才清完壽司版《仁醫》第一輯，泡版就來了…我好忙囉﹗(是自找的…哈哈﹗)
劇透注意﹗(劇集資料在此)
剛看了第一集，基本上都跟壽司版頗像(記得有人說過《城市獵人》是掛羊頭…哈哈﹗)…唔知今次會唔會又拎《仁醫》個名嚟賣狗片架嘛，但睇落又幾忠於壽司版喎，當然，人物是有改動的…而且都頗多…
- 點解主角唔係叫阿仁叫陳赫既？赫讀JIN音咩？(咁都問一餐我係咪好無聊呢？﹗哈哈哈﹗)
- 男主的女友都係同醫院的醫生，不過到古代就唔係花魁，而係落難兩班(又係呢個階級？的)的閏秀，雖然都係因為受傷的阿哥而認識了穿越的醫生，不過我諗那位阿哥唔係好似小出惠介咁多戲吧？
- 女一現代版係車禍而要俾男友醫治，慘好多喎﹗而我仲以為佢避開架電單車無事的時候…使唔使飛架大貨櫃車出嚟呀﹗成虫啲戲咩﹗巧京京囉…
- 咁仲會唔會有那張南方仁睇到就嚟爛的相？(陳醫生係有帶手機…南方醫生值班唔使拎手機？《CODE BLUE》要架喎﹗)
- 而女主一開始就有個未婚夫金京卓…在中哥哥啲眼神好凌厲，啤人仲勁過掌議喎﹗硬覺得係恭太郎分柝出嚟的…日版只有野風跟咲單戀南方醫生嘛…泡菜看來是要apply男一愛女一，而男二愛女一…又有個女二愛男一theory了…
- 至於poster右下角那個號稱自己係大君院的李是應(李待應？我會想講osooseyo架喎﹗)…是泡菜的阪本龍馬嗎？佢好似無咁hyper同鐘意喪叫…睇得令人舒服一點…
<<我想知阿陳醫生(咁叫會令我覺得自己講緊陳奕迅…囧﹗)會唔會好似南方醫生咁成鬼日上嚟望天打掛？
<<睇到阿美娜醫生講呢句時忍唔住笑咗…點呀﹗朴敏英姐姐套套劇都係籌錢既(但呢集入面佢想救那個病人講得兩句後就死咗…)
同埋朴姐姐雙下爬好勁啊﹗
去到古代我仲諗緊佢會唔會又去扮書寫信搵錢咁…oh…看來唔會了，都係做番啲針線工夫搵番啲收入咁…但又話佢係落難兩班的女兒(點解佢做親都係窮家女？)個妝咁濃既？
我太鐘意比較了…哈哈哈哈﹗套入咗另外一個國家度，應該係有唔同樂趣既…壽司版講幕末講到鬼咁開心…唔知泡菜版會唔會linkup埋歷史野嚟講…。又話說，某日上堂時跟同學講起，1860年正值同治中興，如果拍個強國版應該會幾有趣，一來歷史人物而言有守舊派(淨係慈禧太后都大把野作啦﹗)又有維新派，跟住中西醫學個conflict比起壽司國會更大，唔知強國有無人有興趣諗諗佢呢？
至於睇《婦產科》啲血牛雜嚇到我傻傻地咁濟的手術場面…是後天加工定特登的？做乜有濛鏡？知道我頂唔順咁多血唔通？下集要開阿哥個頭了…巧京京呀﹗
已經有第2篇：[韓劇]《仁醫》之忍不住要說兩咀…
再嚟有第3篇：[韓劇]《仁醫》吐嘈之3(至12集)
竟然寫到第4篇：[韓劇]《DR.JIN》結局貼圖文…
而…呢個product好似無喺咱們特區出售？﹗嘩﹗吾等真係被邊緣化啦﹗﹗怎麼辦呀﹗唔通我要回國振興一吓經濟了？﹗
***********************************************************************
兩套《仁醫》疊住睇…巧京京囉…哈…
又說，勾池也有勾池的好，就因為我勾池做晒先睇，唔使隔一年先再續，就無看倌們被第一輯大結局激到嘔血和想打爆芒的衝動，未來的病情、現代的搶野人究竟係咪龍馬、究竟個bb狀的腦中取出物係咩…無交代喎﹗雖然南方醫生多次覺得那個應該係龍馬，但第二輯佢又好地地的走番出嚟請南方醫生去京都喎…呃…即係點呀？﹗謎唔得閒解住，一嚟就出了一大堆歷史人物…西鄉隆盛都出埋…咁會唔會有少年明治天皇、伊藤博文呀咁呢？我覺得完全係溫習緊明治史喎﹗(係…就係會考痛苦回憶了…)
第二輯應該會focus多啲喺南方醫生成日諗的歷史影響度啦掛？(咁就慘了…龍馬san咪成日出場？佢真係好daily natural high喎﹗)
又說，點解回到過去實關張相事？每次南方醫生望住張相我就諗起《求婚大作戰》…呀…不過張相去到第一輯後段係無咗既…
而，當我諗住兩輯都係11集應該好快清完的時候，第一輯第10集加長到85分鐘，大結局1小時46分鐘，第二輯第1集又嚟1小時46分鐘…睇完我覺得好似經歷完成個江戶時代咁囉…嘩﹗使唔使咁長呀﹗(有說要搶收視嘛﹗)…唉呀…
好了…繼續煲﹗(好難得會睇番日劇嘛呢輪…)哈哈哈哈…
上一篇：[日/韓劇]《仁醫》、《成均館緋聞》、《黃真伊》
完成後記：[日劇]《仁醫》(1、2輯)
沒有留言:
張貼留言
要講幾句嗎？﹗XD