Unexpected海鮮站+關sk《Unexpected Live》

從下而上的影，感覺是不是很宏偉？﹗哈哈

某次看到某位博友的介紹，驚訝此店的平和靚，組團多時終於成行。由於是失驚無神興起挑戰的念頭，沒有訂位下…第一個unexpected來了…

 1 & 2：
星期五晚天氣微涼仲飄著少少雨粉，坐在店旁對著大街，仲唔係有風味﹗隔離枱的叔叔都係咁講，而佢地係更有風味--開埋酒慢慢嘆的說﹗

若看倌們不想如此有風味(或曰風塵)的吃就要預早訂位了，特別是星期五晚黃金檔期…

3 & 4：
龍蝦湯味道很濃，不錯，只是湯裡面的龍蝦就不是想像中的彈牙爽口(你在說魚蛋嗎？﹗)

5 & 6：
左：中蝦沙律--簡直是我等唔食沙律醬人類的佳音…哈哈，我終於可以食沙律了﹗原來用芒果汁伴鮮果都唔錯的說﹗可以在家試吓。
右：極鮮甜的翡翠螺，味道就是極鮮和極甜~(係咪好似TBB飲食節目啲女主持既無聊評語？哈哈)

7：
海鮮焗飯一端上枱就聞到濃濃的芝士香，內裡的海鮮都很足料~

8 & 9：
黃金蝦都不錯…只是…本人又重蹈覆轍了…在有粒痱滋蠢蠢欲動的時候食此等強勁煎炸野…給果…就是痛了兩天還未退…仲要喺脷底呀撞鬼﹗

這家店真的很不錯，三個人每人107蚊而已~因為要趕住去Unexpected，所以只快快點了幾味食完就閃。下次要試埋其他蠔呀蜆呀咁先得﹗

加大人： 值得停留的一站
海鮮站@開飯

25/3/13後按：個舖位變咗完氣﹗囧﹗
*****************************************************

看到上面不停寫unexpected，估到開完飯去看的是關淑怡的Unexpected Live嗎？(好爛的gag…卡卡…)

開場前無聊快拍，覺唔覺四面台中間圓型個十字位有點像PSP的背面？﹗這個黑白配的PSP相信都幾有型的啊﹗~



食完行去紅館的路上，突然爆出一大堆人，有些還捧著鮮花，都是去看淑怡的嗎？真係unexptected喎…

SK姐將演唱會命名為unexpected就預咗和上一次懷舊之旅不同(其實我很喜歡上次的編排…啱懷舊餅如我…卡卡…)，opening就unexpected了…ee哦哦的唱甚麼？找了一找資料才知是梵文歌，對唱的是蒙古女歌手薩頂頂，怪不得。

我想有很多人如我娘親般只expect聽懷舊金曲如《難得有情人》，而我想坐我隔離個叔叔都係，他老兄print了一大張songlist到場，不時為旁邊的女子解說這是乜野歌，下首又是乜野。只是那晚的和他手上的有點不同，而他老哥又不太識SK姐的新歌，不斷高呼錯的歌名…我懷疑他好喜歡《一切也願意》… 他將起碼5首歌命名為這首，不過人家一晨早唱咗囉…orz。當唱到他最熱愛的《難得有情人》時，話說此曲arrangement改了和《人生可有知己》一 樣是慢版鋼琴伴奏，帶點悲傷的，他老兄好像不太滿意，不斷和女伴說「首歌唔係咁架，個key慢咗(？﹗)」…老兄，key係升高和降低架喎﹗我諗我要多謝他了，娛樂性豐富過SK…XDDDDDDD

幸好同行飯腳帶備100蚊飛良伴--強勁望遠鏡乙個，可以清楚看到歌詞提水mon上show那首歌，不用被哥哥老點了…人地唱咗《一切也願意》囉…真係嬲…

看娛樂乜人台訪問原來SK姐第一場出場前扭到腳，難怪…著住那對唔係人著的六吋高踭鞋SK姐總是企定定的，沒了上次演唱會的勁歌熱舞。(隔離個哥哥高呼咗好多次對鞋起碼4吋…夠啦…)

即是呢，SK姐整晚唱都很有水準，無跳舞都不打緊啦，歌衫比上次美啊，要挑剔就是她一離開歌詞提水mon範圍就甩咀。唱日文/西班牙文歌望mon都算了，好 些舊歌都要又有點那個…最正是升上高台唱《一首獨唱的歌》時直頭望住台頂的大電視唱K…那個大電視之前是沒有show歌詞的說﹗我O咀了…

即時想起…我杯新茶演唱會滿是歌詞提水mon其實都是向前輩學野je…

第 一次睇演唱會見到歌迷唔捨得走，其實SK已encore兩次(真又好假又好，總之佢出呢再唱一陣大家就開心…)，最後大會將開得的燈都開 晒，announcement都出了3次…本來我都想睇吓主人家會唔會應尖叫聲而出…不過見控制台的人都執野走…就走啦。看新聞台訪問，SK說因為安全理由，怕佢一出呢站在通道上的觀眾會有危險，所以決定不出來了。好在…我沒有再hea下去…哎呀

睇番舊文，我要回兩餅帶：

1. 我又再次將SK的《dela》和草蜢的《嗲噢》掉亂了…
2.如果可以聽《這是我心裡對白》和《最深刻一次》就好了﹗不如加多首《離去請關燈》…

Fun：難得又有一個屬於關淑怡的LIVE
另一篇：關SK《Shlrley's Era》