現在的做法，是將新買的書和從書櫃裡搵出嚟買咗N咁多年但未睇的放在一堆，然後睇完的就放到吉出嚟的位置，如此努力地將積下來很久或者我根本已經唔記得的書都搵番出嚟，製造一個貨如輪轉的假像了﹗XDDDD…如果真係出到52篇都好壯觀﹗XDDDDD
湯生的這個日本系列和梁文道的《新君王論》一樣小的都係見有新的就買…就在書店諗緊個封面紅色一個JP字好似係新既但內容又熟熟地時…諗起之前低能地重覆買了本書，今次懶醒睇吓書底啲出版資料啦，2012初版喎…仲唔無死…點知係台灣的初版…香港係06/07年就出了(咦，原來我是07年買的﹗)…算啦…，不看白不看，買了就睇埋佢先掉埋一邊…但唔知係咪一拎喺手就REMIND住自己做了的蠢事…看得很無心機…=P
《都與京》酒井順子看湯生書而認識的日本作者，湯生成日提的係酒井的《敗犬的遠吠》(係，就係講敗犬啦)咁想去搵嚟睇啦，點知反而搵到呢本《都與京》，其實係3年前買落的了，而家埋埋個尾咁。一個東京人跑去京都再講番兩者的分別幾有趣的說…
《首爾Long Stay：大發！大發！體驗超夢幻韓國在地生活！》屋哩阿沙上面係東京人去體驗京都生活，這本更爆，係位生於南泡但長於台灣的女生，到泡菜國讀3個月的SHORT COURSE體驗在地生活的點滴，夠奇情了吧﹗遊學呢個真係好吸引呢…雖然書入面作者去的店和地方都不太合我口味就是了…不過邊睇邊幻想吓自己都有得去遊吓學…都好開心的說…(就說我唔鐘意睇旅遊王嘛，反而很喜歡看這些遊記式的東東睇吓有乜地方我有興趣的…)
向借這本給我看的朋友報告：我睇完啦﹗
純粹係見到「日韓」兩隻字而走去揭，一揭…金在旭﹗代表﹗佢有份拍泡版《西洋骨董果子店》﹗(誤焦點)呃…但內文其實無乜日韓的比較…呃(除了娛樂圈那部份囉…)…呃…都係睇金文學啲中日韓民族性那些書好似有料到啲…
*************************************************************
唔係壽司國就係泡菜國了？﹗哈哈哈﹗我一心成為日韓文化研究學者啦而家…XDDDDD
再續。
我都買左好多書未睇，有本書自己無心睇，不過應成人要睇趕住睇，自己啲書又未睇得。
回覆刪除最近又買左遊戲機，買左先後悔，因為有咩時間玩？放工都夜，放假出街啦仲打機咩？咁啲書又唔知點死。
最近用手機拍自己講既野，其實係求其拍d野，主要為左錄自己講既野，當日記，因為只係錄音，無得放youtube，為的，都係當日記，無公開俾人睇。
其實都好白痴，因為自己都未必睇／聽返，有時打blog睇字可以立，但你聽既話好浪費時間咁，而且拍d野仲要求其，自己都無興趣聽好白痴
有敵
re：有敵
刪除我就係頂唔順我自己買買埋咁多書而唔去睇，所以我決定而家每日都要揭幾頁書，清吓啲睇了一啲又未睇完就放埋一邊的，睇吓一個月清到幾多本…
其實我好少借書俾人，借人地的又成日唔記得還﹗哈哈哈﹗
錄音呢…聽番自己把聲覺得好騎呢…當年alevel 中文oral要錄嚟交功課…永遠都係試既時候ok正式錄就亂晒龍的說…
不過留嚟俾自己都好既…寫同講都係一個方式啫…