[雜碎]《海街日記》、《暗殺教室》、《只在這裡發光》、《死神君》

其實這戲沒有影太多旅遊景點，很生活的(如…次次都想落車行的極樂寺站)，但見到江電行過湘南海岸(最景點架啦)…唉…我又好想去鎌倉睇海啦﹗

《海街日記》
戲的印象…就是很多喪禮，然後跟我們concept不一樣的是(諗起《禮儀師》)我們的是喊苦喊忽，殯儀館的氣氛總是弄得人不寒而慄，周身唔自在…any肥，這不是重點…哈哈。本身三姊妹因為爸爸過世而將suppose係第三者所生的四妹接了過來住，跟住諗起好多往事，三姊妹的阿媽係俾四妹阿媽搶了老公嘛，不過呢套唔係師奶劇，重點不在這裡(還好)。套戲舒舒服服無乜起伏咁，就是生活日常，交代每日的工作感情細節，分手呀盛呀都無乜起伏，但又無令我瞓著，總之就係舒舒服服，好奇妙，同鎌倉的海風一樣呢…呵…

綾瀨遙做老土大家姐又真係勁入型入格，跟住長澤雅美做爽朗二家姐跟大家姐完全唔同feel(呀…佢啲眼紋好勁)，呢個contrast令我不住諗起《同一屋簷下》(或者《年輕人們》)，大的總係老成持重，老二就開朗活潑，跟住啲細既一係內向一係奔放…呀~formula呀~

無既，又唔係吓吓要睇大時代愛情片大上大落的，呢啲輕鬆小品舒舒服服(看我重覆了多少次)都幾不錯，然後，我真係好想去鎌倉睇海呢﹗
*****************************************************************

《暗殺教室》
咁我無睇動畫又無睇漫畫，係知道上畫時先知原來殺老師既配音係二宮和也，then有《民王》既菅田將暉和知英，then山田涼介我只看過佢那套笑死我的《金田一》甚麼九龍財寶甚麼的(但我勁期待山田同斗真同學套《蚱蜢》…哈)，then剛剛睇完《跳舞的醫生》嘛，見到椎名桔平…我覺得佢會跳舞…XD

死啦我覺得殺老師超可愛，真心唔想佢被殺掉喎﹗佢啲造型笑爆咀的說…同埋呢，被當作垃圾的E組…好難得有個會認真教佢地野的老師…都…幾好呀…吧？﹗(最尾交代番點解殺老師會找上三年E組…有一吓感動…)

喺電線高台(？)度打交那一段堅係緊張…雖然…你明知主角一定唔會死…哈哈…

其實係咪會有續集？
*****************************************************************
《只在這裡發光》/《陽光只在這裡燦爛》
(そこのみにて光輝く)

其實呢張係《海月姬》劇照…哈哈哈﹗因為我發現大城千夏和拓児喺《海月姬》係有共演…sorry，我好無聊…(一條龍已經啟動，其實《明烏 あけがらす》都睇了啲…但唔太鐘意…囧)

呢套呢喺北海道函館拍攝，一開始…跟《海街日記》一樣…都係pan住個瞓緊覺的人隻腳…但《海》係pan長澤，《只》…係…pan…綾野剛…囧﹗《海》就舒舒服服，《只》係讓人很黯然，一路看一路數住仲有幾多分鐘，希望快啲完劇中人物的慘事就完…呀，千夏(池脇千鶴)戲中遭遇慘到無朋友，但佢咬實牙關的樣子柔中帶剛，演得入木三分，真心希望達夫(綾野剛)真係可以做啲野幫到佢，但…當然…力量很少，但做到少少都好過無丫…我諗，呢個就係戲名的要旨。

至於菅田dd演的細佬，男女主腳太搶戲，而佢個角色好外放(經常大動作和大叫咁)，咁內心戲無咁多就係無咁搶囉…

Last but not least，達夫和拓児不停食煙，拍完會唔會變肺癌高危…囧
*****************************************************************
一條龍埋啲劇啦我梗係…而家煲緊《死神君》…利打可愛到一個點呢…(雖然我內心真的喜歡《魔王》)

煲了五集，後感再補，只係想講呢，呀惡魔(菅田dd~)要人家許足三個願望先可以食人既靈魂，咁次次都許兩個…咁我咪無事囉…好唔著數喎佢…囧﹗

熱煲系列7~新．一條龍．菅田DD~電視篇 (好懶去專登出一篇…)
熱煲系列7~新．一條龍．菅田DD~電影篇
以上。