2014/06/02

東京濕熱遊~2~第二天

上次去了參觀早稻田,今回去看看東大…正所謂商大有紅門,東大有赤門嘛…呵呵

去了:東大-->淺草-->銀座-->新宿

看天色多好﹗從車站到東大的路上我喝掉了一整支茶啦﹗(當然…還因為我又行錯路…哈哈
本來好有熱情去周圍走走看看,又想去學生飯堂吃個在地學生餐,但真的太熱了…走走看就算…

傳說中的三四郎池…怎麼我去到邊都見到有出遊的小朋友架﹗

路牌指著傳說中的安田講堂…在裝修?﹗唔係fa…嗚

熱到不行,行番出去想搵地方坐低和食…隨便走進食堂乙間…嘩﹗開了好耐吓喎都…any肥,這個吃到捧住個肚的餐才950 yen,食到笑~

之後一天到鬼怒川走走看,就先到淺草的東武遊客中心拎飛,又順手兜個圈,本來好想試吓坐觀光輪的…但最後又無咗件事,咁就在隅田川旁的公園走走看,然後也是覺得好熱…再次唔想行想走…

其實我都唔記得點解我之後會走去銀座(有夠隨心的吧…)…呃,係,我真係走去睇歌舞伎中心的gallery和上去大樓的紀念品店兜了個圈…跟住買了條我很需要的手巾抹汗,係,天氣真係好熱(看我要重覆幾多次吧﹗哈哈哈)

神社﹗真係去到邊都有﹗諗住劇院行番去四丁目唔係好遠啫,去到可以shopping吓…點知行到嘔﹗路程中我又完整吞了一支茶…最恐怖係不用去廁所…都化成汗水啦﹗真係好熱呀﹗

去到邊我都係買書既﹗本來係想去搵光一本新書…點知發現…V6的長野博出了料理書…跟住再發現岡田官兵衛…呃…我有興趣添﹗(明明只看了一集《官兵衛》但自行發癲了…)

通常去旅行都係血併到天黑才回酒店的,今次係熱到(我再重覆一次真係好熱﹗)食個雪糕嘆陣冷氣和擺低戰利品先能繼續,琴日試過哈根大師後今日試另一個扮蕃薯的雪糕…又真係幾似喎個樣和啲味…仲有翻做的第一輯《伽俚略》送添﹗(友人說呢套劇取景的大學都係附近…但真係真係好熱…我唔想在暴露自己喺熱空氣當中啦﹗)((今次雖然都有福山大叔的啤酒廣告,但無上次去的時候咁多了…哈哈))

個樣真係堅似架﹗any肥,仲試了木村家的紅豆包,又堅係好味喎,難怪會成為名物了。買了三小個諗住做早餐,點知呢個break time就俾我食晒了…(而啲包裝真係未免太多…膠袋+紙袋再加膠袋…我買三小個包咋喎﹗)

酒店樓下的羅神便利店,上番去路經時心諗終於有一次喺新大久保之外的地方見到張某人了(咦,我今次無去…看來我對泡流很飽了…)…回個頭來天黑回酒店時…換咗﹗囧)

<--夜晚周圍行吓新宿街頭,就被伊勢丹門口的大頭B女吸引了…等身大的時候雖然個人頭還是勁爆大,但個比例好似無咁大頭怪嬰,重點是…啲衫好令呀﹗
sorry,我又買書…呀…今次發現的是勁多嵐人做封面的雜誌…囧

返酒店睇電視之前試吓酒店附近的無敵家…很好奇跟出名那家有無關係的時候…應該無的…但佢都很好味吓喎﹗有一兩天夜晚唔知食乜好的時候我又走去encore了…

門口貼著很多介紹…嘩﹗松蒲ayaya,都有夠耐的。返酒店開電視…嘩﹗hiro同今井繪理子…有夠年代久遠的。不過我最驚的是繪理子強勁的眼紋…想點…囧(其實睇光一和《官兵衛》准一的眼紋都好勁吓…囧)

第二天就係咁,以上。

4 則留言:

  1. 岡田那兩本書 (嗯, 其實係一本書和一本和電影相關的寫書集)我都有, 不過一本係香港買, 一本係淘寶找代購購買. 哎呀, 係日本買應該平好多啊.
    大野智An An封面那本雜誌相拍得幾好咁啊 (其實睇完"上鎖的房間"後, 都對大野智多了許多好感.) 佢幫Cut拍那個封面, 修圖修得太厲害了吧.
    關於眼紋的問題, 男女是絶對不平等的, 男的眼紋就算有對整個觀感都沒有太大影響, 但女若有眼紋就.......

    回覆刪除
    回覆
    1. RE:Saman Man

      喺日本買係8折左右啦,出發之前我只睇了《永遠的零》未發癲架,第一晚睇了一集《官兵衛》就癡咗線第二日買了兩本特刊…哈哈哈…

      說起上來我好似未買過《AN AN》,初初迷KINKI時就成日買《DUET》和《WINK UP》,而我那時才學日文…其實都係睇圖而已…都唔知做乜明明唔知講乜都買堆圖番嚟儲,本本都唔平架嘛﹗

      又係喎,睇《東京小屋》妻夫木聰都有點,我又唔覺得咩,見松隆子有一點眼紋就驚覺歲月不留人了﹗

      刪除
  2. 不過松隆子在"東京小屋"的造型真係靚, 令你可以無視她的眼紋.
    "An An" 和 "Only Star"售價比較平, Wink Up有點貴. 但最貴的是一系列電影雜誌, 無論在港還是日都是貴到無朋友, 亦很少降價(我指香港), 記得我前幾年"相棒"上第二集電影版時, 因為很難得有"相棒"主角做表紙, 搞到我要血流成河地掃貨.

    回覆刪除
    回覆
    1. re:Saman Man

      咁都係,松隆子姐姐令在佢唔係濃妝抹艷都可以令人覺得好美,著和服的時候仲好有古典味道呢…

      《an an》我只係喺報紙睇過內頁相(即係次次搵J+男影啲爆性感既封面內頁時),但就無買過…其他雜誌除非有好鐘意的劇集特集,否則都唔會特別買啦而家…

      電影特刊我無特別買,某次行過恩平道地庫間二手書店見到《人間失格》的寫真書就買了…才百幾蚊咋﹗套戲我覺得麻麻,但啲相真係好令令~~~~

      刪除

要講幾句嗎?﹗XD