我和我的手機

食了《我和我的唐山》個名，內文…和此書係無關的…

最近索尼愛納稅出了個號稱配備「side把索」的新手機，強勁拍攝功能、生滋、媒體播放…齋看廣告片都叫人心動，難怪身邊仍是吐滋的友儕紛紛身痕想出番部新機順手生滋一番。唔止窈窕淑女君子好逑，型仔手機都會有大把人好「求」。

本人嘛，向來以娘見稱，太先進我怕會變成「你玩機，機玩你」…

自會考放榜日陀電話起(多易記的紀念日)，多年來試過不同手機牌子，第一部屬於自己的手提是Love Generation的CDMA，乃因之前曾在旺角被人扒了當時媽媽新出的Ann醫師手機，媽媽不容有失，只批准出cheap機。之後是到現在仍存活，在正選沒電而要換出就後備上陣的落機呀8250，它的貪食蛇可是玩到本人的手停不下來；其後遇到我的和phone至愛拍尼索力的知啲92，可真是至死不渝； 它病入膏肓後才轉索尼愛納稅的Tee600唉，乃係本人第一部彩芒機，03年先轉可見本人都係娘娘地的一批。現在，我一心一意奔向和phone的懷抱—和拍尼索力VS2雙宿雙棲。

曾幾何時，本人也有新痕扮潮玩MP3手機；但試過後反而喜歡簡簡單單的功能，再勁的功能我都沒怎樣用，用來用去還是最基本的「打出打入」。於是又回歸到那部被認為沒啥特別功能的和phone。最邪係，每次搵工收到offer的手機都係拍尼索力，而我用親索尼愛納稅都會有邪事發生；所以，新機點靚我都會死守我的幸運和phone。

我對我手機的要求：(簡單中有點複雜，複雜中又有點簡單…)

通話：只要有通電紀錄等我搵番個電話號碼，又睇得到累積通話時間(分來電和來出)就可以，我好鐘意睇我講咗幾多個鐘電話，如同個睇Blog共有幾多click rate，無聊時就開來睇睇，好鬼有成就感

短訊：基於本人係九方白痴，所以SMS都係打英文。而我又無朋友仔係網內人，send幾句野又要比次錢，不如打電話啦。所以十年都唔send一次

通訊錄：由於本人唔記電話號碼，無咗個電話即等如無晒朋友。通訊錄最好有得分群組，每個群組又可以set特定的鈴聲。未開機(我那部是摺機)就大約估到係邊個搵我

鈴聲：其實我比較miss當年落機呀入歌仔年代的鈴聲，雖然而家MP3鈴聲自由度更大。最緊要有番咁上下記憶體俾我入鈴聲，耐不耐轉吓才有新鮮感和儲我的周星星經典對白。聽到整首MP3就不必，始終覺得用MP3機聽聲會靚啲，電話舊電又襟用點

相機：都是基本野，沒連環快怕、沒扮Lomo四格，影Snapshot綽綽有餘(最重要當然係防手震)就夠。重要有紀念性的相我還是會用DC

鬧鐘：這是我揀電話最看重的項目之一。基於本人懶床情況嚴重，晚晚都要預備大量鬧鐘以防出事，當然，手電是少不了的

遊戲：被8250縱壞了本人曾經很迷玩手電遊戲。用Tee600唉時更常走去DL遊戲。不過現在的手機一來上唔到網(我都唔知點解)，二來網絡供應商無提供 遊戲予這手機型號，所以慳番。雖然手機內置了兩個遊戲，唔合本人口味所以無玩過。用得最多反而是字典，見到唔識的字可以即刻拎出呢查，唔錯簡單來就，只要係部靚仔和講得的手機就得。哈哈。

另外的：
一堆舊物
我至愛的一條：電話繩(仲有劇入面見過好鐘意的一條：睇劇集的induced consumption)
入歌仔
和風摺機! 
1st Little Life - 手機
------------------------------------------------------------------------------------
食完《我和我的唐山》的爛gag，也談談這本書。

認識這書是因為A-Level CLC Paper  5其中一本指定課外書，老師為增加趣味性，五本課外書分別用小測、做project、讀書報告(最後兩個忘了)來評分。《我和我的唐山》被安排為難度最高的「讀書報告」，更安排為暑期作業。雖然我等學子不成材，但仍奢望有幸做個大學生，那暑假可是搏殺的緊要時刻。於是，慚愧，當年我是抄人家的功課去交， 書，沒啥看過。由於原稿出色，我的複製品也得到不俗的評價，連同其他幾個課外書test造就了我整張A-Level  Cert唯一一個A，當然，是心中有愧的。

前陣子為唐山大地震三十週年，我倒想看看這本當年沒時間做功課而丟在一旁的《我和我的唐山》；最緊要，現在沒有一樣叫「分」的牽絆，沒有被迫看而看的反感。