庭裕一郎巨星冷酷的一面和私底下土氣可愛的一面；做巨星嘛，話晒都係Johnny偶像，整個迷死女粉絲的樣真係合埋眼唔使演技都曉；另一方面他和竹內結子合演的小夫妻外型合襯(雖然我一路睇一路諗住步姐…)，肉麻但有趣又溫馨，戴上hair-band和眼鏡的裕一郎，雖然係傻傻地，但還未令本人反感…；加埋性格各有不同的家人(家姐三件/阿爸一件/姨甥兩件/奇怪社長和經理人)，集集攪笑得來又幾感人，同時又幾滿足到本人對明星的好奇心(尤其是私生活…哈哈)，雖然，總覺得日本狗仔隊咁神通廣大竟然得一個攝記哥哥踢爆櫻庭入贅的事…無理由

第二輯除了櫻庭裕一郎、 社長(つんく)角色一樣，人物故事都係全新的(雖然仍有篠原涼子)，女主腳換上了酒井法子。這次櫻庭繼續係表面上cool爆私底下土氣男生，這次傻look多於cool look，周不時興奮大叫，佢邊叫"萬歲"我邊叫"救命"(使唔使咁high呀？﹗)，加上他荷蘭國旗了色hair-band和撞晒色粉色運動裝，嘩，我喺街度見到個咁既人唔望多兩眼都唔得啦﹗和他搭檔的酒井法子，雖然外貌卡娃兒如昔，努力忘記她和長瀨年紀的差距(六年)的話外型都ok合襯，可是她正經八八的(對比第一輯裕一郎無咁興奮而竹內結子的小櫻又會陪佢癲一齊肉麻當有趣)演出，襯上裕一郎周不時扭扭擰擰和興奮大叫(第一輯時正常得多…這個比《My Boss My Hero》的真喜男更…智障…恕我用呢個term來形容…)，感覺似阿媽湊仔(已超越了姐弟的感覺…)…極怪…頂唔順…

第一輯的家人有好嘈的傻大姐大家姐和女強人三家姐，亦有唔多嘈的阿爸、二家姐和姨甥，有人嘈有人唔出聲就算加上好嘈的裕一郎仍然好balance吓。第二輯除咗阿爸外四個女人都係勁嘈的一類，一到屋企戲就嘈到拆天，加埋興奮莫明的裕一郎…救命…呢個係屋企定街市呢架？…頂唔順…x2

櫻庭劇中的新歌《不能沒有你》反而幾OK，幾好聽喎﹗不過和上次一樣，話咗有新歌出出咗十一集都仲係唱住嗰隻歌…

結論，第一輯好睇和感動幾百倍…

兩集…我頂唔順了…都係回歸煲《夜王》和《虎與龍》好了。

另一篇：今期熱煲：長瀨智也~
前一篇：日劇]孤獨的牙刷~《巨星夫婿》

1/5/13後按：乜呢套野第六集有KK做嘉賓特別演出咩？點解我完全唔知…
***

今日的日文試



第一份文字語彙，雖然有啲唔識但大致上都ok既



第二份listening比我想像中淺，應該都ok既



第三份文法讀解，亦係本人最驚的一份。雖然有啲唔識，但讀解兩篇文淺到送分咁，都應該ok既

但最唔ok既係…



…

…

…

…

…

第一份卷我寫錯和油錯咗個考生編號呀﹗

死啦，咁咪成份卷無分？﹗天呀… 

(20/3/12後按：好在…無事…)
*********************************************************
趁聖誕月貼吓聖誕歌應吓節先~

MERRY CHRISTMAS 郭富城

陪你慶祝不只一次　仍難及上及今天意義 時間氣氛感覺一致　你低聲說和我願意
除了喝采只有歡笑　人人在說燈飾美妙 而我此刻只有心跳　我終知道誰最重要
無分彼此也熱鬧團聚　這個節日裡 世上誰也似是孩子　同在唱簡簡單單一句
I say merry christmas to the world now
這夜誰會平凡　但願未來日子　每夜每天像今晚
I say merry christmas to the world now
世上誰會平凡　實現共同夢想　即使孤單多少晚　還有這晚 (這一晚　像似孩子)
從那天邊走到海角　人人在找心中快樂 而我此刻跟你摸索　再不必要獨個落泊
merry christmas to the world now all dreams come true