這一部其實沒有特別追，但這水多喺屋企食飯嘛，我想話個風格、對白、人物對立位都幾有《金枝》的感覺，然後呢，究竟黃德ben和邵美琪合作了幾多部劇呀﹗
同埋，做乜之後有套甚麼《鐵馬戰車》…做乜突然hit咗？
話說羅樂林係阿花蕊紅既阿爹(今次佢唔使死啦﹗)，然後修哥係老爺，但因丈夫早逝，所以阿花要照顧兩位阿爹，我想話我諗起《CIB刑事情報科》中佢一人有幾個阿媽…然後這部…係有黃德Ben的…雖然我唔記得佢演咩角色…
兩個老人家鬥咀時好好笑，但臨尾阿花要處決時本來被安排去郊遊免白頭人送黑頭人，但最後老人家都係去送乖女人程時不禁睇到眼濕濕(<--呢吓係睇tbb劇幾耐未試過﹗)
老是常出現的龔嘉欣，唔知呢，我覺得佢呢套劇入面跟姚子羚一樣個妝無濃到一個點，咁佢地又唔係做宮中貴妃，平民既野清淡一點會順眼啲吧…
呀，我想說的是阿花被送往刑場前經過大街有好多以前佢幫手接過生的街坊送別，阿花只係叫佢地好好活著唔好做呢樣唔好做那樣，嗚，大家都好有愛…又是一個眼濕濕…
條主線男既係劊子手，女既係穩婆，一個送死一個迎生，一個係葉一個係花，條感情線因為男既職業(同埋女既係寡婦吧)所以只係淡淡然，溫心之餘沒有大上大落，睇得好舒服(係，tbb既劇我只求舒服，感情係bonus，好難得有套劇唔使你摑我我扯你頭髮，不用面容扭曲都帶到感情起伏然後你唔會想轉台)之前睇過劇情簡介都知阿花最後係會得罪萬貴妃(康華)所以要死，估唔到落手送佢一程既係葉常綠(黃德ben)，好難得會覺得由男主完結女主係最完滿，傷感之中覺得有一絲安慰，女主兩位長輩都笑中有淚而唔會覺得變態呀﹗then砍落去時阿花後頸的一條血痕看到我和娘都定咗眼…吓？真係砍咗呀﹗無人大叫「刀下留人」應該真係砍咗呀﹗有一刻「講不出聲~~講不出聲~~~」…
然後有人說劇名《刀下留人》唔係指刑場上大叫呢種場面，係指男女主的職業﹗好細心呢…
張景淳我睇了一輪先發現，佢啦黃德ben邵美琪再加簡慕華，《天與地》呀﹗不過際遇既野無得講，唔係個個都好似鄭俊弘咁會無啦啦上個節目爆紅然後出碟做歌手，家明呢幾年做過乜野劇…呃，我…無乜睇電視…然後少女阿Yan…馬子妮囉…呀，同皇上做對手戲的沈大師和康華，我娘第一反應係點解萬答應大皇上咁多…我見萬答應姓萬，即刻搵番《歷代后妃軼事》出嚟睇，真係我細個時覺得好神奇的湊小皇子湊到變妃子的那個萬氏呀﹗well，做奸妃嚟講佢二人算係最需要面容扭曲的了，都ok既，唔係成套戲太淡如水嘛。我只係想問做乜阿萬答應做咗貴妃仲係那套衫和個頭？佢最後被打入冷宮時件外套…《金枝》架喎﹗
呀，阿皇上喺李孜省(吳岱融)逼佢冊立太子時突然發難，一野企喺身fei開件袍說其實我無事架時…突然笑咗…我諗起程至美醫生套《倚天》點解曹永廉無被毒死？因為佢預先食咗解藥呀﹗哈哈哈哈哈哈哈﹗(皇上咁多場戲我最記得係呢幕…sorry)
同埋呢，阿陳山聰，我娘的評語是：佢做戲都ok呀，好過去做駙馬啦…囧﹗
呀，因為我唔係成日追，大結局時雖然阿花真係死咗係好sad，但其他人是個大團圓都好既，但我想問點解小滿係同司馬丑一齊而唔係同知秋既﹗
然後常綠每次行完刑後會去妓院搵映霞，好似《金枝》阿孫大人去搵香浮…sorry，我死都要扯上《金枝》哈哈﹗
宮中一忠一奸的有歐瑞偉和吳岱融，加埋女主邵美琪件事好80年代…歐瑞偉個角色叫懷恩…有一野我以係Ryan…
結局完咗，慢慢消化餘韻之餘也慢慢關上電視，因為我堅係對《無心法師》無興趣。哈。
Tbb主頁
沒有留言:
張貼留言
要講幾句嗎？﹗XD