色士風之歌~

話說，不通音律的本人音樂堂的考試總是一敗塗地，唯獨一項係最有興趣的：聽樂器﹗哈哈，可能係慣了偷聽八掛，所以練成耳聽八方的本領。好了，其實想說的是，眾多樂器中我最喜歡管樂的聲音(唔通係因為…我個人本身都…鐘意…吹水…囧﹗)，特別係色士風，硬覺得編曲時加了落去…首歌好像有味道了…哈。

(其實都唔係首首色士風的，有啲可能係其他…唔肯定既估估吓放埋一齊囉~)

安室奈美惠《Sweet 19 Blues》(4:52打後先係…之前的係《Respect the power of love》)

這一首被我煲爛的了，首歌歌如其名就係甜蜜19藍調，古古力年代少有的感性慢歌。眾多版本最愛這個《Tour Genius 2000》的，加重了色士風部份，即刻成熟不少(啊，這是安室媽媽產後第一個演唱會啊﹗)，好感性啊﹗唱完後安室返回後台，隊band back住和唱的叔叔嬸嬸繼續唱住「She got the blues, she got the blues」，好似變咗西洋樂曲咁，感覺完全唔同晒，好好玩。正。(27/2/12後按：片源被砍，只能貼住現成的…)

KinKi Kids 《Love U4 Good》

(26/12/11後按：片斷了…求其塞住隻歌喺度先啦…哈哈哈)

呢首我真係覺得好lum(係《夕陽醉了》那種感覺喎…喺日落黃昏之下同情人慢步沙灘，邊嘆住杯champagne那種﹗)，可以說呢張碟係小的對呢兩位哥哥仔改觀的一張，喂，原來都唔係齋偶像賣樣架喎(好了，十分之賣花讚花香呀吓﹗)

張學友《夕陽醉了》   

唔爭在貼埋這首啦，我懷疑係睇《我在柏斯的日子》呢個音樂特輯識的，同期仲有一首《花花公子》也是勁喜歡的說﹗不過望咗一望…咦，我印象中個音樂特輯有張曼玉架喎，但佢有份那個係另一個喎…咦…咁我究竟係睇過邊個…囧﹗

郭富城 《沒有你的愛》

其實同碟因有為本人的萬年最愛《雨中感嘆號》，這首其實無得比的，不過曲子末段4:24開始講完獨白「點解你仲唔打電話俾我」後，分幾鐘的音樂solo…umum，和前4分鐘的少男情懷是有點不對味的。如果當年有手提的話我諗我會cut咗佢出嚟做鈴聲的﹗(如《木紋》的曲末一段音樂…我專留意這些的吧？﹗哈)

btw，這個mv明明是華星的，怎麼都沒郭城城的﹗(bbtw，今天是他老人家大壽呢﹗恭喜恭喜﹗唔通…這是出文的真正目的？﹗哈)只有一個樣子很《城市驚喜》的少女…囧(26/12/11後按：咦，而家又SEARCH到個有佢樣既喎﹗)

劉德華 《你是我的女人》

記得當年有個同學係十分喜歡Kenny G的，小的係pop友嘛(哈，係無英文歌架呢個list﹗)，係唔會神心到圖書館借純音樂碟(係，當年學校圖書館係有各式古典/洋樂cd借的…)聽，不過講色士風無肯尼之先生唔得吧﹗咁貼呢首，也是很lum的，最緊要的係，在肯尼迷人的樂聲下，安迪劉收歛了他招牌的大戲腔，讓整件事很完整的說﹗(XDDDDD)

古巨基 《阿當．夏娃》

 

嘩，呢首咁side cut的都有，只能說句網路世界太強大了(26/12/11：搵唔番啦﹗擺住隻《羅馬假期頂住先啦…)。97年EP《心願》的side cut，乾淨真摯的唱腔就是當年熱愛的源頭囉…唉，又想嚟新舊對照的了。好了，想說第一次聽這首已經很impress，當年古生走鄰家小男孩路線嘛，喂，原來除了假音、失戀、我很慘之外(其實《完美的一天》很sweet的…)，jazz一點的都得架喎﹗(古生後期的《羅馬假期》都係呢種feel囉…)((btw，另一首個人覺得十分滄海遺珠的是《其實我…我…我》大碟入面的《我和你的未來》，仲舊的﹗哈))

琴日喺收音機聽到此曲有重唱版，喂，識貨喎﹗

Dire Straits  《Your Latest Trick》

 

雖然這首是洋樂，但我識…好明顯係因為《壹號皇庭》啦﹗某次夜晚喺收音機聽到啲好熟悉但又有啲陌生既旋律，諗咗一陣先諗起…《壹號皇庭》啊﹗原來係有人唱的歌，我一路都以為係純音樂，有趣有趣﹗

蘇永康 《假使有日能忘記》

 

唔爭在貼埋阿Raymond既歌啦﹗當時睇睇埋埋好多插曲都好聽的說，這首啦，《燈火欄柵處》、《讓我暖一些》呀咁，啊，當年真係睇到我好有心想去做律師架(以為佢地好得閒嘛…囧﹗)

草蜢 《黃昏都市人》

呢首、《歲月燃燒》和《夜了》小的都十分喜歡，有點都市節拍感覺(咦，這個term不是蓮母的嗎？，反而三子招牌的勁歌熱舞快歌我係麻麻地的(有夠怪吧？﹗)都市人嘛，聽啲會令自己relax的歌好了，吓吓chur到high晒好累人架﹗(同一原因小的十分喜歡Swing的《半張飛》…)

張國榮 《想你》

睇呢個演唱會(我是03年之後先睇的…)前已經好喜歡哥哥呢首歌庸懶的唱腔，再睇埋…嘩…有心讓人聽到we嘩鬼叫既﹗真係sexy爆…唱呢首歌之前仲係官仔骨骨西裝一度，呢首開始時脫去了外套，之後邊唱邊寬衣…降入後台時fe衫直頭係…嘩嘩嘩…真係殺死人架﹗放在尾，壓軸係必然的了﹗

*************************************************

自娛系列今次到上完畢，再續﹗呵