[日/韓劇]《白熊咖啡廳》、《秘密花園》、《Dream High》

其實我無動漫呢個catagory…係咪應該開一個呢？﹗

話說看這個《白熊咖啡廳》是某日(死啦…打親某字就想之後打人字…好危險﹗)看到某博友的一篇，睇圖都忍唔住笑咗(white garden啊﹗)， 之後開了一集來看…嘩﹗真係好好笑…

15/9/12更新：終於睇完兩套泡劇了…

其實白熊君呢家咖啡廳都頗有《溫柔時光》、《深夜食堂》啲feel，都係一個master開了一家店然後有班熟客來打dun而引發的故事，橋唔怕舊最緊要受嘛…笑得出就得啦…

白熊君好鐘意玩食字(特別係食企鵝君的)…然後就好似聾貓咁玩phantom of the opera，最抵死時每次佢會rpg埋食字的情境，好有感情…救命…幾嬌俏~

為了幫企鵝君追女仔而同佢來一個約會實習，為令企鵝君投入仲梳埋孖辮，笑死我了﹗

淨係講master白熊君添，佢攪笑食字之餘都係一個好關懷客人(如特別為熊貓君在menu加入竹葉)，又會襯節日攪吓或者整芭菲節promotion咁，請人又唔會亂咁請，好叻的說~

客人們各有特色，有死小孩熊貓君(只愛在家碌來碌去和吃竹葉，唔理人感受淨係講自己野…最愛佢智能手機一集飛脫時佢第一時間理既係個殼，同我一樣﹗) 、企鵝君(佢主打係要追麵包店的企鵝小姐…)、羊駝(理想cafe一集佢想像的夜總會式cafe又係笑爆咀，看點是他的睫毛)、象龜(企鵝君失戀一集佢最有發揮﹗)、食蟻獸(據說佢既強項和弱項都係那個嚇人的pose…)等…

然後因為熊貓君被媽媽逼去做野(佢媽媽的配音員十足羅君左扮女人的說﹗媽媽強項是害羞表情用吸塵機吸熊貓君﹗)，於是熊貓君半推半就出去搵工，先誤打誤撞撞入白熊咖啡廳而成為常客之一，再撞入動物員做part-time熊貓，入面有動勤熊貓(有仔有女仲有一個喺老婆個肚度﹗有時會教半田桑追女仔的﹗)、住家宅男半田桑，半田桑同企鵝君都係無眼架﹗

呀，仲有正常的店員笹子和美男子花店店主rin rin桑(熊貓癡﹗)…

雖然有啲集數唔特別好笑，但so far笑點都好ok…係諗起都會想笑那種﹗哈。而另外，好多歌呀﹗主題曲就fixed咗，片尾曲據博友說係一個月轉一次…仲配合埋好有心機整的片尾…嘩﹗

另…之前說的芭菲節，真係有人整實物出來…而又係上面說的熊貓君飛脫手機一集，白熊君最後用摺紙摺了個機套俾熊貓君，都有人真係摺出嚟﹗勁﹗ 

um，也是博友提供，原來動畫係未經漫畫原作者同意之下被小學館授權制作的說(維基也如是說)…這個就有點…呃…

************************************************************ 

 《秘密花園》

話說我一路都攪唔清玄彬和元斌(套《殺手公司》都係仲未睇的﹗哈哈哈)oh，係兩個人嚟的。而泡文堂時老師又成日用呢套劇的劇照做ppt(同時仲有《愛情雨》的俊俊和李潤城﹗笑爆咀)，同學大推，跟住博友們又大推喎…加之於剛剛睇咗掌議家姐智苑姐的《黃真伊》，就唔爭在放在list上開嚟睇…

男女因意外交換身份﹗嘩﹗遠古的有《放課後》近啲有《父女7日變》 ，都係笑到標眼水的，通常女變男就笑點低啲，男變女就笑到傻的嘛…又係博友意見，話這套《秘密花園》頭10集都未講身份交換的，要中後先開始嚟料…吓…我會唔會頂唔順架﹗

暫時只看了兩集，阿彬哥演的老細級二世祖(？)又幾好笑，小氣又毒舌，無啦啦對女一有奇妙感情而強行去approach人(又嚟常見劇情？﹗)，如果佢同黃泰京鬥毒舌邊個嬴呢？

呃，就是說要等一吓先入直路…暫時看了的兩集(分了10次以上看的)都沒有太arouse到「要快啲開下一集來看」的意欲…但大家都大推的話…我是要繼續看下去發掘吓呢套劇的魅力乎？囧

15/9/12後按：終於都睇完了…

原來交換靈魂不是重點(其實都係既…)，金朱元和吉羅琳的愛情才是重點…呃…咁係好浪漫既，而啲點子雖然老土但present出嚟又幾lum和別開新面(如…朱元一開始做situp向羅琳告白咁)，我唔係話唔好睇喎(而睇的過程係明白點解咁多人鐘意到翻睇又翻睇，而且仲話係經典添﹗)…係我睇完又無乜特別感覺咁囉…

我的side cast綜合症又發作囉，玄Ben當然演得好睇，但我更鐘意睇奧斯卡哥哥喎﹗結局佢錄新歌時走晒音好好笑啊﹗

呃，咁我係成日一路做其他野地開住嚟睇，咁可能係miss咗好多野既…可能係咁所以感受唔到其精妙之處掛？(但同一個編劇我睇《紳士的品格》又好著迷和專注喎…囧)

另一篇：(轉)10 大追劇必睇男神 (上)

開心cap圖記：
[韓劇]《秘密花園》奧斯卡…韓泰善(16-20)…　(完)
[韓劇]《秘密花園》奧斯卡…韓泰善(13-15)…　(4)
[韓劇]《秘密花園》奧斯卡…韓泰善(9-12)…(3)
[韓劇]《秘密花園》奧斯卡…韓泰善(5-8)…　(2)
[韓劇]《秘密花園》奧斯卡…韓泰善(1-4)…　(1)
************************************************************
《Dream High》

也是博友大推的，見到有人譯《夢想起飛》…很熱血的感覺喎﹗呀，我睇字幕譯劇中的學校做「麒麟藝高」，跟住有博文寫「長頸鹿學校」…件事即刻白熊咖啡廳feel咗喎﹗

好爆﹗勇樣係呢家學校的理事長﹗佢係客串的？睇番原來金賢重都有客串演金賢重(XDDDD…做發表時話佢係史上最完美的花澤類嘛…不過沒興趣睇《花樣男子》咁解啫…)

um，又係睇維基，男女角大部份(全部？)都係來自現成演藝組合(剛剛才有博友說如何分辨2pm和2am…笑死我﹗)((呀，兩個女主是Miss A和T-ara))…唔怪得了，唔使train一埋位就可以跳舞唱歌囉…點解人家啲少男少女十幾歲就能歌善舞…咱們的歌手出道10年仲走音呢…唉…

um，才看了一集…果然，除了笑片最好就是看熱血的片子…看得個人都滿有正能量嘛﹗(<<甚麼啦)…呃。呀，我想話阿惠美啲縷好靚(現下熱死我了…好懷念天冷的日子呢)，竟然有人list晒劇中惠美衣服的資料喎﹗好認真…(但好貴…怎麼我咁好眼光呀…)

哈，就是說上面《秘密花園》沒有即刻想開下一集的意欲，但這套就有喎﹗只是功課未做完，要快快熄機了。(但又據說第2輯唔掂喎﹗)

繼續努力煲~女林大人8月(好似話係尾，差唔多9月頭)有新劇《善良的男人》…襯而家要清舊劇了~~~噢耶﹗

************************************************
6/9/12後按：

Generally呢套都睇得好開心既，夠熱血和正面嘛，感情線都唔算好煩人(Jason和必淑竟然走sweet路線了﹗)，仲有啲感動位好感人添(白熙被社長侵犯一段跟施老師相擁而泣時我都想喊喎﹗)…不過後段開始煩了…究竟係咪做音樂的人都會有耳疾？(森動有耳病時我就諗起《貝多芬》囉﹗)跟住我想問呢個地球，除了泡菜壽司兩國，係咪就得美國呢？點解結尾實有人要出走美國？(我講緊《愛情雨》﹗哈哈哈)好煩囉，實有幾集不停拉拉扯扯走唔走呀咁…

跟住啲人又扭扭擰擰…性格上，白熙由惠美跟班變大奸狗後尾又變小可憐又同惠美好番，惠美就從乞人憎變成為人著想，鎮國…兩個名攪到我一度唔知邊個先係佢真既角色名…最賞係姜老師呀﹗一時係害惠美爸負債的人，一時又話勾引惠美阿媽…啊﹗原來都係誤會﹗佢係好人呀﹗好煩呀﹗而鎮國阿爸無啦啦認番個仔都好爆炸的說…

最煩人的是…可以呢頭K出道，嗰頭Jason、白熙、鎮國又可以另組一隊野出道架咩？呢班人不停出道與唔出道之間…好爆炸…

我在喪踩？都唔係呀，是ok的啦，發現IU唱歌真係好好聽，哈~最大的發現應該是森動吧~佢演出係ko晒啲偶像group既人囉…同埋最爆竟然係佢去美國出碟…仲要拎格林美﹗佢應該同小(戴)志(強)偉做朋友啦，佢兩個代表日本拎世界盃冠軍嘛…~