世盃難忘片段

曲終人散，終於重回正常生活，可以全身投入工作唔使為夜晚的比賽心掛掛了。在此為令我著迷無覺可瞓的世盃作個總結，第時睇番可以笑一餐﹗

1. 意粉奪冠

我諗很多人在賽前都不將意粉隊放在冠軍熱門人馬之內(連我這粉絲也…)，到四強之前意粉隊著實沒有遇過如荷蘭對葡萄牙、法國對巴西的硬仗。然而意粉隊表現實在令人耳目一新，不再一味入一粒就死守，「臘味」教練常排出四五一陣式進可攻退可守…(下刪一百萬讚美辭…)

不過數最難忘當然係意粉隊最後出入波無仇報戰術，對澳洲時人人以為要打加時點知補時前搏得十二碼，攪掂了希丁克的球隊；到四強時人人又諗住要射十二碼，又比格羅素廿八分半鐘攪掂，真係估你唔到。

黃健翔的激情講波著實亦居功至偉，相比上來香港的講波佬就「平實」得多，唔知CCTV仲會唔會留住佢呢？
--------------------------------------------------------------------------------
2. 施丹領紅被逐

比98年肥度失準之謎更謎的事件，話說補時階段下半場初意粉隊的馬達拉斯和C丹有一野拉扯，馬一路在C丹後面口UPUP的講野(有說夫挑釁…)，不久後C丹就一頭槌落馬心口，馬就應聲倒地(有說是插水…)。球證本來睇唔到事年發生，在旁證提白之下就發出C丹足球生涯最後一張紅牌，球王就如此和冠軍寶座擦身而過。雖然我不是法國粉絲，但這場面也夠唏噓…

轉載：據轉播比賽的法國電視台解說員在賽後公佈的說法，馬特拉齊對齊達內說： 「意大利養出來的一條忘恩負義的狗」，這句話激怒了整場比賽表現出色的齊祖，最終一頭撞倒馬特拉齊，也撞倒了他再奪世界盃的希望。據意大利媒體在賽後公佈的說法，馬特拉齊對齊達內說的，「回去的加油站吧！」(阿爾及利亞後裔在法國大多從事加油站的苦力)

此話題比意粉得冠軍更具話題性，也實在令人費解，C丹復出不是為國爭取第二次冠軍麼？要 不他甚麼有傷都要在場上繼續拼(亦有說是教練道明尼治拒絕換佢走)？先不談甚麼球王身份，他作為隊長和隊中精神支柱，應知道自己的重要性，傷出就無話可說，被趕出場可影響場中隊員的士氣﹗以他的年資也不應會因人家一半句話而分心影響比賽…真費解…

 

<-正常版

^^網上攪鬼唔正常版

http://www.youtube.com/watch?v=j1i_l0OeeMc

--------------------------------------------------------------------------------
3. 朗尼領紅被逐

據說，肥朗係踢到人時球證還沒有比牌動作，葡萄牙球員堆埋一齊不停投訴，而其中一個就係肥朗曼聯的隊友C7；肥朗講講吓推了C7一下，球證在此時就高舉了紅牌一張，肥朗緣盡決賽周。球員為自己隊友投訴絕乃係家常便飯，問題就係C7哥行開之後向葡萄牙後備席單眼，據說，係向大飛哥報告已完成任務云云。一如當年碧咸領紅後英格蘭出局，今年亦如是；不過公敵就由碧咸仔變成今日的C7，無獨有偶，都係曼聯的7號仔﹗

據說，C7會去皇馬，又據說，費爺會留雲佬捨C7，真係唔到最後一分鐘都未有分曉。

C7單眼鏡頭：http://www.youtube.com/watch?v=SFvZ389nsCE

 (真係PG18家長指引…)
--------------------------------------------------------------------------------
4. 紅黃牌

賽前FIFA又有呢個指引又有嗰個指引，攪到球證們不知如何是好，有些好寬鬆，有些好緊，少少時都出牌，於是我們有幸欣賞4紅13黃的賽事(荷蘭對葡萄牙)，牌的數目仲多過角球射門，好驚﹗

仲驚喜的是竟然有球證俾三個黃牌 同一個球員(克羅地亞對澳洲)﹗真係勁驚﹗

講開葡萄牙，估唔到佢地插水神技有咁既功力，三十二支球隊排第一的當然係功力深厚的意粉隊，第一就係葡萄牙﹗真厲害﹗

10大優秀插水：http://www.youtube.com/watch?v=NMeqYTKHQvY
--------------------------------------------------------------------------------
5. 長人高治

呢個係無聊的，但佢個pose又真係幾得意，佢高丫嘛﹗










--------------------------------------------------------------------------------
6. 64台講波姐姐

話說我決賽當晚睇睇吓瞓著咗，咁放工之後就返屋企睇番重播啦，誰不知61和63台都播緊精華，就睇住64台，班主持基本上都好正常，除了一位姐姐(唔知叫咩名)，她除了報賠率之外的對白就係：

「施丹，上呀上呀，哎呀，唔好傷呀施丹﹗」(失聲驚呼)

「哎呀﹗個波比人搶咗呀﹗」(走音地 )

「列貝利﹗好波﹗」(旁邊的佬冷笑：好波呀…哈哈哈)

「上呀﹗哎呀，又比簡拿華路搶咗…」(dead air)

「其實2邊入到決賽都叫有交代架啦」(好明顯呢位姐姐係法國fans…)

呢位姐姐經常驚呼和尖叫(尤其是法國攻入意大利禁區時)，睇完真係check check聽覺有無受損﹗
------------------------------------------------------------------
世界盃手記最終回