新春東京遊(3)~《倒數最後第二次戀愛》．極樂寺．鎌倉

船廠跟橫濱離不遠，咁去埋鎌倉都都好順路啫~~~

買了江之電一日卷，不用好似千明咁喺站口搵卡拍仲要俾和平笑，哈哈。(係呀，因為睇咗《倒數最後第二次戀愛》所以想來極樂寺站看看囉~)

我係咁追場景…好癲(然後有同同問：你唔去shop福袋？我唔夠大媽搶嘛﹗)

本來想從大船試吓坐湘南monorail(鐵子上身)，但我喺電車度瞓著咗…卒之去咗藤澤，咁就照坐江之電落極樂寺站啦…路經巧令令的鎌倉高校前站。話說，前兩天明明凍到一個點，但這天無啦啦又熱到傻…已經夏天衫加外套都出晒汗…呀，江之電勁多人坐…逼到媽媽都唔認得我…囧﹗其實我好掛住江之島既ハルミ食堂呀個定食呀~不過我好肚餓，行橋入島應該會餓暈…先去七里之濱搵吓野食…

btw，列車跟站頭個gap大到呢﹗

沒有甚麼理由的選了這家…然後又沒有甚麼理由的選了有豬乙件蠔三件加條炸蝦的定食…只能說好嫩好鮮好多汁，但好熱…啲陽光一路射住個背脊，一路食一路標汗…好囧


<--我好無聊…

想問呢個係咪就係令祖國同胞掃了一輪的自動升降廁所板？









陽光係刺眼到一個點﹗

then那天天氣好勁多人去衝浪，然後我一心諗住快啲去極樂寺有車就跳上時…無為意個站係得一個…無睇清楚架車去邊就上咗…囧﹗我搭咗倒頭車又去番高校前…囧﹗等車時唯有影吓遠遠的江之島啦…

<--有人姓早稻田架喎﹗

終於都到了﹗打卡留念…然後一出就有套劇的簽名板…~去長倉家好簡單，一出站轉左向喺御靈神社方向一路向前行，到見到力餅家就轉入去就到的了…中間應該會經過成就院…不過佢好似話close咗整修…

傳說有成三百年歷史的店，證明我無行錯路了~跟住順手入去買個夫婦饅頭試一吓…但我唔記得同傳說中的茶花和郵筒影個相就衝咗入去神社方向了…

到了﹗長倉家是民居所以沒有得行入去啦…御靈神社勁多人在…唔知大家係咪都係劇迷？

<--型﹗

神社門口有江之電經過…差唔多有車到時就有大堆人衝出嚟拍照…

其實好熱…不過照行埋出去睇和平執蝴蝶貝個沙灘…勁硬勁似泥地喎﹗

唔覺唔覺行行吓都行咗去長谷…但好攰唔去睇大佛，就回鎌倉站了…其實呢，長倉家離極樂寺站都一段路，行長谷站會唔會近啲？不過取景來說…梗係極樂寺站令啲啦﹗

次次行過都好鐘意睇吓個站頭有乜decoration﹗~