[韓劇]《Dr. 異鄉人》(1-2)

原來之前的《Three Days》有實時中字直播，之後這套《Dr. 異鄉人》有也喎﹗實在太偉大了﹗雖然宇幕出得頗慢，和經常消失了…也…就唯有以我拙劣的聆聽能力估吓有幾多就幾多…囧﹗

微博大大的開心發現…哈哈﹗南勛跟修夏的眼神…

<--呢件奸佬北泡追到去匈牙利…好兇狠…究竟去到南泡時佢會唔會再出現﹗um…any肥，第一集節奏好快，預告中出現過的情節大部份都在第一集度出現了，而原來最初朴勛爸爸去北泡係張碩柱攪出嚟的，跟住小朴勛俾糖金秘書食、小朴勛喺阿爸做金日成的手術時俾槍指、偶遇小在熙、成大學生之後賣帶賺錢、偶遇初戀、踩單車，到阿初戀被捉、朴勛入研究所、發現初戀被研究…跟住就係謎一樣的出浴場面都出現了﹗好難得，童年只係佔第一集的小部份，好快手。而原來，朴哲父子被南泡放棄北泡收容，又原來，張碩柱奸奸地的，又又原來，朴勛阿娘係有戲的…

無包括的是在研究所做活人手術的五年，去布達佩斯是(被逼)賺外匯，阿爸朴哲被槍殺了…加加埋埋啲片段就理解到點解要沖涼狂叫…是因為要救初戀，就要用初戀阿爸的心臟去移植…囧﹗超難決擇的說…

第一集無乜cap圖(反正12分鐘預告大部份都包括了)。第二集一開始就逃亡。um，我想問做醫生點解做到識純熟地用電單車飛車？而點解熟路到好似去過好多次匈牙利咁？雖然啲飛車情境係幾緊湊，而逃命小情人喺車上對望又好淒美既…呀…睇泡劇成日都有喺橋上行來行去，估唔到出外景都要有﹗(邊睇我邊諗起《學校2013》宋夏晶喺橋上面掉校服落河…)

眼利的微博大大既開心大發現，演朴勛爸的叔叔跟呢個演想當總統的叔叔有份喺《城市獵人》出現呀﹗而同李潤城一間屋的捲捲毛叔叔也有份出現做南泡醫院的醫生~

睇到呢度初戀又中槍又跌落河係令人傷心欲絕，但呢幕都拖得幾長…跟住朴勛仲要中埋槍，我忍不住疑問起上嚟…頂到咁耐既？

原來張碩柱收埋了朴勛媽…而佢身邊的金秘書係好人嚟架喎，救了朴勛媽又出手救朴勛，但點挖唔喺初戀中槍前出手呢？而佢做乜咁鐘意食棒棒糖呢？就因為朴勛請過佢食？

<--笑住放手跌落去呢一幕…我諗起Madam Jo呀﹗

睇劇情說去到南泡(鏡頭一轉又兩年後，朴勛去了南泡仲入過指導所((？))三次添﹗)朴勛努力搵錢搵初戀，但佢又中槍又做完手術又盛咁，跌埋落河都唔死實在太神奇了﹗

除了喺研究所那段扮吓cool，南勛主打係逗秀一面，睇佢同個妹妹爭500won銀仔好好笑…(係囉…唔好咁沉重啦…呢水睇親啲劇都死人lum樓既…)

我想問以後南勛做手術的時候係咪都會透視眼病患的內臟呢？呢個妹妹手指骨折佢都可以睇到﹗仲即時偷人地枝雪條食晒佢(好唔衛生呀﹗)去幫個妹妹fix個骨折位…死啦…我剩係覺得好唔衛生…雖然骨折唔開乎傷口應該唔會感染掛？

又係微博的大大說，南勛開工做手術後戴的眼鏡係咪佢爸的那副？

佢咀miu miu個樣好好笑…南舜君呀﹗

去到最尾，初戀真係未死喎﹗同埋開始舖南勛到醫院做野了，咁南勛就會同韓在俊(星星男二)對立了…期待!~~~~~