田口脫退

話說，2000、1年仲要去信和用特別的方法睇《Pop Jam》(上圖是我好神心搵番當年的特別方法出嚟cap架…幾有誠意﹗)的時候，光王例有的solo表演環節從來都係一堆jr仔跳來跳去，某日出了一團叫Kat-Tun的人，貢當時無乜留意既，到06年佢地出道時，先係發現《Real Face》好好聽喎﹗然後那水開始翻煲番日劇，《極道鮮師》、《野豬大改造》、《Anego》、《有閒俱樂部》(<--呢部除了橫山裕其實好難睇)一部一部的看，不得不提看到想笑的龜版《金田一》和確立龜梨收視毒藥但我覺得好好睇的《唯愛》，翻轉頭才知萬年至愛(也是收視很低﹗)的《沒有天使的街角》係有田中聖﹗…呀…我想話原來我暗粉咗佢地咁多年…

其實，我好shock…

um，咁人各有志，勉強無幸福，但跟3年走一個又走一個再走一個，未去到慶祝出道10周年就得番3個(唔知田口會唔會參加埋周年演唱會？3月22日喎﹗都算係春天前丫…掛？)就不無感概(以為4人組會幾定架啦嘛…)

又說因為05、06年開始狂煲番日劇，那幾年出道的News(我永遠寫錯佢地既大細字…是但啦)和KT團總是在走人，好似攪比賽咁，而家一邊走了5個一邊走3個，N團點數勝出(呃…)…而…N團其實由頭到尾都不太得我心…反而KT團走壞(塊+Q音…)仔路線我覺得好ok喎，而家聽番《Don't You Ever Stop》仍然覺得好正的說…(其實死咗link，不過睇番以前寫落的觀感幾有趣…我個人真係好consistent…哈)

反而，出道時覺得神神化化(粉別打我﹗)的關8而家越來越像樣…新的《武士老師》主題曲仲好鬼好聽…(粉真的別打我﹗)((有文有真相…哈哈))(((雖然KK係關西人，但我對我聽唔明的方言很頭痛…)))

又又說，小的迷既團多數都係失驚無神熱愛(多數都係無啦啦睇咗套劇而中招走去一條龍咁啦)，但睇住出道的KT團係第一團，係有啲奇怪既情意結，然後因為田中聖是第一個認識的，個人覺得赤西仁唱歌最好聽，樣…哈哈…我like傳說中王子系的田口…then…我的死亡之祝福又出事了嘛…龜梨我都ok既…不過一時時啦…我好like《唯愛》既佢又頂唔順《Second Love》的今天不用手…(中丸都有套同光王合演的《壽司王子》既…唔好無視佢)

睇番08年時的中招路線圖，田口小弟(<--很歷史感的稱呼…)係成篇文第一…但佢啲劇呢…一係路人…主役的就…um…得《新娘與爸爸》我睇得完(石原聰美﹗﹗﹗﹗﹗)

唉…點都好啦，人生路上離離合合總會有，30歲的關口(表原因)我明既，至於裡原因…當事人明就可以啦…我shock完架啦…但還是會忍不住很懷念6人年代超級好聽的《Precious One》同埋當年學日文用歌詞背單字和文法的時光…