2014/07/12

[日劇]追劇進度雜談

Aka…准一哥的一條龍…哈哈哈(所以我沒能看世界盃囉!)

這套1997年的《D×D》(Dangerous Angel Death Hunter)((驚﹗﹗﹗﹗﹗17年了﹗))我在2008年時tag了豆瓣說想看,攪攪吓卒之6年後的今天click吓click吓看到…件事好時日如飛(俾我唱埋佢:今天在我心裡…)

原來《虎與龍》不是長瀨和准一第一次合作,更驚的是阿部サダヲ叔叔都有份﹗巧京京﹗除了阿部、長准二人和客串的山口達也(我好似除了n年前到不行的《That's カンニング! 史上最大の作戦? 》(出貓大作戰<--這是安室奈美惠絕無僅有的電影演出﹗)外好似不怎樣見到佢拍戲)和仲間由紀惠外,啲人係…唔識的…而90年代除了法子姐姐、《屋簷》和KK幾套,其實我睇得唔多的…跟住啲畫質鬆郁濛的…好奇妙…

故事而言其實相當之《銀狼怪奇檔案》(<--咦…這套其實不是太多人會睇的吧?)…um…就是主角因意外得到超能力,初頭就係誤打誤撞解決了事件,跟住自己會自發去查案,咁《銀狼》就係啟發了腦內的另一個超高能自己,《D×D》的悟(長瀨智也)就係死裡逃生後見到靈體,咁無啦啦又有個同樣睇到靈體的虎之助(岡田准一)發現到悟,老梗就係二人一定會由唔妥成為朋友,前面一定係輕輕鬆鬆打怪獸幫吓人變成生死激鬥啦…我估既﹗哈﹗其實我已經唔記得《銀狼》劇情…係好記得光一的同學係井之原和秋山純…囧(14/10/14後按:嘩﹗我記得啦﹗最後同銀狼打生打死的大惡人係金狼﹗三宅健呀﹗)

更攪笑的是呢套的とらちゃん係准一,到《虎與龍》就變成長瀨…噢﹗我看得太遲了﹗實在太有趣了…
*****************************************************
《SP 警視庁警備部警護課第四係》6/11
我竟然好神心地煲完兩套電影版後繼續翻看本篇,頭一次看的時候經常覺得尾形一班人好唔抵,明明搵命搏但又不被重視,唔怪得主題曲都要唱住"It's a way of life",好似好想向未來衝但又有啲無奈咁…umum

跟住,點解啲罪犯咁高智能但警護課來來去去都係得五個人?邊做得來呀…

跟住…2016年東京大會…是奧運?﹗看來壽司國真係好熱忱競逐呢啲國際大賽。last but not least,《D×D》(1997)啲電話仲有條飛吓飛吓的天線(《我們的勇氣未滿都市》係差唔多年代的出品呀﹗),《SP》(2008年1月播,咁2007年拍的啦﹗剛好10年﹗)就係我好熱愛的摺機…好懷念呢…
*****************************************************
軍師官兵衛》至第26集
其實官兵衛被困土牢成年係好慘的…但見呢個誘人pose還是忍不住笑了…

(又)其實這套是我第一次正式睇大河劇,之前《八重之櫻》爛咗尾,唔知呢,故事我覺得佢飛得幾快,唔係呢水係咁睇書和上網查資料都追唔到邊個城打邊個城,雖然人物登場時有打名但記唔切架嘛﹗跟住啲戰事其實都係幾野叫叫叫fing fing fing就完,番返去兵營繼續文戲…呃…死啦,我暗暗地覺得有點慳水慳力,直到第26集長政初陣先多番啲對打戲(要顯出佢衝動嘛…)…

(又又)其實我真係覺得好睇的,雖然睇了26集我仍然覺得秀吉的老婆係中谷美紀,我仍然覺得黑木瞳(此劇演秀吉老婆)應該係准一阿娘(但官兵衛親娘頭幾集已死了啦喎),我仍然覺得秀吉(竹中直人)比信長(江口洋介)老咁多好詭異,啲女角最令令係內田有紀,但27集本能寺之變佢應該都可以收工了吧﹗最新的詭異位係…演長政的松坂桃李比准一小8歲…但就叫佢阿爸了…then剛剛一集光(中谷美紀)為官兵衛生了次子…啲人說相隔14年…但長政剛剛元服…16歲…點樣相隔14年呢?我計唔到呢條數呀﹗

any肥,還是會快快好樂樂追落去的…
*****************************************************
プラトニック》(拍拉圖式)至第6集
剛剛播了結局(第8集),忍不住上網自我爆雷,青年最後都係無講到叫乜名﹗太爆了﹗唔知呢,沙良姨姨做乜要話俾個女知青年來的目的係為捐個心俾佢呢?見到沙良笑住說我都係想俾你知時覺得好殘忍,點解佢會覺得係為個女好呢…巧京京呀﹗

唔知係咪《人間失格》的訓練,呢套雖然啲人都係佛口蛇心(主打係沙良啦)…但未至於有見到留加時的毛骨悚然…係咪即係我可以再挑番《未成年》和《聖者之行進》呢?(謎之聲:那年頭的步姐個樣…umum)
*****************************************************
若者たち2014》第1集
原來真係翻拍既﹗而首主題曲又係翻唱既﹗唔怪得昭和味咁濃啦﹗
ok,第一集成家已經有一千萬個問題,簡直係《同一屋簷下》和《Summer Snow》加埋的總和再square,而妻夫木聰演的大哥狂燥度和講野機關槍度都係大佬江口洋介和夏生(堂本剛)的總和再square,好驚呀﹗佢好煩呀﹗

故仔老梗就係幾兄妹各有各問題又互相被揭露咁,可以想像應該係會好似《屋簷》咁不停打交(《屋》係打到整穿門上的紙,今次無啦,所以次次都係搬飯枱),then次子又係在外回歸(不過二佬係做養子…瑛太係坐完監出來…咦…佢殺了長澤的阿娘?),阿妹又攪不倫﹗實在太似了…還是家庭溫情劇都係呢啲呢…

呀…古有大佬的馬拉松,今有旭的格鬥…

上面說我睇極都覺得准一同黑木姨姨應該係母子(就算我睇完《東京鐵塔》都好…),今回我繼續覺得妻夫木聰係會殺滿島光的﹗(《惡人》﹗哈哈哈)。跟住跟光攪不倫(都繼續有不倫)的新城醫生(吉岡秀隆)聽到佢把聲就諗起《東京小屋》個死人頭(係…問題係佢個頭…)…媽呀﹗點解佢做醫生都唔執番個清爽啲既髮型呢﹗其實仲有好多熟口熟面的配搭,妻夫木聰和倉井優(呀﹗不是配准一哥了嗎?﹗﹗﹗﹗),瑛太和長澤,雖然劇情熟口熟面,但人腳都值得一看呀﹗

繼續追,以上。

沒有留言:

張貼留言

要講幾句嗎?﹗XD