「商業日語」上堂記

睇番舊文，原來n年前在商大讀的日文堂，本書都號稱自己係商業日文﹗大囧﹗但係初學架喎﹗

um，是咁的，讀完悶到瞓著的太空漫遊甚麼高級文憑(好強大的名字)，本來繼續那個甚麼傳意及文化高級文憑，但可選的課程又沒有太大興趣，於是就想靠睇日劇和睇小說自習，但成效是…哈﹗哈﹗哈…

不進則退呀，喺「搵啲野讀」又平平地的情況之下…小的好無聊的報了個商業日語班…



講番太空漫遊的高級文憑，那本教科書《留学生のための時代を読み解く上級日本語 ―　読解から会話、作文へ》真係out到無朋友，雖然而家和10年前依然係有少子化、高齡化、晚婚化的問題，但而家仲用番99~02,3年的文章實在係太爆了﹗啲topic如果係風花雪月講吓文學歷史就話啫，呢個course又懶係講社會問題嘛，講手提都仲講緊phs﹗真係救命…

前陣子在誠品見到呢本書終於有個更新版了…揭了一揭，topic依舊不過文章更新了(但都有4,5年前…)…其實呢，我覺得呢個第7年學到既野不比之前第6年多…因為課文太悶我經常遊魂的說…

最有用，應該係presentation…不過是自由題，其實都唔包可以學以致用，但一個人企喺度講，之後老師同學問問題，應該係成年以來用得最多日文的一次…哈哈。

*********************************
講番題目的商業日語班，其實我好好奇會學啲乜，唔通一味敬語敬語同敬語？

而家上了差不多一個月，分佈是：用一本大新出版的《初級商業日語》甚麼的教科書，先學唔同situation之下會用到的會話，教吓敬語，睇吓片(內容都係商業manner，日本飲食文化，或者啲奇怪行業介紹呀咁)，教吓實用phrase咁，3個鐘好快就過。都唔係一味講文法，實用度都幾高…

真係好衰，明明睇書都有，但聽阿sir解啲させていただく、ございます又好似明啲，其實真係邊個發明尊敬語和謙讓語架﹗um，阿sir印的那本敬語估估吓問題紙的書其實我好似有的…話時話…

個阿sir係有廿幾年海外工作經驗的日本人，於是英文程度非常好(起碼發音相十分標準)，係有時好似鐘意自言自語聽唔清佢講乜。又撞著班上有幾個特別熱心的同學鐘意每事問，佢都解得幾清楚的說。講起啲鐘意每事問的同學…其實呢個班要求唔高的，二級合格就可以了，第一堂自我介紹時大家都係平均講了四、五年左右，即係呢，如果學了四、五年又二級合格的話，講到句ます形的完整句子都不為過丫，有位熱情如火鐘意問問題到不能的阿姐，見佢問野就辛苦，佢永遠都係逐隻字逐隻字的dun出嚟，然後又詞不達意(片假名的英文字都讀唔出…我接受唔到囉…)…真係差啲忍唔住想幫佢問同埋將阿sir答佢既野翻譯俾佢聽(所以我說阿sir的英文不錯嘛，好幾次講極都唔明阿sir開始講英文了…)

佢堂堂都問問題，我開始唔好心地(kuromi mode…XDDDDD)…期待佢會問啲乜野無sense的問題…)剛剛一堂唔知佢係咪sense到我啲唔好心地…問的問題正常了：成個course duration有幾耐…一年喎﹗opps﹗我以為半年添﹗而以4舊幾水一個月的學費嚟講真係相宜到極…而平(當然唔夠平霸的工聯會鬥啦)確係呢家店家的強項…

據說係無quiz和考試，好呀，我鐘意。

之前看P記有個加強講容聽的series，價錢都不太高(貴是這家店家的強項嘛)，內容又幾有趣…um，嚟緊都唔想再玩考試了，有望以實用為主…即係呢，試過接待日本客人就體驗到有幾有口難言…希望呢一年可以達成加強應用的心願啦~~~呵。

(啲學校名寫到好衰？哈哈，refer to呢篇文啦)