2014/07/03

[日劇]《木更津キャッツアイ》(木更津貓眼)

就說因為一套《永遠的零》小的失驚無神開番日劇mode去一條龍准一哥舊/新劇作, 極速翻煲《虎與龍》後本來想看爛了尾既《SP》可惜尋遍不獲,偶然發現這套…我一路都以為我睇過晒…但睇番舊文先知原來我煲了頭兩集咋喎…

其實我還是俾啲倒帶攪到頭暈暈…XD

9/3/15後按:經過大半年的努力,我終於睇完世界篇完成晒啦﹗


喺我模糊的印象中,這套係…喜劇嚟架嘛?但原來一開始就係ぶっさん/田淵公平(岡田准一)會死的陰霾就在,三個月前未死拎緊藥的ぶっさん望住三個月後瞓喺病床被推走的ぶっさん,再睇落去佢開口埋口都說自己仲有半年命…呃…仲早走咗三個月添…囧。咁跟住佢就諗自己剩番的半年做乜好,而佢又有班同佢一齊無所事事的朋友,本來狂想之下想攪啲野…甚至係攪啲衰野(即係怪盜啦…)…又會陰差陽錯地俾佢地做了好事,過程前中後佢地都係飲住啤酒食住煙吹住水咁玩,無目的無意圖求求其但又會發吓力咁,以為吓?咁都得既時候就會倒帶,原來陰差陽差唔覺意之中每個細節環環扣所以俾佢地成功而回…呀…咁都得呀?

套劇係《池袋西口公園》之後《虎與龍》之前,《木》個結構偏向《池》的,就咁睇會覺得胡鬧鬆散(even而家我翻睇同讀好多劇評做功課),又係一班人喺一個地方度胡胡鬧鬧,《池》係查案嘛,呢套就係怪盜,難怪到後來《虎與龍》會有說是池袋西口之神遇上木更津怪盜了﹗(劇迷們也會很興奮吧?我完全過晒先睇…哈哈…我真係倒帶了…)…any肥,覺得鬆散或許係因為我被《虎》洗腦了,《虎與龍》雖然都係時裝古裝飛來飛去,但因為有落語故事框住,跳極都有個譜,但《木》既角色設定天馬行空(起碼《虎》所有人都係有正職的﹗哈哈哈…)好多,淨係オジー/小津裕次郎(古田新太)…佢…係露宿者+酗酒…但幾廿年前原來佢打棒球好得架喎…佢呢頭發癲狂叫…下個鏡頭就正經打波…轉頭又會暴走…囧﹗(呀…《虎與龍》佢都有份的﹗)…好神奇﹗又說我太into《虎與龍》,所以返轉頭看《池》和《木》時會覺得摸不著頭腦,想點呀?你班人行行企企食飯幾味咁既係點呢?

好啦,今次做番足功課我明啦,其實係青春熱血物語嚟架,ぶっさん因為時日無多想做啲野,佢啲friendバンビ/中込フトシ(櫻井翔)((家開吳服店,唯一一個大學生,或連是咁多人最正經的一個))、うっちー/內山はじめ(岡田義徳)((神出鬼沒而神神化化,次次都有驚喜如佢係有錢仔…囧))、マスター/岡林シンゴ(佐藤隆太)((開酒吧的湊仔公))、アニ/佐佐木兆(塚本高史)((有個好強的細佬所以在家無存在感)),各人喂威喂的見有人想做啲野就一齊做啲野,就係咁真係做咗啲野出嚟。因為故仔設定係小城木更津,小城市本來無新事,小事都可以係大事架,所以看似無無聊但對呢友無業(呀…其實有人有既…)就已經係熱血大事的了﹗

所以ぶっさん成日話自己時日無多其他人初頭唔信囉…

又因為我睇得太多《虎與龍》(<--究竟你要講幾多次呢?)…我成日覺得猫田(阿部サダヲ)應該係ぶっさん阿哥﹗(好了…阿部同准一喺《虎與龍》係兩兄弟),跟住小日向文世(佢喺《虎》係否定龍二((准一))和小虎((長瀨))的會長)同ぶっさん的父子情,有啲似《虎》林屋亭どん兵衛(西田敏行叔叔)和龍二次次見面就鬧交,但其實二人都好緊張對方的…只是田淵父子無媽媽喺中間,只有ぶっさん暗戀的美礼老師得閒調解吓…呀…美礼老師(藥師丸博子)係個神經質的女子,被教頭纏住又成日要向唔理佢既古古力妹學生報服好好笑,再睇《一升》佢做正經媽媽時反而唔慣啊﹗

講開又講,モー子(酒井若菜)個角色其實勁似《虎》メグミ(伊東美咲),詭異的是正在煲緊的《軍師官兵衛》酒井若菜是准一老婆的家姐…好詭異…

我咁鐘意《虎與龍》自不然要貼吓(轉微博)相…三人組呢﹗睇番龍二和ぶっさん其實都幾似,又係成日失驚無神會怪叫(I mean個演出方法)…同…又煙又酒…(好不健康…)…不過龍二就幸福好多,有鍚佢既父母和兄嫂(阿嫂塞太郎俾佢抱時塞張一萬yen入佢袋真係warm得來又心酸),跟住想做生意丟棄落語又可以復業,開創的奇怪時裝竟然又成為潮流,復業仲可以升做真打…最幸福梗係追到(高佢一截)的メグミ啦﹗(笑),當然,仲有因為做生意欠債而招回來的奇妙師兄(弟?)小虎囉~
***********************************
暫時本篇追了一半,後感等睇晒本篇和電影版再加﹗加油﹗﹗﹗﹗﹗
***********************************
9/3/15後按:

睇完日本篇其實我無乜印象,世界篇就因為係總完結篇,同埋我終於一次過睇晒,記得晒幾時ぶっさん復生幾時係回憶了…到最後ぶっさん放低個寫了bye bye的棒球走咗時好想哭…但路終歸會告一段落…無辦法啦…人始終要長大…ぶっさん就永遠22歲,其他人要繼續前行既…哭就痛痛快快哭出來吧…嗚

睇番呢,世界篇個故仔係講怪盜團幾個人因為無好好同ぶっさん道別而覺得有遺憾,又成功叫番佢個亡魂出嚟,到ぶっさん真係出現番幾個人又唔理佢…硬係愛在心裡口難開咁。反而阿爸公助見唔到復生的ぶっさん…是因為佢係陪阿仔走最後一段路的人…所以沒未講的說話吧?

就說,這個setting跟《對不起青春》一脈相承呢﹗青春呀﹗青春呀﹗

忽然好想再睇多次…哈

沒有留言:

張貼留言

要講幾句嗎?﹗XD