[日劇] 新春SP看到飽

話說1月3日我創了個超勁的紀錄…由6點睇電視睇到12點﹗ (旅行會喪睇電視的人可能只有我)

先係6點《VS嵐新春3時間スペシャル》，跟住9點到11點半《坊っちゃん》，最後係《堂本兄弟2016あけましておめでとうSP》，我覺得我一晚睇番一年電視(對住電視機睇)的總和…好可怕。卒之去到《堂本兄弟》時我已經好攰睇睇吓瞓著咗…囧﹗

係，新春期間晚晚返酒店最重要的項目就係睇電視﹗然後見得最多既，理所當然地係嵐，之後既竟然係…中島裕翔﹗真係幾乎晚晚都見到佢…好可怕﹗(有劇和有戲上嘛﹗看來是跳跳團中力捧的一個啦﹗

啲SP大部份係喺酒店睇，有啲就係返屋企後補番的…

(排名跟評分絕對有關)﹗

赤めだか (紅鱂魚)

這部嚴格來說應該係年末SP嘛(28/12播的)，睇完一大堆後評分是跟《少爺》不相上下。呃，但卡士而言，有笑福亭鶴瓶(組長﹗)做導航員(？)，薬師丸博子姨姨做旁白(佢既名作《水手服與機關槍》仲出現喺談春間房度呀~~~)，《虎與龍》大師兄春風亭昇太客串，好親切呀﹗點數勝出。呀，壽司店的大將(老闆？)竟然係 さだまさし(佐田雅志)…《想吃雜錦麵》呀﹗個卡士好勁囉﹗(其實仲有演爸爸的寺島進同埋Lily Franky做同師傅不和的評論家…不能盡錄)

話說二宮演的立川談春係高中生(﹗)，初中時睇完立川談志(北野武)的演出後立志要拜師學藝(拜師那天的乜都加一餐咖哩…)，跟住立川流的教學方法跟林屋亭的家庭親切溫馨式教學大不同，因為佢地無固定演出場地(退出咗協會)，修行要喺師傅屋企做啲無厘頭野，師傅又喜怒無常，但原來暗地係好有愛，就算係扔談春去築地賣燒賣，都係有幫助的說﹗囧﹗

我想話呢，怎麼又有老是常出現的濱田岳？佢係早過師兄升上真打的師弟(我又諗起龍二啦﹗)，then細心睇住師弟的大師兄竟然係香川照之…佢唔係演奸人喎﹗好攪笑的是有個徒弟退出立川流轉去跟的師傅是…北野武囉﹗

《民王》的公安新田呀~~~硬覺得佢講野又會高低音錯晒…XD…然後…在《少爺》同呢套二宮都要出吓浴…佢都要走性感路線嘛…

咁新年流流睇啲青春物語真係幾爽…

坊っちゃん (少爺)
我想話呢套同樓下套SP個拍攝手法都有啲得意，啲用色好似比平時濃啲，又有啲逐格跳入，BGM又很勁的。唔同的是…二宮喺樓上演高中生…呢套就係老師。um，夏目漱石一路都有興趣但未開始睇…這是契機了﹗貢睇維基呢，1994年改編時係本木雅弘演少爺，然後1996年係郷ひろみ咁驚既﹗囧﹗

然後被《木更津貓眼》洗咗腦，見古田新太同少爺一齊反抗教頭及川光博，好唔慣流…八嶋智人好像被定型做啲跟班，但定時定候又會企番去正義那邊咁(aka《跳舞的醫生》)，然後山本耕史…死啦，我只想到佢同堀北真希結咗婚…

至於個故事…即係明治時代的《GTO》？﹗

女性作家ミステリーズ 美しき三つの嘘　(女作家懸疑系列～三個美麗謊言)

人腳而言呢套都好強，永作博美、土屋太鳳和鈴木京香，三個故仔又改編自好有人氣吓的女作家湊かなえ、三浦しをん、角田光代(懶打番中文)，但係呢，三個故仔我都覺得到喉唔到肺，係我一路睇一路食雪糕之故定係編劇突然故弄玄虛，特登唔寫清楚個結尾？我諗係我唔專心睇所以miss咗掛，書已搵番，希望原著唔會令我失望…

信長燃ゆ (信長燃燒) 

東山叔叔演信長都幾期待既，但呢套呢…我不停見啲人行來行去…睇到有點瞓著…然後我又發現中島的身影﹗

富士ファミリー (富士家族)

補檔中…乜小泉姨姨咁少戲份既…嗚…然後見到吉岡秀隆諗起佢前妻內田有紀，再諗起《倒數》入面萬理子超級熱愛小泉姨姨…哈哈

死啦，睇了一半我只覺得好神怪，仲未睇得出溫心之處？係咪我又有野miss咗？

ラーメン大好き小泉さん (喜歡拉麵的小泉)

在酒店轉台時lap到，不過極速轉咗台無睇到…

相棒 Season 14 元旦SP 

無睇到…

孤独のグルメ お正月スペシャル～真冬の北海道・旭川出張編 (孤獨的美食家 正月SP～真冬的北海道・旭川出差篇 )

無睇到…本篇都未睇完﹗

科捜研の女スペシャル (科搜研之女15 正月SP)無睇到…

吉原裏同心 ～新春吉原の大火～ (吉原裏同心 新春吉原的大火 )
無睇到…

新春睇電視真係好忙…囧﹗以上。

仲未完架﹗
仲有：[日劇] 新春SP看到飽．續