你GA我又GA，齊齊玩YOGA

從前有「你精我都精，飲杯竹葉青」，現在是「你Ga我又Ga，齊齊玩Yoga」。

前陣子返工見大堂堆滿大群玩yoga的妙齡女郎，唔使問阿貴都知又拍廣告了。公司座落的地點如斯高格調，自然吸引到各路廣告商來取景。本人從第一次見到馬德bell拍信用卡廣告八掛不停"裝裝貢"，已麻木得望也不望頭也不回入電梯返寫字樓了。近日偷閒看《神鵰》時見到這個廣告，噢，原來係好X克營X麥粉。

不知何解，逢sell健康大橋都係玩yoga，可唔可以有啲新意呀？

除了這個好X克營X麥粉(我聽了好幾次才聽清楚名字，第一次聽還以為是甚麼密粉…化妝架喎…)，近期還有請了廖碧兒參演的紅茶廣告，在巴士不停見廖小姐請教某yoga老師飲甚麼茶配甚麼yoga姿勢能達致怎樣的效果云云。還有之前的牛奶廣告(忘了牌子)，又係sell健康，廣告主角又係做yoga。從前這類型廣告主角都係做運動，不過係遊水跑步打乒乓波(當然有例外，如白花牛王子的羽毛球…)，而家通通yo住呢。

不禁想問，既然飲你們是但一個加做yoga就可達致瘦身效果，那該飲那個呢？茶有咖啡因，那飲奶吧，但那個密粉又說自己有麥和奶的好處，好有營養喎…好煩麻，不如我做完yoga飲水算啦，不是說日日飲八杯水對身體最有益麼？

除了廣告，無記劇集都好落力的加入做yoga的情節。雖然本人煲劇次數大減，前兩年的有《妙手仁心3》(還記得黎G在水中yo…)、《水滸無間道》(又係黎G)，近期當然係《高朋滿座》。睇劇集時，我又不禁有疑問，yoga唔係要全神貫注呢做動作架咩？何解啲主角總係一路yo一路傾計，有些仲係一路上堂一路傾…個導師又會比佢地傾計嘈住其他學員既…

以前八掛雜誌愛偷影藝人做運動遊水健身，現在都偷影(或做媒明影)他們yoga中的「美態」，還賦以「海獅」之美名讚揚某名主持女兒。看來現在藝人(尤其是女的)想成為偷拍對像記要yoga，唔好做其他運動了。

Yoga毫無疑問係新興健美運動，但產品吓吓用呢營造健康形象，電視劇又吓吓拎呢整出個中產味道(相信《高朋滿座》係例外)，一窩蜂得好濫。從那些廣告看得出，yoga對那些廣告商來說係瘦身必殺技而非用來提升身體基能，乃係target那些「姿色份子」好武器。

唔知那號稱自己「跳跳舞，瘦瘦身」的纖體公司幾時出番個「Yoyoga，瘦瘦身」療程呢？

18/01/16後按：妙極mega dance算唔算？